Matthew 12:50 - Chishemanituu Utayimuwin: Kaa Uskaach Testament

⁵⁰ Muyaam nikaawii kaye niichishaanich kaye niichishaaniskwemach nititeyimaauch anichii kaa ihtuutahkwaau Nuuhtaawii kihchikiishikuhch kaa ihtaayich utiteyihtamuwiniyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁰ ᒧᔮᒻ ᓂᑳᐐ ᑲᔦ ᓃᒋᔖᓂᒡ ᑲᔦ ᓃᒋᔖᓂᔅᑴᒪᒡ ᓂᑎᑌᔨᒫᐅᒡ ᐊᓂᒌ ᑳ ᐃᐦᑑᑕᐦᒀᐤ ᓅᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᔨᒡ ᐅᑎᑌᔨᐦᑕᒧᐎᓂᔫ᙮

Matthew 12:50 Iomraidhean Croise

Matthew 12:49

Ekw kaa atuhwaat aniyuu uchischinuhamuwaakanh ekw kaa itwet, “Maauchii niichishaanich kaye eukuu nikaawii.

Matthew 13:1

Aniyuu maak e peyakuniyich e chiishikaayich Jesus chii nakatam aniyuu waaskaahiikaniyuu anit kaa ihtaat, ekw anite naasipetimihch kaa ituhtet ekw kaa waweyapit anit yaayeu.

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Matthew 25:40

Ekw Chisheuchimaau kaa itaat, ‘Chiwiihtamaatinaawaau, aniyuu taan kaa ishi ihtuutawekw peyakw an niichishaan ekaa mitun kaa aapateyihtaakusit kaa iteyimaakanuut, niya chichii ihtuutuunaawaau.’ ”

Matthew 25:45

Ekw maak che itikutwaau Utipeyihchikeu, ‘Taapwe chiwiihtamaatinaawaau an ekaa uhchi wiichihekw peyakw niichishaan an ekaa mitun kaa aapateyihtaakusit kaa iteyimaakanuut, niya kaye namui chuuhchi wiichihiinaawaau.’

Matthew 28:10

Ekw Jesus kaa itaat, “Ekaawii kushtaachikw, nituu itaahkuch niichishaanich Galileehch chechii ituhtetwaau, ekute anite che waapamitwaau.”

Mark 3:35

An awen che ihtuutamukwe Chishemanituu utiteyihtamuwiniyuu eukun an wiichishaaniyaan kaye eukun an wiichishaaniskwemiyaan kaye eukun an wekaawiyaan.”

Luke 8:21

Jesus maak chii iteu, “Muyaam nikaawii kaye niichiinuuch nititeyimaauch anichii kaa nituhtahkwaau Chishemanituu utayimuwiniyuu kaye maak kaa ihtuutamuwaatwaau.”

John 15:14

Chiyawaau maak chika wiichewaakanitutaatinaawaau ihtuutamekwe taan e itashumitakuch.

John 20:17

Jesus kaa itwet, “Ekaawii taahtin wesh eshkw namui Nuuhtaawii e ihtaat nuuhchii ishi uhpiskaan. Nituwaapamach niichishaanich che wiihtamuutwaau che uhpiskaauch Nuuhtaawii kaye chiyawaau Kuuhtaawiiwaau e ihtaat ishi, Nichishemanituum kaye chiyawaau Chichishemanituumiwaau.”

John 6:29

Jesus kaa nishkweushihaat e itaat, “Eukw uyuu e ishi nituweyihtahk Chishemanituu chechii ishi atushkuwaakanuut, chechii taapweyimekw aniyuu kaa pechi itishahwaat.”

John 6:40

Wesh eukw uyuu Nuuhtaawii utiteyihtamuwin, misiwe aweyuu kaa waapamaayich kaye kaa taapweyimaayich Ukusisimaau kaachiche pimaatisiiwiniyuu chechii ayaayich. Niya maak che wanishkaanak maahchishtai chiishikaache.”

ᐊᐸᔅᑕᓚᒡ 17:30

Weskach iinuuch ekaa uhchi chischeyihtahkwaau taan nihaau e iteyihtaakusiyich Chishemanituu chii ushiheuch manituuhkaan, namui maak pitamaa uhchi waweshihiikuuch Chishemanituu. Anuhchiish maak Chishemanituu itashumeu iinuuh misiwe utah aschiihch chechii kweskaatisiyich.

ᐊᐸᔅᑕᓚᒡ 26:20

Anite maak Damascus niishtam, ekw maak anite Jerusalemihch, ekw miin misiwe anite ihtaawinh Judea aschiihch kaa ihtakuhkwaauh kaye maak anite anichii ekaa Jewa kaa itiskaanesitwaau e ihtaatwaau nichii papaakacheskwen e itakwaau awenichii chechii kweskaatisiitwaau kaye chechii taapweyimaatwaau Chishemanituu, kaye maak chechii ihtuutahkwaau chekwaayuu anit chechii uhchi nuukuniyich taapwe e kweskaatisiitwaau.

Romans 8:29

Wesh niyaakan chii chischeyimeu Chishemanituu aweyuu che utiiniimit, eukun maak uyuuh kaa wiyaapamaat che nispitawaayich Ukusisa. Eukw uyuu kaa ihtit Chishemanituu niishtamuushaan chechii ihtaayich Ukusisa anit mekwesiinuu e mihchetiyich wiichishaanimaauh.

1 Corinthians 9:5

Namui aa maak nipaa chii niipuun kaye niya ekw maak nipaa papaa ayaawaau niichiskweu e waawiihtamaan miywaachimuwin. Ekun e ihtitwaau anichii kutakach apastalach kaye Utipeyihchikeu wiichishaanh kaye maak Peter ekun e ihtit.

2 Corinthians 11:2

Ihtakun e ishi uhteyihtamaan chiyawaau uhchi mwehch Chishemanituu e ishi uteyihtahk utiiniim uhchi. Wesh uschiskwewaan ekaa eshkw uhchi chischeyimaat naapeu chitishinaakusinaawaau, chichii pachishteyimitinaawaau maak mikw peyakw naapeu chechii ayaautaakw eukuu Christ.

Galatians 5:6

Namui wiyeshin chestinuwaachishukuwaahche maak ekaa chestinuwaachishukuwaahche e wiichewachiht Jesus Christ. An chihchiwe e iteyihtaakuhch eukuu chechii saachihiituyihkw e taapweyimahkw.

Galatians 6:15

Chestinuwaachishwaakanuukwe awen maak ekaa chestinuwaachishwaakanuukwe, namui chekwaan. Chishemanituu e chii miikuyihkw uschi pimaatisiiwiniyuu eukw chihchiwe e iteyihtaakuhch.

Colossians 3:11

Ekw maak namui aapateyihtaakun taan e itiskaanesit awen, Jewa itiskaanesikwe maak ekaa Jewa itiskaanesikwe. Kaye namui aapateyihtaakuniyuu taanite wehchiit awen, taan kaa ishi chiskutamuwaakanuut kaye taan e ishi kanawaapamikut aweyuu. Namui aapatanh uyuuh. Christ e ayaawaat awen upimaatisiiwinihch eukw chihchiwe e iteyihtaakuhch. Misiwe aweyuuh e ishinaakusiyich piihchishkuweu.

1 Timothy 5:2

ekw anichii kaa chisheishkweshuutwaau muyaam e ukaawiyin chipaa ihtuutawaauch. Anichii kaa uschiniichiskweutwaau muyaam tipiiwe chiichishaaniskwemach chipaa iteyimaauch, namui mitun nitawiin chipaa uhchi ishi maamituneyimaauch.

Hebrews 5:9

Aniyuu maak tekash e chii nanihiihtahk Jesus chechii nanehkaachihaakanuut ekut kaa uhchi miyaakanuut kaachiche chechii pimaachihaat misiwe aniyuuh kaa nanihiihtaakut.

1 Peter 4:2

Ekw maak taan eshkw che ishpish pimaatisiikwe utah aschiihch namui ekw chipaa uhchi tipeyimikuu wiya taan e ishi mushteneyihtahk tipiiwe chechii itaatisiit maak uste Chishemanituu taan e ishi nituweyimikut eukw aniyuu chipaa wii nanaakatuweyihtamihiikuu chechii ihtuutahk.

1 John 2:17

Misiwe e itaatisiinaanuuhch utah aschiihch kaye e ishi ihtakuhch nanaahkuu machi mushteneyihtamuwin chika iskwaapayuu. Mikw maak an awen kaa ihtuutamuwaat Chishemanituu utiteyihtamuwiniyuu kaachiche chika pimaatisiyuu.

Revelation 22:14

Taapwe kata shaweyihtaakusuuch anichii kaa payehchihtaatwaau uchekwaanimuwaau. Eukw uchii che tepicheyihtaakusitwaau chechii piihchetwaau aniyuu ihtaawiniyuu kaye chechii utinamaasutwaau miinishah anite uhchi aniyuuh mistikw anit wehchi ayaayich aweyuuh pimaatisiiwiniyuu.