Matthew 13:24 - Chishemanituu Utayimuwin: Kaa Uskaach Testament

²⁴ Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Kihchikiishikw chisheuchimaawin eukw mwehch e ishinaakuhch naapeu e nihtaauchihchet e miyushiyich shuumin anite unihtaauchihchikan aschiihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐁᒄ ᒌᓴᔅ ᑳ ᐐᐦᑕᒧᐙᑦ ᑯᑕᒋᔫ ᒋᔅᑯᑕᒫᒉᐤ ᑎᐹᒋᒧᐎᓂᔫ ᐁ ᐃᑖᑦ, ᑭᐦᒋᑮᔑᒄ ᒋᔐᐅᒋᒫᐎᓐ ᐁᐅᒄ ᒬᐦᒡ ᐁ ᐃᔑᓈᑯᐦᒡ ᓈᐯᐤ ᐁ ᓂᐦᑖᐅᒋᐦᒉᑦ ᐁ ᒥᔪᔑᔨᒡ ᔔᒥᓐ ᐊᓂᑌ ᐅᓂᐦᑖᐅᒋᐦᒋᑲᓐ ᐊᔅᒌᐦᒡ᙮

Matthew 13:24 Iomraidhean Croise

Matthew 13:19

An maak awen kaa pehtahk aniyuu miywaachimuwiniyuu e aayimuutaakanuyich Chishemanituu uchisheuchimaawiniyuu ekaa maak nesituhtamukwe, muyaam an shuumin anite yaaiskanuu kaa pahchishihk ekun e ishinaakusit, machimanituu meskamikuu taan kaa ishi pehtahk ekw maak namui chii nihtaauchuu anite Chishemanituu ishi e ihtaayich.

Matthew 13:25

Peyakwaau maak e tipiskaayich mekwaach misiwe awen e nipaat, aweyuu ekaa naheyimikut an nihtaauchihchesuu chii takushiniyuuh, ekw kaa usewepinamiyich machishuumin anite aniyuu unihtaauchihchikanihch.

Matthew 13:31

Ekw Jesus kaa wiihtamuwaat kutachiyuu chiskutamaacheu tipaachimuwiniyuu e itaat, “Mwehch an shuumin kaa apishiishiit mastart kaa ishinihkaataakanuut ekun e ishinaakuhch kihchikiishikw uchimaawin. Eukw uyuu wetinaat naapeu e ati aaihwaat anite unihtaauchihchikan aschiihch.

Matthew 13:33

Jesus maak chii wiihtamuweu miin kutachiyuu tipaachimuwin chiskutamaachewiniyuu e itaat, “Maau e iteyihtaakuhch kihchikiishikw chisheuchimaawin. Muyaam palet uhpisikan iteyihtaakun, aniyuu kaa chii chiikuunahk iskweu mistahii pahkweshikanihch, misiwe maak uhpiyuuh aniyuuh aaihkunaauh.”

Matthew 13:37

Ekw Jesus kaa itaat, “An naapeu kaa nihtaauchihaat kaa miyushiyich shuumin eukw Iinuu Ukusisa.

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

Matthew 18:23

Wesh maau e ishinaakuhch kihchikiishikw chisheuchimaawin. Muyaam chisheuchimaau e chii nituweyimaat utaapachihaakan kaa masinahamaakut chechii piikushinihiicheyich,

Matthew 20:1

“Maau e ishinaakuhch kihchikiishikw chisheuchimaawin. Chii ihtaau peyakwaau uchimaau e tipiyeusiit shuuminaahtikw nihtaauchihchikan aschiiyuu. Peyakwaau maak wiipach e chechishepaayaayich chii wiiwiyuu e nituu naanituweyimaat aweyuuh chechii utaaskunaat, chechii aapatisiyich anite ushuuminaahtikw nihtaauchihchikan aschiihch.

Matthew 21:33

Ekw Jesus kaa itaat, “Nituhtamukw miin uu kutach Chiskutamaacheu tipaachimuwin. Chii ihtaau peyakwaau uchimaau e nihtaauchihtaat miinishah anit chechii uhchi ushihtaat shuuminaapuuyuu. Chii chipaham maak misiwe waaskaa aniyuu unihtaauchihchikan aschii. Kaye chii muunaauhkaham taanite che pichishchishkaakanuyikwaau aniyuu miinisha. Chii ushihtaau kaye chiimuushaapiiukamikuyuu anite che uhchi naanaakachihtaakanuyikwaau aniyuu unihtaauchihchikanh. Iskutak maak kaa chiishkwaa aihtit chii naanituwaapameu aweyuu chechii naanaakachihtaayich uyuu utaschii ekw kaa chistuhtet, waahiyuu e ihtakuniyich aschiiyuu kaa ituhtet.

Matthew 22:2

“Chika wiihtamaatinaawaau taan e iteyihtaakuhch kihchikiishikw chisheuchimaawin. Muyaam chisheuchimaau e chii ayeskuushtaat e mishaayich makushaaniyuu, ukusisa e makushehaat e chii niipuyich.

Matthew 25:1

“Chika wiihtamaatinaawaau taan che ishinaakuhch kihchikiishikw chisheuchimaawin iskutak Iinuu Ukusisa takushihke che chisheuchimaaut. Mwehch mitaahtu ishkweshach e tahkunihkwaau uwaastenimaakanawaauh, e nituu nachishkawaatwaau uschinaapewaan.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Luke 13:18

Ekw Jesus kaa kakwechimaat aniyuu anit kaa ihtaayitwaauh, “Taan e iteyihtaakuniyich Chishemanituu uchisheuchimaawin. Taanite chechii uhchi wiihtamaatakuch taan nihaau e iteyihtaakuniyich.

Luke 13:20

Miin maak chii ishi kakwechimeu, “Taan e iteyihtaakuhch Chishemanituu chisheuchimaawin.

Colossians 1:5

Anit uskach kaa waawiihtamaakuyekw miywaachimuwin, uu taapwewin ayimuwin kaa ishinihkaatech, ekut kaa pehtamekw taan e ishi ihtakuhch aspeyimuwinihch. Ekw maak aspeyimuwin e ayaayekw ekut wehchi ishinaakuhch chechii taapweyimekw Christ kaye chechii saachihiiweyekw. Uu maak taan e ishi aspeyimuyekw kihchikiishikuhch kanuweyihtaakanuu.

1 Peter 1:23

Wesh iskutak miin e pimaatisiyekw kaa ishinaakusiyekw kaachiche pimaatisiiwin chichii miikunaawaau wesh kuutawaashiimitutaakuwaau Chishemanituu uhtaawiimaau an ekaa wiiskaat kaa puunipimaatisiit, Chishemanituu utayimuwin taan ekaa nihtaa che wanaatihch kaye ekaa nihtaa che miyaaupayihch ekut kaa uhchi ishinaakusiyekw miin e pimaatisiyekw.