Matthew 12:17 - Chishemanituu Utayimuwin: Kaa Uskaach Testament

¹⁷ Aniyuu maak kaa ihtit ekw kaa ispayiyich aniyuu taan kaa itwet Chishemanituu, taan kaa ishi miyaat uchischiwehiichesuuh Isaiah chechii ishi aayimuutamiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᐊᓂᔫ ᒫᒃ ᑳ ᐃᐦᑎᑦ ᐁᒄ ᑳ ᐃᔅᐸᔨᔨᒡ ᐊᓂᔫ ᑖᓐ ᑳ ᐃᑗᑦ ᒋᔐᒪᓂᑑ, ᑖᓐ ᑳ ᐃᔑ ᒥᔮᑦ ᐅᒋᔅᒋᐌᐦᐄᒉᓲᐦ ᐊᐃᓭᔭ ᒉᒌ ᐃᔑ ᐋᔨᒨᑕᒥᔨᒡ᙮

Matthew 12:17 Iomraidhean Croise

Matthew 12:16

Ekw Jesus kaa itashumaat ekaa chechii wiihtamuwaayich kutak aweyuu taan kaa ihtit.

Matthew 12:18

Maau nitaapachihaakan kaa wiyeyimak, an kaa saachihak, kaye kaa naniheyihtamihiit. Nika miyaau Nitahchaahkwa ekw maak che wiihtamuwaat misiwe aweyuu nanaahkuu e itiskaanesiyich che wiyaaskunaakanuyich.

Matthew 13:35

Eukw maak uyuu kaa ihtit chechii taapwemakaniyich taan kaa itwekupane an uchischiwehiicheu, Tipaachimuwin chiskutamaachewin nika aapachihtaawaan e wiihtamuukwaau awenichii taan aniyuuh eshkw ekaa uhchi chischeyihtaakuniyich kaa ishpish ushihtaakanuuhch uu aschii.

Matthew 21:4

Wesh an peyakw uchischiwehiichesuu kaa itwekupane uyuu che ispayiyich, chii taapwekupane uyuu kaa itwet,

Matthew 8:17

Aniyuu maak kaa ihtuutahk chii ispayiniyuu taan kaa ishi niikaan wiihtamukupane che ispayiyich aniyaa uchischiwehiichesuu Isaiah kaa itwet, Chichii miinuwaachihiikunuu kaye chii iichenam misiwe nanaahkuu chititaaspinewinuuh.

Luke 21:22

Eukw maak uu che utihchipayihch iinuuch che waweshihaakanuutwaau aniyuu kaa ishi machituutahkwaau wesh eukuu kaa ishi niikaan wiihtaakuhch che ishi tipipayihch.

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 10:35

Chichischeyihtenaanuu kaachiche e taapwemakahch taan e itashtech Chishemanituu utayimuwinihch. Manituuch chii ishinihkaateu Chishemanituu aniyuuh kaa miyaakanuyich utayimuwin.

John 12:38

Eukun taapwe kaa ispayihch taan kaa ishi niikaan wiihtamukupane aniyaa uchischiwehiichesuu Isaiah e chii itwekupane, Utipeyihchikeu, awen tiyaapwehtaakuyaahch taan kaa ishi wiihtamaahch. Aweyuu kaa waapahtiyaat Utipeyihchikeu usuuhkaatisiiwin.

John 19:28

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.

ᐊᐸᔅᑕᓚᒡ 13:27

Wesh anichii iinuuch anite Jerusalemihch kaa ihtaatwaau kaye aniyuu kaa niikaanishkaakutwaau namui uhchi chischeyimeuch Jesus eukw aniyuu upimaachihiiweu, kaye namui uhchi nisituhtamuwaakupanenich taan kaa ishi masinahamiyich aniyehkaanaan uchischiwehiichesuuh taan kaa ishi aayimuumaayich aniyuu Christ. Aat maak eshikum e Jewa ayimiheuchiishikaayich e chii ayimihtuwaakanuutwaau. Mikw maak iskutak anichii Jewa iinuuch kaa nituweyimaatwaau Jesus chechii nipahaakanuyich, ekw kaa tipipayihch taan kaa itasinahiikanuuhch che ispayihch.