Matthew 13:25 - Chishemanituu Utayimuwin: Kaa Uskaach Testament

²⁵ Peyakwaau maak e tipiskaayich mekwaach misiwe awen e nipaat, aweyuu ekaa naheyimikut an nihtaauchihchesuu chii takushiniyuuh, ekw kaa usewepinamiyich machishuumin anite aniyuu unihtaauchihchikanihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᐯᔭᒀᐤ ᒫᒃ ᐁ ᑎᐱᔅᑳᔨᒡ ᒣᒀᒡ ᒥᓯᐌ ᐊᐌᓐ ᐁ ᓂᐹᑦ, ᐊᐌᔫ ᐁᑳ ᓇᐦᐁᔨᒥᑯᑦ ᐊᓐ ᓂᐦᑖᐅᒋᐦᒉᓲ ᒌ ᑕᑯᔑᓂᔫᐦ, ᐁᒄ ᑳ ᐅᓭᐌᐱᓇᒥᔨᒡ ᒪᒋᔔᒥᓐ ᐊᓂᑌ ᐊᓂᔫ ᐅᓂᐦᑖᐅᒋᐦᒋᑲᓂᐦᒡ᙮

Matthew 13:25 Iomraidhean Croise

Matthew 13:24

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Kihchikiishikw chisheuchimaawin eukw mwehch e ishinaakuhch naapeu e nihtaauchihchet e miyushiyich shuumin anite unihtaauchihchikan aschiihch.

Matthew 13:26

Iskutak maak piyechi saachinihtaauchiniyich aniyuu unihtaauchihchikan kaye iskutak e ati miinishuuniyich, ekut kaa uhchi nuukuniyikwaau kaye aniyuu machinihtaauchihchikanh.

Matthew 13:27

Ekw an nihtaauchihchesuu kaa pechi nituwaapamikut utaapachihaakanh, kaa itikut, ‘Uchimaau, namui aa kaa miywaashich shuumin chuuhchi usewepayihtaan kaa nihtaauchihcheyin. Taanite maak wehchi ihtakuhkwaauh aniyuu machinihtaauchihchikanh.’

Matthew 13:29

Ekw kaa itaat an uchimaau aniyuuh ukuuhpaanemh, ‘Namui, wesin manipitamekwe aniyuuh machinihtaauchihchikanh chika asichipitenaawaau aniyuuh kaa wii nihtaauchihtaayaan.

Matthew 13:30

Ekush taapishkun aniyuu machinihtaauchihchikanh ekw maak aniyuuh kaa wii nihtaauchihtaayaan chika niishunihtaauchinh, paatish maamuushtinikanuuhkwaawenh. Ekw maak che itakwaau anichii che maamuushtinahkwaau, niishtam aniyuuh machinihtaauchihchikanh chechii maamuushtinahkwaau, ekw maak chechii asaapahkaatahkwaau che ishkwaasahkwaau, ekw maak yaakw aniyuuh pahkweshikaniminaahtikw chechii maamuushtinahkwaau, anite che ashtaatwaau nitashtaasunikamikuhch.’ ”

Matthew 13:39

An maak awen kaa uhkaataat aniyuu kaa nihtaauchihcheyich an kaa wewepinahk machishuumin anite nihtaauchihchikan aschiihch eukw an machimanituu. An maak che utihchipayihch chechii maamuushtinikanuuhkwaauh aniyuu nihtaauchihchikan eukw an che iskwaapayihch aschii. Anichii maak kaa maamuushtinahkwaau aniyuu nihtaauchihchikan kaa itweyaan, eukw anichii enchilich.

Matthew 25:5

Namui maak tiiwehch uhchi takushinuu an uschinaapewaan. Chek kaa chisihkusitwaau anichii ishkweshach, ekw chek kaa kauhkusitwaau.”

Galatians 2:4

Mikw maak chii ihtaauch naapeuch chiimuut e chii pechi piihtepayihutwaau anit e ihtaawachiht muyaam e taapweyimaatwaau kaye wiyawaau Jesus e ihtitwaau. Nichii wii naanituu chischeyimikunaanich taan e ishi tipeyimachiht Jesus Christ e wiicheumachiht, an kaa aapihkuniyimiht. Eukw uyuu kaa ihtitwaau e chii wii ihtuutuuyimihtwaau kaau chechii maahchikwaapihkaatikuyaahch wiishuwewin.

Hebrews 12:15

Nanaakataweyimitikw ekaa waachi peyakw anit e tashiyekw chechii nuuhtaashkahk Chishemanituu umiiwewiniyuu kaa pimaachihiiwemakaniyich. Kaye yaakwaamiikw ekaa awen anit e tashiyekw muyaam machi watipii chechii ishi nihtaauchit. Wesh ihtaatwaawenich uyuu e ishinaakusitwaau mihchetu aweyuu kata machipayiheuch.

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

2 Peter 2:1

Chii pechi ihtaauch maan anite utaahch naspaach uchischiwehiichesuuch. Ekun maak yaapach che ispayihch anite niishtaamihch. Chika ihtaauch nitamukw kaa ishi chiskutamaachetwaau mekwesiinuu anit Chishemanituu utiiniim e ihtaayich. Nitamukw chika ishi chiskutamaacheuch, kaye naashch taapwe chika wanihtahiiwemakaniyuu taan che ishi chiskutamaachetwaau. Waawaach aniyuu kaa nipistamaakutwaau tekash chika aataweyimeuch. Ekut maak anit che uhchi ihtuutaasutwaau sischikuuch chechii wanaatisiitwaau.

Revelation 12:9

Ekw kaa niihchiwepinaakanuut an mista maanichuus kihchikiishikuhch uhchi. Eukw maak an chinepukw weskach anite kaa ihtaat, Machimanituu maak Satan kaa ishinihkaataakanuut. Eukw uu kaa chii wiyeshihaat misiwe aweyuu utah aschiihch. Anite maak aschiihch chii ishuwepinaakanuu kaye misiwe aniyuu utenchilamh.

Revelation 13:14

Anichii maak awenichii anite aschiihch kaa ihtaatwaau chii wiyeshihiikuuch uyuu kaa ishi pachishtinaakanuyich uyuuh machi aweshiisa chechii maamishkaach ihtiyich e kanawaapamikuyich aniyuu kutak machi aweshiisa. Anichii awenichii aschiihch kaa ihtaatwaau chii itikuuch aniyuu niishu kaa ihtaayich machi awesiisa chechii ushihaatwaau manituuhkaan e chisteyihtaakuhaatwaau aniyuu machi aweshiisa chihchiwe kaa mishuwaakanihkaatikuyich nitupayuuhkumaaniyuu mikw maak yaapach e chii pimaatisiyich.

Revelation 2:20

Mikw maak chiwii wiihtamaatinaawaau chekwaan ekaa miyeyihtamihiikuyaan. Chinituhtawaawaau an iskweu Jezebel kaa ishinihkaasut mwehch uchischiwehiichesuu kaa itahiisut. Wiyeshiheu nitaapachihaakanh e chiskutamuwaat wiinisuwinihch chechii ishi pimaatisiyich kaye e ihtuutawaat chechii miichiyich chekwaayuu manituuhkaan e chii machishtawehamuwaakanuyich.