Matthew 13:46 - Chishemanituu Utayimuwin: Kaa Uskaach Testament

⁴⁶ Iskutak meskawaat peyakw naashch e miyushiyich e shuuliyaawiyich, nituu ataaweu misiwe chekwaayuu e ishi ayaat ekw netuu utinaat aniyuu miichisha.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁶ ᐃᔅᑯᑕᒃ ᒣᔅᑲᐙᑦ ᐯᔭᒄ ᓈᔥᒡ ᐁ ᒥᔪᔑᔨᒡ ᐁ ᔔᓕᔮᐎᔨᒡ, ᓂᑑ ᐊᑖᐌᐤ ᒥᓯᐌ ᒉᒀᔫ ᐁ ᐃᔑ ᐊᔮᑦ ᐁᒄ ᓀᑑ ᐅᑎᓈᑦ ᐊᓂᔫ ᒦᒋᔕ᙮

Matthew 13:46 Iomraidhean Croise

Matthew 13:44

“Maau e iteyihtaakuhch kihchikiishikw chisheuchimaawin, muyaam e mista shuuliyaauhkwaauh chekwaayuu e chii ayaauhkahiikanuwaakupanenh ekw maak naapeu e miskahk ekun e ishinaakuhch. Miin e ati ayaauhkuhahk. Aniyuu maak e ishpish meyeyihtahk ekw netuu ataawet misiwe taan e ishi tipiyeusiit, ekw wetinahk aniyuu nihtaauchihchikan aschiiyuu anit kaa miskahk aniyuuh kaa shuuliyaauniyikwaauh chekwaayuuh.”

Matthew 13:45

“Maau kaye e ishinaakuhch kihchikiishikw chisheuchimaawin, muyaam naapeu kaa naanituweyimaat miichisha kaa mista shuuliyaawiyich.

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

ᐊᐸᔅᑕᓚᒡ 20:24

Namui maak mitun wiyesh nititeyihtamihiikun nipimaatisiiwin tepiyaahch iskutak chiishipayihche nipimaatisiiwin utah aschiihch chii chiishitaayaane taan kaa itashumit Utipeyihchikeu Jesus che itaapatisuuch, eukw uyuu chechii waawiihtamuch miywaachimuwiniyuu. Utah maak miywaachimuwinihch ekut e aayimuuteyich Chishemanituu ushaweyihchichewin.”

Galatians 6:14

Niya maak wii mikw peyakw chekwaan nimaamihchihiikun, eukw Utipeyihchikeu Jesus Christ utaashiteyaahtikum. Wesh aniyuu taan kaa ihtit Christ aashiteyaahtikuhch eukw wehchi ekaa aapateyihtamihiikuyaan aniyuuh chekwaayuuh anichii ekaa kaa taapweucheyimaatwaau Jesus naashch chihchiwe kaa iteyihtamihiikutwaau. Kaye wiyawaau maak namui mitun aapateyihtamuch aniyuuh chekwaayuuh naashch chihchiwe kaa iteyihtamihiikuuch.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.

Colossians 2:3

Mikw Christ chimiikunuu taapwe chechii nisituhtamuhkw Chishemanituu uweyuuch kachehtaaweyihtamuwin kaye uweyuuch chischeyihtamuwin.

Revelation 18:12

Namui ekw ihtaayuuh aweyuuh chechii utinamiyich taan e ishi ayaatwaau chekwaayuuh ushaaushuuliyaawaapiskuhch maak waapishuuliyaawaapiskuhch e chii uhchi ushihtaakanuyikwaauh. Namui ekw ihtaayuuh aweyuuh chechii utinaayich utasiniimuwaauh kaa miyushisiyich, maak aniyuuh kaa waaseyaapischisiyich. Namui ekw ihtaayuuh aweyuuh chechii utinamiyich umachunishimuwaauh kaa shuushawekaniyikwaauh naashch kaa miyuwekasiyikwaauh maak aniyuuh umachunishiwaauh kaa paumuhkwekaniyikwaauh maak aniyuuh kaa asinekaniyikwaauh ekw maak aniyuuh kaa mihkwekaniyikwaauh. Namui ekw ihtaayuuh aweyuuh che utinaayich misiwe e ishinaakusiyich kaa wiihchimaakusiyich mistikw kaa ayaawaatwaau chechii ataawetwaau. Namui ekw ihtaayuuh aweyuuh chechii utinamiyich nanaahkuu e ishinaakuniyikwaauh chekwaayuuh waapikunihch maak kaa shuuliyaawiyich mistikw maak kaa wiipaapischisiyich shuuliyaawaapiskwa kaa uhchi ushihtaakanuyikwaauh. Namui ekw ihtaayuuh aweyuuh chechii utinamiyich aniyuuh chekwaayuuh piywaapiskuhch maak asiniih kaa shuusuwaapischisiyich kaa uhchi ushihtaakanuyikwaauh.

Revelation 21:21

Aniyuu maak niishushaap ishkwaahtemah kaa miyuushishit kaye e misichihtit es kaa waapisit chii uhchi ushitaakanuuh. Ekw aniyuuh meskanuuh an ihtaawin tekash chii ushaaushuuliyaawaapiskuunh, chii shaapwaastehtinh muyaam waasenitaakanaapiskw kaa ishinaakuhch.