Matthew 13:3 - Chishemanituu Utayimuwin: Kaa Uskaach Testament

³ Chiskutamaacheu tipaachimuwiniyuu maak chii aapachihtaau Jesus e waawiihtamuwaat mihchetu chekwaayuu, ekw kaa itaat, “Peyakwaau naapeu chii nituu nihtaauchihcheu anite unihtaauchihchikan aschiihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒋᔅᑯᑕᒫᒉᐤ ᑎᐹᒋᒧᐎᓂᔫ ᒫᒃ ᒌ ᐋᐸᒋᐦᑖᐤ ᒌᓴᔅ ᐁ ᐙᐐᐦᑕᒧᐙᑦ ᒥᐦᒉᑐ ᒉᒀᔫ, ᐁᒄ ᑳ ᐃᑖᑦ, ᐯᔭᒀᐤ ᓈᐯᐤ ᒌ ᓂᑑ ᓂᐦᑖᐅᒋᐦᒉᐤ ᐊᓂᑌ ᐅᓂᐦᑖᐅᒋᐦᒋᑲᓐ ᐊᔅᒌᐦᒡ᙮

Matthew 13:3 Iomraidhean Croise

Matthew 13:4

Aniyuu maak e asihchewepinahk shuuminh pasch anite patuteskanuu chii pahchishtiniyuuh, ekw piyeshiisha misiwe kaa miichiyich.

Matthew 13:53

Iskutak maak Jesus kaa chiishkwaa waawiihtahk uyuu tipaachimuwin chiskutamaachewiniyuu chii chistuhteu anit uhchi.

Matthew 22:1

Ekw Jesus miin kaa ayimihaat aniyuu iinuu tipaachimuwin chiskutamaachewiniyuu e aapachihtaat.

Matthew 24:32

“Ihtakun chekwaan chechii chiskutamaasuyekw misishuuminaahtikw e kanawaapamekw. Iskutak e ati uschinihtaauchiniyikwaau uwatihkun kaye maak e niipiisiyuut, chichischeyihtenaawaau shaash wiipach che niipihch.

Mark 12:1

Jesus etituu chii ati ayimiheu aniyuuh niikaan ayimiheuchimaauh kaye masinahiichesuuh e wiihtamuwaat uyuu tipaachimuwin chiskutamaachewiniyuu. Chii iteu, “Chii ihtaau naapeu shuuminaahtikw e chii nihtaauchihaat anite nihtaauchihchikan aschiihch. Chii chipaham maak misiwe waaskaa aniyuu unihtaauchihchikan aschii. Kaye chii muunaauhkaham taanite che pichishchishkaakanuyikwaau aniyuu miinisha. Chii ushihtaau kaye chiimuushaapiiukamikuyuu anite che uhchi naanaakachihtaakanuyikwaau aniyuu unihtaauchihchikanh. Iskutak maak kaa chiishkwaa aihtit chii naanituwaapameu aweyuu chechii naanaakachihtaayich uyuu utaschii ekw kaa chistuhtet, waahiyuu e ihtakuniyich aschiiyuu kaa ituhtet.

Mark 12:12

Aniyuu maak aweyuu kaa ayimihaat Jesus chii wii maakunikuu wesh chii chischeyimikuu wiyawaau e wii kaahchitahukutwaau wehchi wiihtamiyich uyuu tipaachimuwiniyuu. Mikw maak chii kushteuch aniyuuh iinuuh anit kaa ihtaayich wesh chii mihchetiyuu. Ekw nitawaach kaa chistuhtetwaau.

Mark 3:23

Ekw Jesus kaa wiishaamaat ekw kaa ayimihaat tipaachimuwin chiskutamaachewinh e aapachihtaat, “Taanite chechii uhchi wiiwiitishihwaat machimanituu machimanituuh.

Mark 4:13

Ekw Jesus miin kaa ati itwet, “Namui aa chinisituhtenaawaau chiyawaau e ishi wiihtamaachemakahch uu tipaachimuwin. Taanite maak chechii uhchi nisituhtamekw aniyuuh kutak tipaachimuwin.

Mark 4:33

Mihchetwaau chii tipaachimuu Jesus uyuuh e iteyihtaakuniyikwaauh tipaachimuwinh e waawiihtamuwaat. Eukw uyuuh kaa aapachihtaat e waawiihtamuwaat miywaachimuwiniyuu. Mikw taan chechii ishpish nisituhtamiyich ekun kaa ishi wiihtamuwaat.

Luke 12:41

Peter chii itweu, “Utipeyihchikeu niyaan aa mikw chitayimihiinaan uu tipaachimuwin kaa wiihtaman maak misiwe awen e ayimihaaute.”

Luke 8:10

Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Uchii awenichii, tipaachimuwin chiskutamaachewiniyuu aapataniyuu e aayimuutamuwaakanuutwaau Chishemanituu uchisheuchimaawiniyuu. Aat e waapahtahkwaau namui chii nisituunamuch, kaye e pehtahkwaau namui chii nisituhtamuch.”

John 16:25

“Uyuu chekwaayuuh kaa wiihtamaatakuch naashch taapwe aayiman chechii nisituhtaakuhkwaau. Chika utihchipayuu maak chek anit che piyekasch nisituhtamekw aayimuutamaatakuche Uhtaawiimaau.