Matthew 13:43 - Chishemanituu Utayimuwin: Kaa Uskaach Testament

⁴³ Ekw maak Chishemanituu utiiniimh che chiihkaayaastuweyich anite Uhtaawiimaau uchisheuchimaawiniihch muyaam piisim kaa ishi chiihkaayaashtuwet. An awen kaa pehtahk suuhk wii nisituhta uu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴³ ᐁᒄ ᒫᒃ ᒋᔐᒪᓂᑑ ᐅᑏᓃᒻᐦ ᒉ ᒌᐦᑳᔮᔅᑐᐌᔨᒡ ᐊᓂᑌ ᐅᐦᑖᐐᒫᐤ ᐅᒋᔐᐅᒋᒫᐎᓃᐦᒡ ᒧᔮᒻ ᐲᓯᒻ ᑳ ᐃᔑ ᒌᐦᑳᔮᔥᑐᐌᑦ᙮ ᐊᓐ ᐊᐌᓐ ᑳ ᐯᐦᑕᐦᒃ ᓲᐦᒃ ᐐ ᓂᓯᑐᐦᑕ ᐆ᙮

Matthew 13:43 Iomraidhean Croise

Matthew 11:15

Wii nisituhtamukw maak taan kaa ishi pehtamekw.”

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 25:36

Ekaa uhchi uchekwaanimiyaan, chichii waaspisinaawaau, kaa aahkusiyaan, chichii kanuweyiminaawaau, kaye chipahutuukamikuhch kaa ihtaayaan chichii chiiutaminaawaau.’

Matthew 26:29

Chiwiihtamaatinaawaau maak namui miin nika uhchi minihkwen shuuminaapuu utah wii paatishkaan anite Nuuhtaawii uchisheuchimaawinihch miin maamuu minihkweyihkwe.”

Mark 4:23

Nituhtamukw maak, an awen kaa uhtaaukaaut e nahiihtahk maak yaakwaau kata wii nituhtam.”

Luke 12:32

“Ekaawii sechisikw, e chikawaashishiyekw, wesh Kuuhtaawaau kihchikiishikuhch kaa ihtaat naashch taapwe naheyihtamihiikuu chechii miitaakw uchisheuchimaawin.

Luke 22:29

Nuuhtaawii nichii pachishtinamaakw tipeyihchichewiniyuu anite uchisheuchimaawinihch, ekw maak niya che pachishtinamaatakuch

1 Corinthians 15:58

Eukw maak uu wehchi siihchimitakuch niichishaanitikw kaa saachihiitakuch, yaaichikaapukw e pimaatisiistuwekw Utipeyihchikeu. Ekaawii nuuhtapuuniikw. Suuhk muush aapatisiishtuwaahk Utipeyihchikeu. Wesh chichischeyihtenaawaau cheshtinaash ekaa sheshkwaaht aapatisiishtawekw Utipeyihchikeu.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.