Matthew 13:44 - Chishemanituu Utayimuwin: Kaa Uskaach Testament

⁴⁴ “Maau e iteyihtaakuhch kihchikiishikw chisheuchimaawin, muyaam e mista shuuliyaauhkwaauh chekwaayuu e chii ayaauhkahiikanuwaakupanenh ekw maak naapeu e miskahk ekun e ishinaakuhch. Miin e ati ayaauhkuhahk. Aniyuu maak e ishpish meyeyihtahk ekw netuu ataawet misiwe taan e ishi tipiyeusiit, ekw wetinahk aniyuu nihtaauchihchikan aschiiyuu anit kaa miskahk aniyuuh kaa shuuliyaauniyikwaauh chekwaayuuh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᒫᐤ ᐁ ᐃᑌᔨᐦᑖᑯᐦᒡ ᑭᐦᒋᑮᔑᒄ ᒋᔐᐅᒋᒫᐎᓐ, ᒧᔮᒻ ᐁ ᒥᔅᑕ ᔔᓕᔮᐅᐦᒀᐤᐦ ᒉᒀᔫ ᐁ ᒌ ᐊᔮᐅᐦᑲᐦᐄᑲᓄᐙᑯᐸᓀᓐᐦ ᐁᒄ ᒫᒃ ᓈᐯᐤ ᐁ ᒥᔅᑲᐦᒃ ᐁᑯᓐ ᐁ ᐃᔑᓈᑯᐦᒡ᙮ ᒦᓐ ᐁ ᐊᑎ ᐊᔮᐅᐦᑯᐦᐊᐦᒃ᙮ ᐊᓂᔫ ᒫᒃ ᐁ ᐃᔥᐱᔥ ᒣᔦᔨᐦᑕᐦᒃ ᐁᒄ ᓀᑑ ᐊᑖᐌᑦ ᒥᓯᐌ ᑖᓐ ᐁ ᐃᔑ ᑎᐱᔦᐅᓰᑦ, ᐁᒄ ᐌᑎᓇᐦᒃ ᐊᓂᔫ ᓂᐦᑖᐅᒋᐦᒋᑲᓐ ᐊᔅᒌᔫ ᐊᓂᑦ ᑳ ᒥᔅᑲᐦᒃ ᐊᓂᔫᐦ ᑳ ᔔᓕᔮᐅᓂᔨᒀᐤᐦ ᒉᒀᔫᐦ᙮

Matthew 13:44 Iomraidhean Croise

Matthew 13:24

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Kihchikiishikw chisheuchimaawin eukw mwehch e ishinaakuhch naapeu e nihtaauchihchet e miyushiyich shuumin anite unihtaauchihchikan aschiihch.

Matthew 13:46

Iskutak meskawaat peyakw naashch e miyushiyich e shuuliyaawiyich, nituu ataaweu misiwe chekwaayuu e ishi ayaat ekw netuu utinaat aniyuu miichisha.”

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

Matthew 19:21

Ekw Jesus kaa itaat, “Tekash misiwe chekwaan waa ihtuutamuwane chechii kuiskutaatisiyin, nituu ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin. Chii ihtuutamane maak uu aashtam ekw maak che pechi nuushuushkuwiyin.”

Matthew 19:27

Ekw Peter kaa itwet, “Kanawaapahta maa. Shaash misiwe chekwaan nichii nakatenaan chechii nuushuushkaataahch. Uu maak kaa ishi ihtuutamaahch chekwaayuu maak che miikuyaahch Chishemanituu.”

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 6:21

Wesh taanite e kanuweyihtaakuhch chimiisitisiiwin ekute e ihtakuhch chitehii.”

Luke 14:33

Ekw Jesus miin kaa ati itwet, eukun maak mwehch e ishinaakuniyich awen kaa nituweyihtahk chechii uchischinuhamuwaakanitutuuk, paatish kata pachishteyihtam misiwe chekwaayuu e ishi ayaat.”

John 6:35

Jesus maak chii iteu, “Niya eukw an aaihkunaau anit chechii uhchi pimaatisiit awen. Awen maak che pechi naasikwe kaye che pechi taapweyimikwe, namui wiiskach miin chika uhchi siiweyuu kaye namui wiiskaat miin chika uhchi nuuhteyaapaakweu.

Romans 15:4

Misiwe taan kaa pechi itasinahiikanuuhch Chishemanituu utayimuwinihch chichii wii chiskutamaakunaanuu anit uhchi. Ekut wehchi siihchimikuyihkw kaye ekut wehchi ayaayihkw siipiiwesiiwin ekw maak chechii ayaayihkw aspeyimuwin.

Colossians 2:3

Mikw Christ chimiikunuu taapwe chechii nisituhtamuhkw Chishemanituu uweyuuch kachehtaaweyihtamuwin kaye uweyuuch chischeyihtamuwin.

Colossians 3:16

Muush maamituneyihtamihiikuwaahkw misiwe kaa ishi aayimuutamaataakw Christ, chitehiiwaahch e kanuweyihtamuwekw. Suuhk wii kachehtaaweyihtamukw e chiskutamaatuyekw kaye e kacheschimituyekw. Chitehiiwaahch uhchi nikamuushtuwaahkw Chishemanituu. Nanaaskumaahkw e nikamuushtuwekw ayimiheu nikamuwinh, David unikamuwinh ekw maak taan e ishi miitaakw kaa payehchisiit ahchaahkw nikamuwinh.

Hebrews 10:34

Chichii chistimaacheyimaawaauch anichii chipahutuukamikuhch kaa ihtaatwaau anichii kaa taapwehtahkwaau wesh kaye chiyawaau ekun mwehch kaa ishi nachishkamekw. Iskutak kaa maakunikanuuhkwaau chichekwaanimuwaau e maayeyimikuyekw chichii miyeyihtenaawaau wesh chichii chischeyihtenaawaau etituu e miywaach an chekwaan kaa ishi ayaayekw, kaye kaachiche che ihtakuhch.

Revelation 3:18

Eukw uu che uhchi wiihtamaatakuch taan che ihtiyekw. E ihtaayaan utinaahkw ushaaushuuliyaanaapiskw. Uu ushaaushuuliyaanaapiskw ishkutehch chii tataakanuu chechii payehchihtaakanuuhch. Ayaawekwe maak ekw che weyuuchisiyekw Chishemanituu ishi e ihtaat. Utinamukw kaye e waapaasikwaauh machunisha chechii chichishkamekw ekaa chechii shaakweyimuyekw wesh namui ekw chika uhchi musheshkatenaawaau. Kaye utinamukw nituhkuiin che ashtaayekw chischiisikuwaahch chechii waapahtamekw.