Matthew 11:6 - Chishemanituu Utayimuwin: Kaa Uskaach Testament

⁶ Shaweyihtaakusuu maak an awen ekaa che niyehtaaweyimikwe.” Ekun kaa itaat Jesus aniyuu Johna uchischinuhamuwaakaniyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᔕᐌᔨᐦᑖᑯᓲ ᒫᒃ ᐊᓐ ᐊᐌᓐ ᐁᑳ ᒉ ᓂᔦᐦᑖᐌᔨᒥᑴ᙮ ᐁᑯᓐ ᑳ ᐃᑖᑦ ᒌᓴᔅ ᐊᓂᔫ ᒞᓐ ᐅᒋᔅᒋᓄᐦᐊᒧᐙᑲᓂᔫᐦ᙮

Matthew 11:6 Iomraidhean Croise

Matthew 13:21

Muyaam maak an nihtaauchihchikan ekaa yaaich nihtaauchiniyikwaauh utapiih eukw e ishinaakusitwaau anichii, namui chineush taapwehtamuch. Iskutak maak e machipayinaanuyich maak e nanehkaateyimunaanuyich e ihtakuniyich aniyuu miywaachimuwiniyuu uhchi, tiiwehch puuniyuuch e taapwehtahkwaau.

Matthew 18:7

Taapwe maayaatan chekwaayuuh e ishi ihtakuhkwaauh utah aschiihch ati chechii uhchi machituutahkwaau awenichii. Muush kata ihtakuniyuu chekwaayuu che kakwechihiikutwaau awenichii chechii machituutahkwaau, mikw maak Chishemanituu kata waweshiheu aniyuu kaa ihtuutawaayich kutak aweyuu chechii machituutamiyich.”

Matthew 24:10

Mihchetu maak chika puuniyuuch e taapweyimitwaau kaye chika mamishimituuch kaye chika uhkaatituuch.

Matthew 26:31

Ekw Jesus kaa itaat aniyuu uchischinuhamuwaakan, “Uu anuhchiish che tipiskaach misiwe e tashiyekw chika nakasinaawaau, an uhchi taan che ihtuutaakuyaan, wesh itashteyuu anite Chishemanituu utayimuwinihch, Nika niihtahwaau an maanishchaanishuiinuu, ekw anichii maanishchaanishach che ascheyaamuhchaanuuhch.”

Matthew 5:29

Ekw maak ihtuutaakuyine chischiishikw chinihiiwinihch kaa ihtakuhch chechii machituutaman kuikunh, che wepinaman. Uste miywaau chechii wanihtaayin apishiish chiiyuu ishpish wii misiwe chiiyuu chechii ishiwepinikanuuhch machishkutehch.

Mark 6:3

Namui aa eukw uyuu kaa mistikunaapewiyich Mary ukusisa. Namui aa eukw uyuu wiichiinuuwaau James, Joses, Judas ekw maak Simon. Namui aa utah wiichiyuu kaye uwiichishaaniskwemh.” Eukw uyuu kaa ishi kakwechimitutwaau wesh taapaa uhchi nahiiskaakuuch taan kaa ihtiyich Jesus.

Luke 2:34

Ekw an chisheinuu Simeon misiwe kaa shaweyimaat ekw kaa itaat aniyuu Mary, Jesus ukaawiyuu, “Uu awaash chii wiyaapamikuu Chishemanituu, chika ihtuutaweu aniyuu Israel iinuuh chechii pahchishiniyich ekw aniyuuh kaa taapweyimikut kata uhpakaapuuheu. Uu awaash chika waapahtiiweu Chishemanituu upimaachihiikusiiwiniyuu mikw maak mihchetu aweyuu chika nishkuushihtaakuu.

Luke 7:23

Shaweyihtaakusuu an awen ekaa che niyehtaaweyimikwe.”

John 16:1

“Misiwe uu kaa ishi wiihtamaatakuch chichii wiihtamaatinaawaau ekaa chechii ishinaakusiyekw chechii wii ati puuniyekw e taapweyimiyekw.

John 6:66

Iskutak maak kaa itwet uyuu mihchetu aniyuuh kaa nuushuushkaakut chii nakatikuu kaye namui uhchiwii wiicheukuu.

1 Corinthians 2:14

An awen ekaa kaa ayaawaat Chishemanituuh Utahchaahkuyuu, namui katachii utinam aniyuuh miiwewinh taan e ishi miiweyich Chishemanituuh Utahchaahkuyuuh. Uu awen namui taapwe nisituhtam chekwaayuuh uyuuh, namui wiyesh itaapatanh iteyihtam. Wesh mikw anichii Payehchi Ahchaahkwa kaa ayaawaatwaau kata chii nisituhtamuch taan e ishi chihchiwe iteyihtaakuniyikwaauh uyuuh miiwewinh.

Galatians 5:11

Niichishaanitikw, ihtaauch awenichii e itwetwaau e itweuch e nituweyihtaakuniyich chechii chischinuwaachishwaakanuut awen. Namui maak uu nit ishi kacheskwen. Aniyuu e waawiihtamuch Jesus e chii nipiyich aashiteyaahtikuhch anit ukuiskutaatisiiu chechii ishi kanawaapamitahkw Chishemanituu eukw aniyuu wehchi chishuwaasitwaau awenichii. Eukw aniyuu wehchi nanehkaateyimuhiitwaau.

1 Peter 2:8

Ekw maak miin e itashtech anite Chishemanituu utayimuwinihch, Uu asinii chika pisusamuweu kaye eukuu kaa mihchaapischisit asinii che pahchishimaat aweyuuh. Pasuskaweuch uyuuh asinii wesh namui uhchi nanihiihtamuweuch Chishemanituu utayimuwiniyuu. Eukw maak uyuu che uhchi waweshihaakanuutwaau wesh shaash ekun kaa ishi wiyeyihtamiyich Chishemanituu che ihtuutaakutwaau.