Matthew 12:30 - Chishemanituu Utayimuwin: Kaa Uskaach Testament

³⁰ Jesus maak miin chii iteu, “An awen ekaa kaa pechi wiichihiit nishkuushtaakw. Awen ekaa kaa wiichihiit e maamuushtinicheuch aschetishihiicheu ishinaakusuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᒌᓴᔅ ᒫᒃ ᒦᓐ ᒌ ᐃᑌᐤ, ᐊᓐ ᐊᐌᓐ ᐁᑳ ᑳ ᐯᒋ ᐐᒋᐦᐄᑦ ᓂᔥᑰᔥᑖᒄ᙮ ᐊᐌᓐ ᐁᑳ ᑳ ᐐᒋᐦᐄᑦ ᐁ ᒫᒨᔥᑎᓂᒉᐅᒡ ᐊᔅᒉᑎᔑᐦᐄᒉᐤ ᐃᔑᓈᑯᓲ᙮

Matthew 12:30 Iomraidhean Croise

Matthew 12:29

“Namui awen chika chii piihcheweu e suuhtisiyich naapeu wiichiyuu chechii kachemutuwaat taan e ishi tipiyeusiyich paatish niishtam chii maahkupitaate aniyuu naapeu kaa suuhtisiyich, ekw maak yaakw chechii chimutuwaat taan e ishi tipiyeusiyich.”

Matthew 6:24

“Namui awen chika chii atushkuweu niishu uchimaau, wesh peyakw aniyuu chika uhkaateu, ekw aniyuu kutak che saachihaat. Aniyuu peyakw suuhk chika atushkuweu, ekw aniyuu kutak namui chika uhchi naheyimeu chechii atushkuwaat. Namui chika chii atushkuweu Chishemanituu eyuu maak suuhk e aapatisit e wii miisitisiit.”

Mark 9:40

Wesh an awen ekaa kaa nishkuushtaatahkw chiwiichihiikunuu.

Luke 11:23

Jesus miin chii itweu, “An awen ekaa kaa pechi wiichihiit, ninishkuushitaakw. Awen ekaa kaa wiichihiit e maamuushtinicheuch aschetishihiicheu ishinaakusuu.”

Luke 9:50

Jesus kaa itaat, “Ekaawii chistahamuwaahkw. Wesh an awen ekaa kaa nishkuushtaakuyihkw chiwiichihiikunuu.”

John 11:52

Mikw maak namui mikw Jewa iinuuh che nipuushtamuwaayich, misiwe kaye aniyuuh Chishemanituu utiiniimiyuuh paahpiiwe kaa ihtaayitwaauh che maamuunaayich, peyakutenuu chechii ishinaakusiyich.

1 John 2:19

Uchii maak awenichii namui chihchiwe chuuhchi wiicheukunuuch eukw maak uyuu wehchii nakatitahkwaau. Wesh taapwe chii wiicheutahkwaau eshkw chipaa wiicheukunuuch. Aniyuu maak kaa nakatitahkwaau ekut kaa uhchi miyu chischeyihtaakuniyich ekaa chihchiwe uhchi wiicheutahkwaau.