Matthew 11:5 - Chishemanituu Utayimuwin: Kaa Uskaach Testament

⁵ Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐐᐦᑕᒧᐙᐦᒄ ᒫᒃ ᐁ ᐙᐸᐦᑕᒦᑣᐤᐦ ᐊᓂᔫ ᐁᑳ ᐅᐦᒌ ᐙᐸᐦᑕᒥᔨᒡ, ᐁ ᐱᒧᐦᑌᔨᒡ ᐊᓂᔫ ᐁᑳ ᐅᐦᒌ ᐱᒧᐦᑌᔨᑣᐤᐦ, ᑲᔦ ᒫᒃ ᐁ ᐸᔦᐦᒋᓰᑣᐤᐦ ᐊᓂᔫ ᑳ ᐊᔮᔨᒡ ᑳ ᒫᔮᑕᓂᔨᒡ ᐅᒥᒌᐙᔅᐱᓀᐎᓂᔫ ᐁ ᒌ ᒦᓄᐙᒋᐦᐋᑲᓄᔨᒡ᙮ ᑲᔦ ᐁ ᐯᐦᑕᒥᔨᒡ ᐊᓂᔫ ᐁᑳ ᐅᐦᒌ ᐯᐦᑕᒥᔨᒡ᙮ ᑲᔦ ᐁ ᒌ ᐗᓂᔥᑳᓈᑲᓄᔨᒡ ᐊᓂᔫ ᑳ ᓂᐲᑣᐤ᙮ ᑲᔦ ᒥᔻᒋᒧᐎᓂᔫ ᐁ ᐙᐐᐦᑕᒧᐙᑲᓄᔨᒡ ᑳ ᒋᔅᑎᒫᑎᓯᔨᒡ ᐊᐌᔫᐦ᙮

Matthew 11:5 Iomraidhean Croise

Matthew 10:8

Miinuwaachihaahkuch kaa aahkusitwaau, kaye wanishkaanaahkuch anichii kaa nipitwaau, miinuwaachihaahkuch chechii payehchisiitwaau anichii kaa maayaataniyich umichiiwiniyuu kaa ayaatwaau kaye wiiwiitishihwaahkuch machahchaahkuch. Sehchei chichii miikunaawaau uu suuhkaatisiiwin, namui maak chipaa uhchi chiishiihkaakunaawaau uu e ihtuutamekw.

Matthew 11:4

Ekw Jesus kaa itaat, “Chiiwekw, che wiihtamuwekw John taan kaa ishi waapamiyekw e ishi ihtuutamaan kaye taan kaa ishi pehtamekw.

Matthew 12:13

Ekw kaa itaat aniyuu naapeu utihchiyuu kaa maaskaniyich, “Tashupayihtaah chitihchii.” Chii tashupayihtaau maak an naapeu aniyuu utihchii, ekw maak kaa miinuwaachihtaakanuyich aniyuu utihchii. Mwehch aniyuu kutachiyuu utihchii kaa ishi miywaayich ekun kaa ishinaakuniyich aniyuu utihchii kaa maaskaniyich.

Matthew 21:14

Chii pechi nituwaapamikuu maak aniyuu ekaa kaa waapahtamiyich kaye aniyuu kaa maaschinihtaauchiyich aweyuuh anite chisheayimiheukamikuhch mekwaach e ihtaat, chii miinuwaachiheu maak.

Matthew 5:3

“Shaweyihtaakusuuch anichii kaa chistimaatisiitwaau anite ahchaahkuwinihch, wesh wiyawaau tipiyeusiyuuch kihchikiishikw chisheuchimaawiniyuu.

Matthew 9:30

Chii miinuwaachihaakanuuch maak ekw kaa waapahtahkwaau. Ekw Jesus kaa itashumaat ekaa chechii wiihtamuwaayich aweyuu.

Mark 7:37

Misiwe maak aweyuu kaa pehtamiyich uyuu naashch chii miskaateyihtamihiikuyuu. Chii itweyuuh maak, “Misiwe chekwaayuu chii miyutuutam. Waawaach chii ihtuutamuweu ekaa kaa pehtamiyich chechii pehtamiyich kaye aniyuuh ekaa kaa nihtaaweyich chechii nihtaaweyich.”

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Luke 4:18

Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

John 10:25

Ekw Jesus neshkweushihaat, “Shaash kuiskw chichii wiihtamaatinaawaau namui maak kuuhchi wii taapwehtuunaawaau. Aniyuu misiwe kaa ishi pechi miit Nuuhtaawii chechii ishi maamishkaach ihtuuch niyaanitam utah e ihtaayekw ekut e nuukuhch awen e aawiyaan.

John 10:38

Aat ekaa wii taapweyimiyekw e itweyaan Chishemanituu Ukusisa e awiyaan mitun chipaa cheshtinaateyihtamihiikunaawaau e piihchishkuut Uhtaawiimaau kaye niya maak e piihchishkuuk an uhchi e maamishkaach ihtiyaan.”

John 2:23

Mekwaach maak Jesus kaa ihtaat anite Jerusalemihch aniyuu mekwaach kaa makushaanuyich miyaaskaacheu makushaaniyuu, mihchetu aweyuu chii taapweyimikuu wiya taapwe e aawiyit Christ iskutak kaa waapamikut e maamishkaach ihtit.

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

John 5:36

Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut.

John 9:7

Ekw kaa itaat aniyuu naapeu, “Maachih nituu kaasiihkwe nete kaa chii pakaashimunaanuuhch Siloam kaa ishinihkaatech.” An Siloam e iinaanuuhch “kaa itishahwaakanuut” ishi itweshtamuwaataakanuu. Ekw kaa nituu kaasiihkwe an naapeu ekaa kaa waapahtahk, chii waapahtam maak iskutak miin tekushinit.

ᐊᐸᔅᑕᓚᒡ 2:22

Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.