Matthew 13:19 - Chishemanituu Utayimuwin: Kaa Uskaach Testament

¹⁹ An maak awen kaa pehtahk aniyuu miywaachimuwiniyuu e aayimuutaakanuyich Chishemanituu uchisheuchimaawiniyuu ekaa maak nesituhtamukwe, muyaam an shuumin anite yaaiskanuu kaa pahchishihk ekun e ishinaakusit, machimanituu meskamikuu taan kaa ishi pehtahk ekw maak namui chii nihtaauchuu anite Chishemanituu ishi e ihtaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐊᓐ ᒫᒃ ᐊᐌᓐ ᑳ ᐯᐦᑕᐦᒃ ᐊᓂᔫ ᒥᔻᒋᒧᐎᓂᔫ ᐁ ᐋᔨᒨᑖᑲᓄᔨᒡ ᒋᔐᒪᓂᑑ ᐅᒋᔐᐅᒋᒫᐎᓂᔫ ᐁᑳ ᒫᒃ ᓀᓯᑐᐦᑕᒧᑴ, ᒧᔮᒻ ᐊᓐ ᔔᒥᓐ ᐊᓂᑌ ᔮᐃᔅᑲᓅ ᑳ ᐸᐦᒋᔑᐦᒃ ᐁᑯᓐ ᐁ ᐃᔑᓈᑯᓯᑦ, ᒪᒋᒪᓂᑑ ᒣᔅᑲᒥᑰ ᑖᓐ ᑳ ᐃᔑ ᐯᐦᑕᐦᒃ ᐁᒄ ᒫᒃ ᓇᒧᐃ ᒌ ᓂᐦᑖᐅᒎ ᐊᓂᑌ ᒋᔐᒪᓂᑑ ᐃᔑ ᐁ ᐃᐦᑖᔨᒡ᙮

Matthew 13:19 Iomraidhean Croise

Matthew 12:26

Anichii maak kaa nuushuushkuwaatwaau machimanituu, maasihiitutwaawenich maak, chika wanaachihtaakanuuyuu machimanituu uchisheuchimaawin.

Matthew 13:20

Ekw an shuumin anite e asiniiuuniyich kaa pahchishihk mwehch eukw e ishinaakusitwaau iinuuch wiipach e ati pehtahkwaau aniyuu Chishemanituu utayimuwiniyuu tiiwehch kaa ati utinihkwaau, naashch maak kaa mamuuchicheyihtamihiikutwaau.

Matthew 13:38

Ekw an nihtaauchihchikan aschii, eukuu aschii, an maak kaa miyushit shuumin eukw anichii iinuuch Chishemanituu uchisheuchimaawiniihch kaa uhchiitwaau, ekw an machinihtaauchihchikan eukw anichii iinuuch anite machimanituu e ihtaayich kaa uhchiitwaau.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 5:37

Mikw ehe maak namui chipaa itwen, kutach maak chekwaan itweyine e nituweyihtaman chechii taapwehtaakuyin, machimanituu e ihtaat uhchipayuu.”

Mark 4:15

Anihiih maak shuuminh patuteskanuu kaa pahchishtihkwaau eukunich uchii awenichii iskutak piyehtahkwaau miywaachimuwiniyuu, tiiwehch machimanituu takushiniyuu e ati utinamiyich aniyuu chipaa ishi nihtaauchiniyuu utehiiwaahch.

Luke 10:9

Kaye miinuwaachihaahkuch anichii kaa aahkusitwaau kaye maak che itekuch anit aniyuu ihtaawiniyuu kaa ihtaatwaau, ‘Naashch taapwe chipeshuwaapamikuwaanaawaau Chishemanituu uchisheuchimaawin.’

Luke 9:2

Ekw kaa chihchitishahwaat chechii nituu kakacheskweyich Chishemanituu uchisheuchimaawiniyuu e waawiihtamiyich eyuu chechii miinuwaachihaayich aweyuuh kaa aahkusiyich.

John 18:38

Pilate kaa kakwechimaat e itaat, “Chekwaan an taapwewin.” Ekw miin kaau kaa wiiwiit kaa nituu itaat aniyuuh Jewa iinuuh, “Namui nichischeyihtamuwaan chekwaayuu kaa wanituutamukwe ati chechii uhchi wiyaaskunaakanuut.

John 8:43

Chekwaan wehchi ekaa chii nisituhtamekw taan e itweyaan. Namui chiwii nanihiihtenaawaau taan e ishi chischinuhamaacheyaan ekun wehchi ekaa nisituhtamekw.

ᐊᐸᔅᑕᓚᒡ 17:32

Iskutak maak piyehtawaatwaau aniyuu Paul e aayimuutamiyich aniyuu kaau e wanishkaanuyich nipuwinihch uhchi, chii maayeyimeuch e ushinawaatwaau, mikw maak pasch chii iteuch, “Miin chiwii pehtaatinaan e aayimuutaman uu.”

ᐊᐸᔅᑕᓚᒡ 18:15

Mikw maak chiyawaau anit chimachipayihkahtaatunaawaau itwewinh uhchi kaye ishinihkaasuwinh uhchi kaye maak chitayimihewin wiishuwewinawaauh uhchi. Chiyawaau miyupayihtaakw taan e ishi machipayekw, namui wii niya chika uhchi wiichihiitinaawaau.”

ᐊᐸᔅᑕᓚᒡ 20:25

“Nituhtamukw maa, nichischeyihten eukw uu anuhchiish maahchishtai che waapamiyekw chiyawaau uu kaa chii waawiihtamaatakuch Chishemanituu uchisheuchimaawin ute itehche kaa ihtaayekw.

ᐊᐸᔅᑕᓚᒡ 28:23

Ekw anichii Jewa iinuuch kaa wiishtuwaatwaau aniyuu Paul anit e chiishikaayich chechii nishtuwiitwaau chechii nituhtawaatwaau taan che itweyich. Wetihchipayiyich maak aniyuu e chiishikaayich anit kaa niskumutwaau chechii nishtuwiitwaau mihchetu awenichii chii takushinuuch anit Paul e ihtaayich. E chechishepaayaayich piihiim e ati tipiskaayich, Paul chii waawiihtamuweu aniyuu Jewa iinuuh taan e iteyihtaakuniyich Chishemanituu uchisheuchimaawiniyuu. Kaye chii kacheschimeu e wii siihchimaat chechii taapwehtamiyich Jesus e aawiyich Christ an kaa aayimuumaakanuut anite Moses uwiishuwewinihch kaye aniyehkaanaan uchischiwehiichesuuh umasinahiikaniihch.

Romans 1:28

Ekaa aapateyihtahkwaau awenichii taan aniyuuh kuiskw chipaa ishi chischeyimeuch Chishemanituuh kaye ekaa wii piskaataatwaau upimaatisiiwiniwaahch ekw kaa ihtuutaakutwaau naashch ekaa chechii kuiskunaakuniyich taan e iteyihtahkwaau chechii ihtitwaau. Ekw maak e ihtuutahkwaau aniyuuh chekwaayuu ekaa chipaa uhchi ihtuutamuch.

Romans 14:17

Wesh anite Chishemanituu uchisheuchimaawinihch taapaa namayeyuu taan e ishi miichisut awen maak chekwaayuu menihkwet naashch kenawaapahtaakanuhch. E kuiskutaatiisiihkw kaye e miyu wiicheuhkwaauh awenichii ekw maak e miyeyihtamuhkw chitehiinaahch eukuu chihchiwe e iteyihtaakuhch Chishemanituu uchisheuchimaawinihch. Payehchi Ahchaahkw maak miiweu uyuu chechii ishi pimaatisiinaanuwiyich.

Romans 2:8

Ekw aniyuu kutak aweyuuh mikw wiyawaau kaa maamituneyimisuyich ekaa mitun kaa aapateyihtamiyich aniyuu taan e ishi kuiskunaakuniyich chechii ihtuutamiyich, pisikw kaa machituutamiyich, eukun uyuuh maauch aahkwaayaach che ishi wiyaaskunaat Chishemanituu.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.

2 Thessalonians 2:12

Ekw maak misiwe awenichii ekaa uhchi taapwehtahkwaau taapwewiniyuu, uste kaa miyeyihtahkwaau e machaatisiitwaau eukunich uchii che nishuuwanaachimaakanuutwaau.

Hebrews 2:1

Eukw maak an wehchi iteyihtaakuhch etituu chechii mamechiminamuhkw an taapwewin kaa ishi pehtamuhkw ekaa chechii chiiwekaapuyihkw.

1 John 3:12

Namui chipaa uhchi naspituwaanuu Cain. Machimanituuh chii tipeyimikuu aniyuu kaa nipahaat wiichishaan. Chekwaayuu maak wehchii nipahaat. Chii maayaataniyuu aniyuu taan kaa ihtit wiya, chii kuiskunaakuniyuu maak wii aniyuu taan kaa ihtiyich wiichishaan.

1 John 5:18

Chichischeyimaanuu awen e chii pimaachihiikut Chishemanituuh namui chipaa uhchi machituutam. Wesh Chishemanituu Ukusiyuu kanuweyimikuu, namui maak wiyesh chii ihtuutaakuu machimanituuh.

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.