Matthew 12:18 - Chishemanituu Utayimuwin: Kaa Uskaach Testament

¹⁸ Maau nitaapachihaakan kaa wiyeyimak, an kaa saachihak, kaye kaa naniheyihtamihiit. Nika miyaau Nitahchaahkwa ekw maak che wiihtamuwaat misiwe aweyuu nanaahkuu e itiskaanesiyich che wiyaaskunaakanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᒫᐤ ᓂᑖᐸᒋᐦᐋᑲᓐ ᑳ ᐎᔦᔨᒪᒃ, ᐊᓐ ᑳ ᓵᒋᐦᐊᒃ, ᑲᔦ ᑳ ᓇᓂᐦᐁᔨᐦᑕᒥᐦᐄᑦ᙮ ᓂᑲ ᒥᔮᐤ ᓂᑕᐦᒑᐦᑾ ᐁᒄ ᒫᒃ ᒉ ᐐᐦᑕᒧᐙᑦ ᒥᓯᐌ ᐊᐌᔫ ᓇᓈᐦᑰ ᐁ ᐃᑎᔅᑳᓀᓯᔨᒡ ᒉ ᐎᔮᔅᑯᓈᑲᓄᔨᒡ᙮

Matthew 12:18 Iomraidhean Croise

Matthew 12:17

Aniyuu maak kaa ihtit ekw kaa ispayiyich aniyuu taan kaa itwet Chishemanituu, taan kaa ishi miyaat uchischiwehiichesuuh Isaiah chechii ishi aayimuutamiyich.

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Mark 1:11

Kihchikiishikuhch maak chii uhchi pehtaakusuu awen e itwet, “Eukw chiya Nikus naashch kaa saachihiitaan. Naashch taapwe chinaheyihtamihiyin.”

Mark 9:7

Chek kaskawanishkwa kaa uhchi ukaashteskaakutwaau. Ekute kaa uhchi pehtawaatwaau aweyuu e itweyich, “Eukw uu niya tipiyeu Nikus kaa saachihak. Nituhtawaahkw.”

Luke 23:35

Chii naaniipuuch anite awenichii e kanawaapitwaau e maayeyimikuyich aniyuu Jewa iinuuh kaa niikaanishkuwaayich e itweyich, “Chii wiichiheu kutak aweyuuh, kata wiichihiisuu maak taapwe Christ e aawiikwe, aniyuu Chishemanituu kaa wiyaapamaat.”

Luke 3:22

Kaa payehchisiyich Ahchaahkw kaa uhchi aashiitutaakut Jesus mwehch umiimiiu e ishinaakusiyich. Ekw kaa uhchi pehtaakusit awen anite uhchi kihchikiishikuhch e itwet, “Eukw uu chii Nikus kaa saachihiitaan kaye naashch kaa naniheyihtamihiyin.”

Luke 4:18

Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

Luke 9:35

Anit maak kaskawanishkuhch chii uhchi pehtamuch pehtaakusuwiniyuu, aweyuu e itweyich, “Eukw uu Nikus kaa saachihahk. Nituhtawaahkw.”

John 3:34

An kaa pechi itishahukut Chishemanituu iteu taan e ishi miikut Chishemanituuh chechii itwet kaye mitun tekash piihchishkaakuu Chishemanituu Utahchaahkuyuuh.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 11:18

Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”

ᐊᐸᔅᑕᓚᒡ 14:27

Iskutak maak kaau mesikaatwaau anichii apastalach anite Antiochihch, chii nishtuuneuch aniyuu misiwe umaamuuayimihaauh e waawiihtamuwaatwaau taan kaa ihtuutamiyich Chishemanituu wiyawaau e chii aapachihiikutwaau. Ekw maak anichii iinuuch chii wiihtamaakuch aniyuu apastalh, aniyuu iinuuh ekaa Jewa kaa itiskaanesiitwaauh kaye wiyawaau e taapweyimaatwaau Jesus.

Ephesians 1:6

Iteyihtaakuniyuu maak chechii maamihchimaakanuut e chisteyihtaakuniyich taan e ishpish shaweyimitahkw. Maamihchimaataau sehchei e chii miitahkw Ukusisa naashch kaa saachihaat.

Colossians 1:1

Chiyawaau niichishaanitikw kaa taapwehtamekw, chiyawaau kaa taapweucheyihtaakusiyekw e wiichewekw Christ, anite Colossae kaa ishinihkaatech ihtaawin kaa ihtaayekw, niya Apastal Paul kaa masinahamaatakuch.

Colossians 1:13

Chichii wiihkuchihiikunuu taan aniyuuh kaa ishi tipeyimikuuhk wanitipiskusiiwiniyuu miiskuch aniyuu naashch kaa saachihaat Uukusisa uchimaawiniyuu ekw chechii tipeyimikuuhk.

1 Peter 2:4

Pechi naataahkw maak Utipeyihchikeu Jesus, an kaa pimaatisiit asinii kaa ishinihkaataakanuut. Chii aataweyimikuu aweyuu utah aschiihch, mikw maak Chishemanituu chii wiyaapamikuu wiya maauch chechii chisteyihtaakusit.

2 Peter 1:17

Nichii ihtaawaanaan anit kaa chiihkaayeyihtaakuhiikut kaye kaa chisteyihtaakuhiikut Chishemanituu Uhtaawiimaau, anit kaa pehtamaahch pehtaakusuwin anite maauch e chisteyihtaakuch uhchi e itwet Uhtaawiimaau, “Eukw uu Nikus naashch kaa saachihiik kaye naashch kaa nahiiwehiit.”