Matthew 13:2 - Chishemanituu Utayimuwin: Kaa Uskaach Testament

² Naashch maak chii ati mihchetiyuu aweyuu e pechi nishtuwiyich anit e ihtaat ekw nitawaach kaa puusit utiyuu ekute maak anite kaa apit, ekw aniyuu aweyuu anite yaayeu chii niipuuyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᓈᔥᒡ ᒫᒃ ᒌ ᐊᑎ ᒥᐦᒉᑎᔫ ᐊᐌᔫ ᐁ ᐯᒋ ᓂᔥᑐᐎᔨᒡ ᐊᓂᑦ ᐁ ᐃᐦᑖᑦ ᐁᒄ ᓂᑕᐙᒡ ᑳ ᐴᓯᑦ ᐅᑎᔫ ᐁᑯᑌ ᒫᒃ ᐊᓂᑌ ᑳ ᐊᐱᑦ, ᐁᒄ ᐊᓂᔫ ᐊᐌᔫ ᐊᓂᑌ ᔮᔦᐤ ᒌ ᓃᐴᔫᐦ᙮

Matthew 13:2 Iomraidhean Croise

Matthew 15:30

Mihchetu maak aweyuu chii pechi nituwaapamikuu, e peshuwaayich aniyuu aweyuu ekaa chii aahtinisuyich, kaye ekaa kaa waapahtamiyich kaye aniyuu kaa maaschisiyich, kaye ekaa kaa nihtaaweyich, kaye mihchetu nanaahkuu kaa itaaspineyitwaauh. Chii aheuch maak misiwe aniyuu anite Jesus usitiyich. Ekw Jesus kaa miinuwaachihaat.

Matthew 4:25

Mihchetu maak aweyuu chii papaawiicheukuu Jesus, anite Galileehch kaye anite kaa mitaahtuhkwaau ihtaawinh kaa ishinihkaateyich, kaye anite Jerusalemihch, Judeahch kaye maak kaye anite kwestehchekaam Jordan siipiihch kaa ihtaayich.

Mark 4:1

Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh.

Luke 5:3

Chii puusuu maak Jesus peyakw chiimaaniyuu, aniyuu Simon Peter kaa tipiyeusiyich. Kaa kakwechimaat Simon Peter chechii mushaauhamiyich apishiish. Ekw maak kaa waweyapit Jesus kaa chischinuhamaachet anit chiimaanihch uhchi.