Matthew 13:48 - Chishemanituu Utayimuwin: Kaa Uskaach Testament

⁴⁸ Iskutak maak siyaakaschineyich aniyuu utahiipiiwaauh, ekw e akwaasipitaatwaau anite yaayeu chechii pahkaanihaatwaau aniyuu namesa, aniyuu kaa miyushiyich anite aschihkuhch chii piihtahweuch, ekw aniyuu ekaa kaa miyushiyich chii wepineuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁸ ᐃᔅᑯᑕᒃ ᒫᒃ ᓯᔮᑲᔅᒋᓀᔨᒡ ᐊᓂᔫ ᐅᑕᐦᐄᐲᐙᐤᐦ, ᐁᒄ ᐁ ᐊᒀᓯᐱᑖᑣᐤ ᐊᓂᑌ ᔮᔦᐤ ᒉᒌ ᐸᐦᑳᓂᐦᐋᑣᐤ ᐊᓂᔫ ᓇᒣᓴ, ᐊᓂᔫ ᑳ ᒥᔪᔑᔨᒡ ᐊᓂᑌ ᐊᔅᒋᐦᑯᐦᒡ ᒌ ᐲᐦᑕᐦᐌᐅᒡ, ᐁᒄ ᐊᓂᔫ ᐁᑳ ᑳ ᒥᔪᔑᔨᒡ ᒌ ᐌᐱᓀᐅᒡ᙮

Matthew 13:48 Iomraidhean Croise

Matthew 13:30

Ekush taapishkun aniyuu machinihtaauchihchikanh ekw maak aniyuuh kaa wii nihtaauchihtaayaan chika niishunihtaauchinh, paatish maamuushtinikanuuhkwaawenh. Ekw maak che itakwaau anichii che maamuushtinahkwaau, niishtam aniyuuh machinihtaauchihchikanh chechii maamuushtinahkwaau, ekw maak chechii asaapahkaatahkwaau che ishkwaasahkwaau, ekw maak yaakw aniyuuh pahkweshikaniminaahtikw chechii maamuushtinahkwaau, anite che ashtaatwaau nitashtaasunikamikuhch.’ ”

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

Matthew 13:49

Ekun maak mwehch che ishinaakuhch iskutak iskwaapayihche aschii, enchilich chika nituu pahkaaniheuch aniyuu kaa machaatisiyich anite uhchi mekwesiinuu aniyuu kaa kuiskutaatisiyich e ihtaayich.

Matthew 3:12

Uu che takushihk chika iteyihtaakusuu mwehch naapeu kaa payehchihtaat pahkweshikaniminaahtikw anit chechii uhtinaat pahkweshikan kaye maak pahkaanishtaau aniyuu kaa miywaayikwaauh anite ashtaasuukamikuhch. Ekw aniyuu ekaa wiyesh chechii itaapataniyikwaauh ishkwaasam anite ekaa nihtaa aashtuweyich ishkuteyuu.” Eukw maak uyuu kaa itaat John siikahaahtaacheu aniyuu iinuu kaa pechi nituhtaakut e kacheskwet.

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.