Matthew 12:46 - Chishemanituu Utayimuwin: Kaa Uskaach Testament

⁴⁶ Eshkw maak mekwaach Jesus chii ayimiheu aniyuu iinuu, kaa uhchi takushiniyich ukaawiih kaye wiichishaanh. Wiiwiitamihch anite chii niipuuyuuh e wii ayimihiikut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁶ ᐁᔥᒄ ᒫᒃ ᒣᒀᒡ ᒌᓴᔅ ᒌ ᐊᔨᒥᐦᐁᐤ ᐊᓂᔫ ᐄᓅ, ᑳ ᑕᑯᔑᓂᔨᒡ ᐅᑳᐐᐦ ᑲᔦ ᐐᒋᔖᓐᐦ᙮ ᐐᐐᑕᒥᐦᒡ ᐊᓂᑌ ᒌ ᓃᐴᔫᐦ ᐁ ᐐ ᐊᔨᒥᐦᐄᑯᑦ᙮

Matthew 12:46 Iomraidhean Croise

Matthew 1:18

Maau maak kaa ispayiyich iskutak che pimaatisiit Jesus. Mary, aniyuuh Jesus che ukaawiit chipaa niipuuch aniyuu Joseph, mikw maak eshkw ekaa uhchi niipuutwaau chii chischeyihtam Mary e kanuweyimaausut. Aniyuu maak awaasha kaa ayaawaat Kaa payehchisiyich Ahchaahkwa chii ihtuutaakuu chechii ayaawaat.

Matthew 12:47

Ekw peyakw anit aweyuu kaa itikut, “Chikaawii ekw maak chiichishaanich wiiwiitamihch anite niipuuch e wii ayimihiiskwaau.”

Matthew 13:55

Namui aa eukw uyuu mistikunaapeu ukusisa. Namui aa Mary ishinihkaasuyuuh ukaawii, kaye namayeyuuh aa uyuu James, Joseph, Simon ekw maak Judas wiichishaanawaauh.

Matthew 2:11

Ekw kaa piihchetwaau aniyuu waaskaahiikaniyuu anite kaa ihtaayich Mary, aniyuu maak utawaashiimiyuuh. Iskutak maak wiyaapamaatwaau aniyuu awaasha chii uchihchiihkunipayihuuch e nuuchiishtuwaatwaau. Ekw kaa kuikunahkwaau aniyuuh chekwaayuuh kaawii miyaatwaau aniyuu awaasha, shuuliyaanaapiskwa chii miyeuch, ekw maak aniyuu kaa chii ishkwaasiikanuyich kaa wiihchimaakusiyich kaye kaa shuuliyaauniyich tuuminikaniyuu kaa wiihchimaakusiyich.

Matthew 2:20

“Wanishkaah, chistuhtahii an awaash kaye aniyuu ukaawiih, kaau che chiiweyekw anite Israel wesh shaash namui pimaatisiyuuch anichii kaa wii nipahaatwaau aniyuu awaasha.”

Mark 2:21

“Namui awen aapachihtaau machunishiyuu ekaa uhchi uchipayiniyich e wii miishahahk akuhpischiishiyuu. Wesh uyuu miishihiikaachete uchipayiyiche maak etituu kata piikupayuu an akuhp taanita anit kaa piikupayihch.

Mark 6:3

Namui aa eukw uyuu kaa mistikunaapewiyich Mary ukusisa. Namui aa eukw uyuu wiichiinuuwaau James, Joses, Judas ekw maak Simon. Namui aa utah wiichiyuu kaye uwiichishaaniskwemh.” Eukw uyuu kaa ishi kakwechimitutwaau wesh taapaa uhchi nahiiskaakuuch taan kaa ihtiyich Jesus.

Luke 1:43

Nimiskaateyihten maak chekwaan niya wehchi pechi chiiutamiyich Nitipeyihchikem ukaawii.

Luke 2:33

Chii miskaashtamiyuu maak aniyuu uniichihiikw Jesus taan kaa ishi pehtamiyich e ishi aayimuumaakanuut.

Luke 2:34

Ekw an chisheinuu Simeon misiwe kaa shaweyimaat ekw kaa itaat aniyuu Mary, Jesus ukaawiyuu, “Uu awaash chii wiyaapamikuu Chishemanituu, chika ihtuutaweu aniyuu Israel iinuuh chechii pahchishiniyich ekw aniyuuh kaa taapweyimikut kata uhpakaapuuheu. Uu awaash chika waapahtiiweu Chishemanituu upimaachihiikusiiwiniyuu mikw maak mihchetu aweyuu chika nishkuushihtaakuu.

Luke 2:48

Aniyuuh maak uniichihiikw kaa waapamikut chii kushkupayuu anite e miskaakut. Aniyuu maak ukaawii chii itikuu, “Nikus, chekwaan wehchi naashch aayimeyihtamihiyaahch, pisikw chichii naanituweyimitinaan kuuhtaawii e niishiyaahch.”

Luke 2:51

Ekw kaa wiichewaat e chiiweyich anite Nazareth, chii pishichiheu maak chekwaayuu e itashumikut. Ukaawii maak chii kanuweyihtamiyuu utehiihch misiwe taan kaa ispayiyich.

Luke 8:10

Ekw kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamuwekw Chishemanituu uchisheuchimaawin. Uchii awenichii, tipaachimuwin chiskutamaachewiniyuu aapataniyuu e aayimuutamuwaakanuutwaau Chishemanituu uchisheuchimaawiniyuu. Aat e waapahtahkwaau namui chii nisituunamuch, kaye e pehtahkwaau namui chii nisituhtamuch.”

John 19:25

Jesus maak ukaawii peshuch chii niipuuyuu anit Jesus utaashiteyaahtikumiihch kaye ukaawii wiichishaaniskwemiyuu ekut kaa niipuyich ekw maak Mary, Clopas wiichiskweu ekw maak Mary Magdalene.

John 2:1

Nishtu chiishikaau maak ishpish chii niipuunaanuu anite an ihtaawin Cana kaa ishinihkaatech anite Galilee aschiihch kaa ihtakuhch. Ekute anite kaa ihtaayich Jesus ukaawiih.

John 2:12

Ekw Jesus kaye maak ukaawiih ekw maak wiichishaanh kaye aniyuu uchischinuhamuwaakanh chii ituhteuch anite ihtaawiniyuu Capernaum kaa ishinihkaateyich, ekute anite kaa ihtaatwaau. Namui mikw naashch mihchetu chiishikaau uhchi ihtaauch anite.

John 2:5

Ekw Jesus ukaawiih kaa itaat aniyuu aapachihaakanh, “Mikw taan che itashumitaakwe eukw aniyuu ihtuutamuwaahkw.”

John 7:10

Iskutak maak kaa chistuhteyitwaau aniyuu wiichishaanh Jesus anite aniyuu e makushaanuyich e ituhteyitwaauh, kaye wiya chii ituhteu anite ekaa chischeyimakut wesh namui uhchi nitaweyimeu chechii chischeyimakut aweyuu anite e ihtaat.

John 7:3

Ekw Jesus wiichishaanh kaa itikut, “Chistuhte maa, nete Judeahch che ituhteyin, che waapahtahkwaau anichii kaa nuushuushkaaskwaau taan e ishi maamishkaach ihtuut.

John 7:5

Wesh wawaach tipiiwe wiichishaanh namui uhchi taapweyimikuu Jesus.

ᐊᐸᔅᑕᓚᒡ 1:14

Misiwe maak chii naheyihtamuch muush chechii peyakuminehiitutwaau e maamuu ayimihaatwaau. Ekut kaa chii ihtaatwaau kaye anichii iskweuch kaye Jesus ukaawii kaye maak Jesus uwiichisaan kaa naapewiyich.

1 Corinthians 9:5

Namui aa maak nipaa chii niipuun kaye niya ekw maak nipaa papaa ayaawaau niichiskweu e waawiihtamaan miywaachimuwin. Ekun e ihtitwaau anichii kutakach apastalach kaye Utipeyihchikeu wiichishaanh kaye maak Peter ekun e ihtit.

Galatians 1:19

Namui mikw nuuhchi waapamaayuuh aniyuuh kutak utapastalamh Jesus. Mikw James chitipeyihchikeminuu wiichishaan eukun an kaa waapamak.