Matthew 12:35 - Chishemanituu Utayimuwin: Kaa Uskaach Testament

³⁵ Wesh taan e ishi ayaat awen upimaatisiiwinihch chika nuukuniyuu. Wesh e ishi ayimit awen ekut wehchi chischeyihtaakusit taan e ishi tehet.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐌᔥ ᑖᓐ ᐁ ᐃᔑ ᐊᔮᑦ ᐊᐌᓐ ᐅᐱᒫᑎᓰᐎᓂᐦᒡ ᒋᑲ ᓅᑯᓂᔫ᙮ ᐌᔥ ᐁ ᐃᔑ ᐊᔨᒥᑦ ᐊᐌᓐ ᐁᑯᑦ ᐌᐦᒋ ᒋᔅᒉᔨᐦᑖᑯᓯᑦ ᑖᓐ ᐁ ᐃᔑ ᑌᐦᐁᑦ᙮

Matthew 12:35 Iomraidhean Croise

Matthew 12:34

Taanite chechii uhchi itweyekw chekwaan e miyuuhtaakuhch e machaatisiyekw maak mwehch chinepukuch e iteyihtaakusiyekw. Taan e ishi ayimit awen ekut wehchi chischeyihtaakusit taan e ishitehet.

Matthew 13:52

Ekw kaa itaat, “Misiwe anichii kaa chischeyihtahkwaau Chishemanituu uwiishuwewiniyuu kaye kaa chiskutamuwaakanuutwaau kihchikiishikw chisheuchimaawiniyuu taan e iteyihtaakuniyich muyaam awen kaa tipiyeusiit ashtaasuukamikuyuu e kanuweyihtahk chekwaayuu taapishkun e miywaayikwaauh aat e weskachuuniyikwaauh kaye e ushkaayikwaauh. Taapishkun maak e miywaapachihtaat.”

Matthew 7:17

Wesh e miyu nihtaauchit mistikw e miyusitwaau waapiminich chika nihtaauchuuch anit an mistikw ekw maak ekaa miyu nihtaauchit mistikw namui chika chii nihtaauchuuch e miyusitwaau waapiminich anit mistikuhch.

Luke 6:45

Wesh awen kaa kuiskutaatisiit, taan e ishi miyu ayaat utehiihch kata chischeyihtaakuniyuu upimaatisiiwinihch, ekw maak awen e machaatisiit, taan e ishi maayaach ayaat utehiihch kata chischeyihtaakuniyuu upimaatisiiwinihch. Wesh e ishi ayimit awen ekut wehchi chischeyihtaakusit taan e ishi tehet.”

Ephesians 4:29

Ekaawii nitamukw ayimuwin aapachihtaakw, teyakuch ishi ayimukw aniyuu che miyu wiichihiikutwaau anichii kaa pehtaataakuch awenichii mikw taan e ispayiwaakwenich upimaatisiiwinawaahch.

Colossians 3:16

Muush maamituneyihtamihiikuwaahkw misiwe kaa ishi aayimuutamaataakw Christ, chitehiiwaahch e kanuweyihtamuwekw. Suuhk wii kachehtaaweyihtamukw e chiskutamaatuyekw kaye e kacheschimituyekw. Chitehiiwaahch uhchi nikamuushtuwaahkw Chishemanituu. Nanaaskumaahkw e nikamuushtuwekw ayimiheu nikamuwinh, David unikamuwinh ekw maak taan e ishi miitaakw kaa payehchisiit ahchaahkw nikamuwinh.

Colossians 4:6

Muush chipaa miyuuhtaakusinaawaau kaye chipaa iipwaahkaahtaakusinaawaau e ayimiyekw ekw maak che chischeyihtamekw taan che ishi nishkweushihekw awen e wii naanituu kachesteyihtahkw taan e ishi taapwehtamuwekw.