Matthew 12:3 - Chishemanituu Utayimuwin: Kaa Uskaach Testament

³ Ekw Jesus kaa itaat aniyuu Phariseeh, “Chichii ayimihtaanaawaache masinahiikanihch kaa tipaachimaakanuut aniyaa chisheuchimaau David, misiwe maak aniyuu kaa wiicheukut iskutak kaa wii miichisutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᒌᓴᔅ ᑳ ᐃᑖᑦ ᐊᓂᔫ ᕓᕆᓰᐦ, ᒋᒌ ᐊᔨᒥᐦᑖᓈᐙᒉ ᒪᓯᓇᐦᐄᑲᓂᐦᒡ ᑳ ᑎᐹᒋᒫᑲᓅᑦ ᐊᓂᔮ ᒋᔐᐅᒋᒫᐤ ᑌᐱᑦ, ᒥᓯᐌ ᒫᒃ ᐊᓂᔫ ᑳ ᐐᒉᐅᑯᑦ ᐃᔅᑯᑕᒃ ᑳ ᐐ ᒦᒋᓱᑣᐤ᙮

Matthew 12:3 Iomraidhean Croise

Matthew 12:2

Iskutak maak anichii Phariseech wiyaapamaatwaau aniyuu e ihtiyich chii iteuch aniyuu Jesus, “Chekwaan wehchi ihtuutamekw an chekwaan atuch chipaa uhchi ihtuutaakanuu e ayimiheuchiishikaach.”

Matthew 12:4

Aniyaa chisheuchimaau David chii piihcheu chisheayimiheukamikuhch ekw kaa muwaat aniyuu kaa payehchisiyich aaihkunaau, ekw kaa ashamaat uwiichewaakanh. Mikw maak ayimiheuchimaauch chii iteyihtaakusuuch chechii muwaawaakupanenich uyuu aaihkunaau, wesh eukun kaa itashteyich ayimihewin wiishuweusinahiikanihch. David maak namui uhchi waweshihaakanuu.

Matthew 12:5

Kaye chichii ayimihtaanaawaache anite wiishuweusinahiikanihch, anichii ayimiheuchimaauch e aapatisitwaau anite chisheayimiheukamikuhch e ayimiheuchiishikaayich piikunamuch aniyuu wiishuwewiniyuu taan chipaa ishi naanaakachihtaakanuuyuu e ayimiheuchiishikaayich, namui maak chekwaayuu chika chii ishi ataameyihtaakusuuch.

Matthew 19:4

Ekw Jesus kaa nishkweushihaat e itaat, “Namui aa kuuhchi ayimihtaanaawaau masinahiikanihch anit kaa itashtech, niishtam iinuuh kaa ushihaat Chishemanituu, naapeu ekw maak iskweu chii ushiheu.

Matthew 21:16

Ekw kaa itaatwaau aniyuu Jesus, “Chipehtawaauch aa taan e itwetwaau.” Jesus kaa itaat, “Nipehtuwaauch, namui aa wiiskaat chuuhchi ayimihtaanaawaau Chishemanituu utayimuwinihch anit kaa itashtech, Chishemanituu chii ihtuutaweu awaasha kaye apishtawaasha chechii miyu maamihchimikut.”

Matthew 22:31

Ekw maak an wii, che wanishkaatwaau anichii kaa nipitwaau, namui aa kuuhchi ayimihtaanaawaau kaa ititaakw Chishemanituu, miin che wanishkaayich misiwe aniyuu kaa puunipimaatisiyich.

Mark 12:10

Namui aa kuuhchi ayimihtaanaawaau anit Chishemanituu utayimuwinihch kaa itashtech, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich.

Mark 12:26

An maak netuu chischeyihtamuwekwe che uhpiskaawaakwenich kaa nipitwaau, namui aa kuuhchi ayimihtaawaanaawaau Moses taan kaa itisinahahk umasinahiikanihch, anit kaa tipaatutahk e niipiskuupaayich kaa uhchi ayimihiikut Chishemanituu, e chii itikuukupane, ‘Eukw niya uchishemanituumiwaau, Abraham, Isaac ekw maak Jacob.’

Luke 10:26

Jesus chii itikuu, “Taan maak e ishi nisituhtaman an ayimihewin wiishuweusinahiikan e ayimihtaayin. Taan e itashtech maak.”

Luke 6:3

Jesus maak chii nishkweushiheu e itaat, “Chichii ayimihtaanaawaache masinahiikanihch kaa tipaachimaakanuut aniyaa chisheuchimaau David, misiwe kaye aniyuu kaa wiicheukut iskutak kaa wii miichisutwaau.