Matthew 11:8 - Chishemanituu Utayimuwin: Kaa Uskaach Testament

⁸ Chekwaan maak wehchi nituwaapamekw. Awen kaa iteyimekw che waapamekw. Naapeu aa naashch e miywaashpisut. Anichii awenichii kaa miywaashpisutwaau chisheuchimaau uwaaskaahiikanimiihch ekute e ihtaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒉᒀᓐ ᒫᒃ ᐌᐦᒋ ᓂᑐᐙᐸᒣᒄ᙮ ᐊᐌᓐ ᑳ ᐃᑌᔨᒣᒄ ᒉ ᐙᐸᒣᒄ᙮ ᓈᐯᐤ ᐋ ᓈᔥᒡ ᐁ ᒥᔻᔥᐱᓱᑦ᙮ ᐊᓂᒌ ᐊᐌᓂᒌ ᑳ ᒥᔻᔥᐱᓱᑣᐤ ᒋᔐᐅᒋᒫᐤ ᐅᐙᔅᑳᐦᐄᑲᓂᒦᐦᒡ ᐁᑯᑌ ᐁ ᐃᐦᑖᑣᐤ᙮

Matthew 11:8 Iomraidhean Croise

Matthew 11:7

Iskutak maak kaa chistuhteyich Johna uchischinuhamuwaakaniyuuh, Jesus chii aayimuumeu John anite e mihchetinaanuyich e itwet, “Iskutak kaa nituwaapamekw John anite pakwaatiskamikaahch kaa kacheskwet, awen kaa iteyimekw che waapamekw. Mwehch mashkushii taan e itaashtihch mikw anite e ishiiwech e ishi naweyaashtihch ekun e iteyihtaakusit awen naashch e nihiishaakuuchimaakanuut. Ekun aa kaa iteyimekw John e iteyihtaakusit.

Matthew 11:9

Chekwaan maak wehchii nituwaapamekw. Chichii iteyihtenaawaau aa uchischiwehiichesuu che waapamekw. Ehe, chiwiihtamaatinaawaau uste wiya John chii iteyihtaakusuu ishpishaat kutak uchischiwehiichesuuh.

Matthew 3:4

Uu maak John, kaa mista piskwaaukunet awesiis upiiwii chii uhchi ushihtaakanuuyuu uchekwaanimh, kaye muushuyaaniyaapii chii iteyihtaakuniyuu aniyuu chekwaayuu kaa upahkuhtehunit kaye kwaashkwaashkuhchishiisha ekw maak shuukaayuu aamuuwachistunihch kaa ihtakuniyich eukw uyuu kaa umiichimit.

Luke 7:25

Awen maak kaa iteyimekw che waapamekw. Namui naanituu wii awen e miywaashpisut. Wesh anichii kaa miywaashpisutwaau naashch taapwe weyuutisiyuuch, anite maak chisheuchimaau uwaaskaahiikanimiihch ekute e ihtaatwaau.

1 Corinthians 4:11

Waawaach kaye mekwaach anuhchiish niyaanikutehch nisiiweyinaan. Niyaanikutehch nipaakutaahtenaan. Niyaanikutehch namui mitun chii ishinaakun nichekwaaniminaanh. Naashch niwii ihtuutaakunaan kaye maanh. Kaye namui ihtakun taanite chechii wiichiyaahch.

2 Corinthians 11:27

Naashch taapwe nichii mista aapatisin. Mihchetwaau nichii mista ayeskusiin, mihchetwaau kaye namui mechim nuuhchi nipaan. Mihchetwaau nichii nuuhtepayin miichim ekw maak kaa ati siiweyaan, kaye maak nichii nuuhteyaapaakwen. Niyaanikutehch namui mechim uhchi ihtakun taanit che ihtaayaan kaye niyaanikutehch nichii siihkachin.

Revelation 11:3

Mekwaach maak aniyuuh e chiishikaakwaauh nika itishahwaauch niishu awenich che utaapachihaakaniyaan chechii chischiwehiichetwaau. Kalwaakas machunishiyuu e chichishkahkwaau. Peyakwaau chishemitaahtumitanuu niishwaau mitaahtumitanuu miin kutwaashumitanuu chiishikaauh ekun che ishpish waawiihtahkwaau taan che ishpish miikwaau chechii ishi aayimuutahkwaau. Ekun e tahtihkwaau e chiishikaakwaauh nemitanuu niishu piisimh.