Matthew 12:32 - Chishemanituu Utayimuwin: Kaa Uskaach Testament

³² Misiwe awen kaa maayeyimaat Iinuu Ukusisa katachii wepeyihtamuwaakanuu. Namui wiiskaat katachii wepeyihtamuwaakanuu awen maayeyimaate Kaa payehchisiyich Ahchaahkwa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᒥᓯᐌ ᐊᐌᓐ ᑳ ᒫᔦᔨᒫᑦ ᐄᓅ ᐅᑯᓯᓴ ᑲᑕᒌ ᐌᐯᔨᐦᑕᒧᐙᑲᓅ᙮ ᓇᒧᐃ ᐐᔅᑳᑦ ᑲᑕᒌ ᐌᐯᔨᐦᑕᒧᐙᑲᓅ ᐊᐌᓐ ᒫᔦᔨᒫᑌ ᑳ ᐸᔦᐦᒋᓯᔨᒡ ᐊᐦᒑᐦᑾ᙮

Matthew 12:32 Iomraidhean Croise

Matthew 11:19

Ekw maak Iinuu Ukusisa chii miichisuu kaye chii minihkweu, chii itweyuuh maak aweyuuh, ‘Kanawaapamaahkw maa uu naapeu, taapwe kaa ukaasichimit kaye taapwe wiihchipeu, e uwiichewaakanit umachaatisiyuuh, kaye aniyuuh nitamukw kaa ihtitwaau kaa maamuushtinamiitwaauh chisheuchimaau shuuliyaayuu.’ Mikw maak taan e ishi pimaatisiit awen ekut e nuukuniyich taan e ishi kachehtaaweyihtahk.”

Matthew 12:31

Eukw maak uu wehchi wiihtamaatakuch, chika chii wepeyihtamuwaakanuu awen mikw taan e ishinaakuniyich machihtwaawiniyuu e ihtuutahk maak e ishi maayeyihchet mikw maak namui katachii wepeyihtamuwaakanuu awen kaa papaashtaamaat Kaa payehchisiyich Ahchaahkwa.

Matthew 12:8

Wesh Iinuu Ukusisa, mechim e ayimiheuchiishikaayich tipeyihtam.”

Matthew 13:22

Ekw maak an kutak shuumin kaa pahchishihk anite e ihtakuniyikwaauh kaa kaasutewaaskuhkwaauh niipisiyaahtikw, e ati nihtaauchit maak mwehch eukw e ishinaakusitwaau iinuuch kaa nituhtahkwaau Chishemanituu utayimuwiniyuu. Aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch.

Matthew 13:39

An maak awen kaa uhkaataat aniyuu kaa nihtaauchihcheyich an kaa wewepinahk machishuumin anite nihtaauchihchikan aschiihch eukw an machimanituu. An maak che utihchipayihch chechii maamuushtinikanuuhkwaauh aniyuu nihtaauchihchikan eukw an che iskwaapayihch aschii. Anichii maak kaa maamuushtinahkwaau aniyuu nihtaauchihchikan kaa itweyaan, eukw anichii enchilich.

Matthew 13:40

Mwehch maak an che ishinaakuhch che maamuushtinikanuuhkwaauh aniyuu machinihtaauchihchikan, che ishkwaasiikanuuhkwaauh maak ekun mwehch che ispayihch iskwaapayihche aschii.

Matthew 13:55

Namui aa eukw uyuu mistikunaapeu ukusisa. Namui aa Mary ishinihkaasuyuuh ukaawii, kaye namayeyuuh aa uyuu James, Joseph, Simon ekw maak Judas wiichishaanawaauh.

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Mark 10:30

etituu kata ishi ayaau anite niishtamihch eshkw utah aschiihch e ihtaat eyuu maak kaachiche pimaatisiiwiniyuu kata ayaau. Uyuu ihtite mitaahtumitanewaau ayuwaak kata ishpish miyaakanuu waaskaahiikanh, kaye mitaahtumitanewaau ayuwaak kata ishpish miyaakanuu aweyuu che wiichishaanit kaye che wiichishaaniskwemit kaye che ukaawiit, kaye che utawaashiimit. Eyuu maak mitaahtumitanewaau ayuwaak kata ishpish miyaakanuu aschiiyuu. Mikw maak kata nachishkam e nanehkaachihaakanuut.

Mark 3:28

“Taapwe wesin chititinaawaau, kata wepeyihtamuwaakanuuch awenichii misiwe umachihtwaawinawaauh nesht taan e ishi machaayimuumaatwaau aweyuuh.

Mark 3:29

Mikw maak an awen che paashtaamaakwe Kaa payehchisiyich Ahchaahkwa namui wiiskaat kata uhchi wepeyihtamuwaakanuu. Kaachiche kata nishuuwanaachimaakanuu uyuu e ishi machituutahk.”

Luke 12:10

Misiwe awen kaa machaayimuumaat Iinuu Ukusisa katachii wepeyihtamuwaakanuu. Ekw maak an awen kaa paashtaamaat Kaa payehchisiyich Ahchaahkwa namui kata uhchi wepeyihtamuwakanuu.”

Luke 16:8

Iskutak an uchimaau piyehtahk taan kaa ihtiyich aniyuu uchimaashiim chii maamihchihiikuu, iipwaahkaau e iteyimaat ekaa maak kuiskw uhchi ihtiyich. Wesh anichii ekaa kaa kuiskutaatisiitwaau utah aschiihch naashch taapwe kaschihuuch e wiihkuchihtamaasutwaau chekwaayuu ishpishaat wii anichii kaa kuiskutaatisiitwaau.”

Luke 18:30

etituu che miyaakanuut ishpishaat aniyuu kaa ishi nakatahk anuhchiish mekwaach e pimaatisiit, kaye kaachiche pimaatisiiwiniyuu che ayaat anite niishtamihch.”

Luke 23:34

Ekw Jesus kaa itwet, “Nuuhtaa, wepeyihtamuuch, wesh namui chischeyihtamuch taan e ihtitwaau.” Ekw anichii shimaakanishach kaa chaahkahuututwaau, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh.

Luke 7:34

Chii pechi takushinuu Iinuu Ukusisa e miichisut kaye e minihkwet. Chichii itwenaawaau maak, ‘Kanawaapamaahkw maa uu naapeu, nuwach kaa ukaasichimit kaye nuwach wiihchipeu, e uwiichewaakanit umachaatisiyuuh, kaye aniyuuh kaa maamuushtinamiyich Chisheuchimaau shuuliyaayuu kaa itaapatisitwaau.’

John 7:12

Mihchetu maak aweyuu chii ayimitutaakuu anit kaa ihtaayich. Pasch e itweyich, “Naashch taapwe miyeyihtaakusuu uu naapeu.” Ekw kutak e itweyich, “Namui miyeyihtaakusuu, wiyeshimeu aweyuuh.”

John 7:39

Eukw uyuu kaa itwet Jesus e aayimuumaat Kaa payehchisiyich Ahchaahkwa, aniyuu misiwe awen kaa taapwehtahk che ayaawaat. Anichii kaa taapwehtahkwaau eshkw namui uhchi miyaakanuuch aniyuuh Kaa payehchisiyich Ahchaahkwa wesh eshkw namui uhchi nituwaapameu Jesus uhtaawiimaauh chechii chisteyihtaakuhaakanuut.

John 7:52

Chii nishkweushiheuch maak e itaatwaau, “Kaye chiya aa Galilee aschiihch kuuhchiyin. Ayimihtaayine Chishemanituu utayimuwin chika chischeyihten ekaa wiiskaat uhchi uhchiit awen e uchischiwehiichesuut anite Galilee aschiihch.”

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.

Ephesians 1:21

Wiya Christ uste iteyihtaakuniyuu utipeyichichewin ishpishaat aniyuuh kaa uchimaawiyich, kaa tipeyihchicheyich, kaa suuhkaatisiyich, kaye kaa niikaanipiyich. Wiya uste iteyihtaakuniyuu utishinihkaasuwin e iteyihtaakuniyich kutak awen utishinihkaasuwin anuhchiish kaye anite niishtamihch.

1 Timothy 1:13

aat naashch e chii aahkwaateyihtaakusuuch nanaahkuu e chii ishi mamaayeyimak kaye e chii papaashtaamak kaye e chii nanehkaachihiik. Mikw maak yaapach nichii chistimaacheyimikw wesh an kaa ishpish chii aanuwehtamaan namui nuuhchi chischeyihten taan nihaau kaa ihtiyaan.

1 Timothy 1:15

Eukw maak uu tiyaapwemakahch itwewin, Christ Jesus e chii pechi takushihk utah aschiihch chechii pimaachihaat umachihtwaau. Maauch maak kaa machaatisiit nichii iteyihtaakusin niya.

1 Timothy 4:8

Ihtakuniyuu kiipaa taan e ishi wiichihiikut awen e sasaaupayihut. Ekw maak an awen suuhk muush kaa wii nanihiiwehaat Chishemanituu eukw uyuu etituu che wiichihiikut anuhchiish utah e pimaatisiit kaye maak anite ishi niishtaamihch.

1 Timothy 6:17

Chinituweyimitin maak Timothy, chechii wiihtamutwaau anichii kaa miisitisiitwaau ekaa chechii chihkaateyimishutwaau aniyuu e miisitisiitwaau kaye ekaa chechii aspeyimututahkwaau aniyuu ekaa kaa cheshtinaateyihtaakuniyich miisitisiiwiniyuu. Chischisuumach uste Chishemanituu chechii aspeyimututuwaatwaau an kaa miyu miitahkw misiwe chekwaayuu chechii miyeyihtamihiikuuhkw.

2 Timothy 4:10

Demas wii, shaash uste uyuu aschiiyuu saachihtaau kaye maak nichii nakatikw, anite Thessalonicahch ekute kaa ituhtet. Crescens maak wii anite Galatiahch ekute kaa ituhtet. Ekw Titus anite Dalmatiahch ekute wiya kaa ituhtet.

Titus 2:12

Uchishewaatisiiwinihch chuuhchi chiskutamaakunuu chechii nakatamuhkw machaatisiiwin kaye ekaa chechii machimushteneyihtamuhkw chekwaan utah aschiihch. Kaye uchishewaatisiiwinihch chuuhchi chiskutamaakunuu chechii yaakwaamiihkw taan e itaatisiihkw, kaye chechii kuiskutaatisiihkw kaye chechii Chishemanituuwaatisiihkw utah aschiihch e ihtaayihkw,

James 1:27

An ayimihewin kaa iteyihtahk Chishemanituu kaa Uhtaawiimaaut e kuiskunaakuniyich kaye e payehchinaakuniyich maau e ishinaakuhch, ihtuutaakuu awen chechii miyu wiichihaat chiiyuusaanisha ekw maak kaa peyakuyitwaauh iskweuh mekwaach e aayimuhuyich kaye maak ihtuutaakuu awen ekaa mitun chechii wiinihiikuyich machaatisiiwiniyuu taan e ishi ihtakuniyich utah aschiihch.