Matthew 13:52 - Chishemanituu Utayimuwin: Kaa Uskaach Testament

⁵² Ekw kaa itaat, “Misiwe anichii kaa chischeyihtahkwaau Chishemanituu uwiishuwewiniyuu kaye kaa chiskutamuwaakanuutwaau kihchikiishikw chisheuchimaawiniyuu taan e iteyihtaakuniyich muyaam awen kaa tipiyeusiit ashtaasuukamikuyuu e kanuweyihtahk chekwaayuu taapishkun e miywaayikwaauh aat e weskachuuniyikwaauh kaye e ushkaayikwaauh. Taapishkun maak e miywaapachihtaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵² ᐁᒄ ᑳ ᐃᑖᑦ, ᒥᓯᐌ ᐊᓂᒌ ᑳ ᒋᔅᒉᔨᐦᑕᐦᒀᐤ ᒋᔐᒪᓂᑑ ᐅᐐᔓᐌᐎᓂᔫ ᑲᔦ ᑳ ᒋᔅᑯᑕᒧᐙᑲᓅᑣᐤ ᑭᐦᒋᑮᔑᒄ ᒋᔐᐅᒋᒫᐎᓂᔫ ᑖᓐ ᐁ ᐃᑌᔨᐦᑖᑯᓂᔨᒡ ᒧᔮᒻ ᐊᐌᓐ ᑳ ᑎᐱᔦᐅᓰᑦ ᐊᔥᑖᓲᑲᒥᑯᔫ ᐁ ᑲᓄᐌᔨᐦᑕᐦᒃ ᒉᒀᔫ ᑖᐱᔥᑯᓐ ᐁ ᒥᔻᔨᒀᐤᐦ ᐋᑦ ᐁ ᐌᔅᑲᒎᓂᔨᒀᐤᐦ ᑲᔦ ᐁ ᐅᔥᑳᔨᒀᐤᐦ᙮ ᑖᐱᔥᑯᓐ ᒫᒃ ᐁ ᒥᔻᐸᒋᐦᑖᑦ᙮

Matthew 13:52 Iomraidhean Croise

Matthew 12:35

Wesh taan e ishi ayaat awen upimaatisiiwinihch chika nuukuniyuu. Wesh e ishi ayimit awen ekut wehchi chischeyihtaakusit taan e ishi tehet.”

Matthew 13:51

Ekw Jesus kaa itaat, “Chinisituhtenaawaau aa uu kaa ishi wiihtamaatakuch.” “Ehe,” chii iteuch maak anichii chischinuhamuwaakanich.

Matthew 13:53

Iskutak maak Jesus kaa chiishkwaa waawiihtahk uyuu tipaachimuwin chiskutamaachewiniyuu chii chistuhteu anit uhchi.

Matthew 23:34

Ekw Jesus kaa itaat, “Eukw maak uu wehchi ititakuch, nika pechi itishahwaauch anichii uchischiwehiichesuuch kaye anichii kaa kachehtaaweyihtahkwaau kaye kaa chiskutamaachetwaau wiishuwewiniyuu. Yaapach maak wesh ekun che ishinaakusiyekw e nanipahekuch pasch, kutakach e chiistaaskuhwekuch asiteyaahtikuhch kaye kutakach e papasistehwekuch anite chichisheayimiheukamikuwaahch, kaye nanaahkuu ihtaawinihch e itaamuhcheyekw.

Matthew 28:19

Uu maak uhchi maachiikw nituwaapamaahkuch misiwe e itiskaanesitwaau awenichii che ihtuutawekuch chechii uchischinuhamuwaakaniyaan, che siikahaahtuwekuch utishinihkaasuwiniyuu Uhtaawiimaau nesht Ukusiisimaau nesht Kaa payehchisiyich Ahchaahkwa.

Luke 11:49

Eukw maak wehchi itwet kaa kachehtaaweyihtahk Chishemanituu, ‘Nika itishahamuwaauch anichii iinuuch uchischiwehiichesuuh, kaye apastalh. Mikw maak chika nipaheuch pasch, kaye kutak chika nanehkaachiheuch.’ Eukw maak kaa ispayiyich uyuu kaa itwet Chishemanituu.

John 13:34

E uskaach kacheskwewin chimiitinaawaau eukw uu chechii saachihiituyekw. Muyaam taan e ishpish saachihiitakuch ekun chipaa ishpish saachihiitunaawaau.

2 Corinthians 6:10

Ihtakun e ishi misimeyihtamaahch. Yaapach maak nimiywaatenaan. Namui niweyuutisiinaan. Yaapach maak nitihtutawaanaanich awenichii chechii ayaatwaau chihchiwe weyuutisiiwiniyuu. Aat ekaa chekwaan tipiyeusiyaahch, yaapach misiwe chekwaan e tipiyeusiyaahch nitishinaakusinaan.

Ephesians 3:4

Ayimihtaayekwe maak uu nimasinahiikan ekut che uhchi chischeyihtamekw e miyu nisituhtamuch chekwaayuu aniyuu kaa wii ihtuutahk Chishemanituu Christ uhchi.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.

Colossians 1:7

Epaphras maak kaa ishinihkaasut niwiichewaakanaan eukw kaa chischeyihtamihiitaakw Chishemanituu uchishewaatisiiwiniyuu kaa waawiihtamaataakw miywaachimuwiniyuu. Naashch taapwe nisaachiwiichewaanaan e wiitaapatisiimachiht uu Epaphras. Muush kuiskw ishi atushkuweu Christ kaye wiya. Naashch taapwe nimiyuu wiichihiikunaan taan e ishi atushkuwaat Christ.

Colossians 3:16

Muush maamituneyihtamihiikuwaahkw misiwe kaa ishi aayimuutamaataakw Christ, chitehiiwaahch e kanuweyihtamuwekw. Suuhk wii kachehtaaweyihtamukw e chiskutamaatuyekw kaye e kacheschimituyekw. Chitehiiwaahch uhchi nikamuushtuwaahkw Chishemanituu. Nanaaskumaahkw e nikamuushtuwekw ayimiheu nikamuwinh, David unikamuwinh ekw maak taan e ishi miitaakw kaa payehchisiit ahchaahkw nikamuwinh.

1 Timothy 3:6

Kaye maak namui awen anuhchiish e chii pimaachihut chipaa uhchi niikaanishkuweu Chishemanituu utiinimiyuuh wesh chikaa chii ishinaakusuu naashch chihchiwe chechii iteyimisut, chika chii pahchishin maak chechii ishi nishuuwanaachimaakanuut mwehch machimanituuh che ishi nishuuwanaachimaakanuyich.

Titus 1:9

Muush yaakwaau chipaa ishi naanaakachihtaau taan kaa ishi chiskutamuwaakanuut Chishemanituu kaa taapwemakaniyich utayimuwinihch uhchi. Ekw maak kuiskw chechii ishi chiskutamuwaat kutak aweyuu kaye kuiskw chechii ishi nishkuushtuwaat aniyuu aweyuu kaa wii aanuwehtamiyich.