Matthew 12:2 - Chishemanituu Utayimuwin: Kaa Uskaach Testament

² Iskutak maak anichii Phariseech wiyaapamaatwaau aniyuu e ihtiyich chii iteuch aniyuu Jesus, “Chekwaan wehchi ihtuutamekw an chekwaan atuch chipaa uhchi ihtuutaakanuu e ayimiheuchiishikaach.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐃᔅᑯᑕᒃ ᒫᒃ ᐊᓂᒌ ᕓᕆᓰᒡ ᐎᔮᐸᒫᑣᐤ ᐊᓂᔫ ᐁ ᐃᐦᑎᔨᒡ ᒌ ᐃᑌᐅᒡ ᐊᓂᔫ ᒌᓴᔅ, ᒉᒀᓐ ᐌᐦᒋ ᐃᐦᑑᑕᒣᒄ ᐊᓐ ᒉᒀᓐ ᐊᑐᒡ ᒋᐹ ᐅᐦᒋ ᐃᐦᑑᑖᑲᓅ ᐁ ᐊᔨᒥᐦᐁᐅᒌᔑᑳᒡ᙮

Matthew 12:2 Iomraidhean Croise

Matthew 12:10

Chii ihtaau maak anit naapeu utihchii e maaskaniyich. Chii ihtaauch maak pasch anit iinuuch e chiimuut naanaakachihaatwaau aniyuu Jesus e wii naanituu miskahkwaau chekwaayuu chechii uhchi ataameyimaatwaau e machituutamiyich ekw kaa kakwechimaatwaau, “Wanituutaakanuu aa awen e miinuwaachihaakanuut e ayimiheuchiishikaayich.”

Matthew 12:3

Ekw Jesus kaa itaat aniyuu Phariseeh, “Chichii ayimihtaanaawaache masinahiikanihch kaa tipaachimaakanuut aniyaa chisheuchimaau David, misiwe maak aniyuu kaa wiicheukut iskutak kaa wii miichisutwaau.

Mark 2:24

Ekw Phariseech kaa itaatwaau Jesus, “Chekwaan wehchi ihtuutamekw an chekwaan atuch chipaa uhchi ihtuutaakanuu e ayimiheuchiishikaach.”

Luke 14:3

Jesus chii kakwechimeu aniyuu Pharisee kaye aniyuu kaa chiskutamaacheyitwaauh ayimihewin wiishuwewiniyuu, “Itashteu aa ayimiheuwiishuweusinahiikanihch e kuiskunaakuhch chechii miinuwaachihiiwaanuuhch e Jewa ayimiheuchiishikaach maak ekaa kuiskunaakuhch.”

Luke 23:56

Ekw maak kaa chiiwetwaau kaa nituu ayeskuushtaatwaau aniyuu kaa wiihchimaakusiyikwaau mashkushuu kaye tuuminikan aniyuuh che aapachihtaatwaau e miyuhkahkwaau aniyuu miiyuuyuu. Aniyuu maak Jewa utayimiheuchiishikaamiyuu chii aasteyeskusiyuuch wesh ekun kaa ishi itashuwaataakanuutwaau Chishemanituu ukacheskwewinihch che ihtiwaakupanenich.

Luke 6:2

Chii pechi naatikuuch maak Pharisee e itikutwaau, “Chitayeskuwiihkenaawaau aa chimiichimuwaau e ayimiheuchiishikaach. Chekwaan wehchi ihtuutamekw an chekwaan atuch chipaa uhchi ihtuutaakanuu e ayimiheuchiishikaach.”