Matthew 11:3 - Chishemanituu Utayimuwin: Kaa Uskaach Testament

³ Ekw kaa kakwechimaatwaau aniyuu Jesus, “Pechi wiihtamuunaan maa, eukw aa chiya Christ an che takushinikupane maak eshkw che ashuwaapamaauchihtipane kutak chechii takushihk.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᑳ ᑲᑴᒋᒫᑣᐤ ᐊᓂᔫ ᒌᓴᔅ, ᐯᒋ ᐐᐦᑕᒨᓈᓐ ᒫ, ᐁᐅᒄ ᐋ ᒋᔭ ᙭ ᐊᓐ ᒉ ᑕᑯᔑᓂᑯᐸᓀ ᒫᒃ ᐁᔥᒄ ᒉ ᐊᔓᐙᐸᒫᐅᒋᐦᑎᐸᓀ ᑯᑕᒃ ᒉᒌ ᑕᑯᔑᐦᒃ᙮

Matthew 11:3 Iomraidhean Croise

Matthew 11:10

Eukw uu John kaa aayimuumaakanuut anite Chishemanituu utayimuwinihch kaa itashtech, Nika niikaanitishihwaau awen chechii ayeskuwiihkahk aniyuu meskanaayuu anit che pimuhteut.

Matthew 11:4

Ekw Jesus kaa itaat, “Chiiwekw, che wiihtamuwekw John taan kaa ishi waapamiyekw e ishi ihtuutamaan kaye taan kaa ishi pehtamekw.

Matthew 21:5

Wiihtamuwaahkuch anichii iinuuch anite Zionihch kaa uhchiitwaau, kanawaapamaahkw maa chichisheuchimaamuwaau. Chipechi nituwaapamikuwaau e tipihteyimisut uhkaan muyaam kaa apishiishit kaapalakaskweu kaa ishinaakusiyich e tehtapit. Eukw uyuu kaa itwekupane aniyaa peyakw uchischiwehiichesuu.

Matthew 21:9

Anichii maak iinuuch anite niikaanaanihch kaa pimuhtetwaau aniyuu Jesus e ihtaayich kaye anichii anite utaahch kaa pimuhtewaatwaau chii chihchi maamihchimeuch Chishemanituu e chishewetwaau e itwetwaau, “Chisteyihtaakuhaahkw an kaa ukusitutaakuut David, shaweyihtaakusuu uu kaa pechi itishahukut Utipeyihchikeuh. Maamihchimaataau Chishemanituu wiya maauch e chisteyihtaakusit.”

Mark 11:9

Anichii maak awenichii niikaanaanihch kaye anichii utaahch kaa pechi pimuhtetwaau chii tepweuch e itwetwaau, “Chisteyihtaakusuu Chishemanituu. Shaweyihtaakusuu an kaa pechi itishahukut Utipeyihchikeu.

Luke 19:38

Eukw maak uyuu kaa itwetwaau e maamihchimaatwaau Chishemanituu, “Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”

John 11:27

“Ehe, Utipeyihchikeu,” chii iteu Martha. “Nitaapwehten chiya e aawiyin aniyuu Chishemanituu kaa pechi itishahwaat, kaye chiya e aawiyin Chishemanituu Ukusisa, aniyuu kaa itwet cheshtinaash che takushiniyich utah aschiihch.”

John 12:13

Ekw kaa naatwaanihkwaau niipisiyaahtikw kaa ati wiiwiitwaau anit Jerusalemihch che nituu nachihaatwaau, uyuu e itwetwaau e chishewetwaau, “Maamihchimaataau Chishemanituu, shaweyihtaakusuu an Chishemanituu kaa pechi itishahukut, Israel iinuuch uchisheuchimaamuwaau.”

John 16:14

Nika chisteyihtaakuhiikw wesh taan che ishi aayimuutamuch eukw uyuu che ishi aashuu waawiihtamaataakw.

John 4:21

Jesus kaa itaat, “Taapwehtuuh, chika ispayuu eshkw Kuuhtaawiinuu ekaa che uhchi nuuchiishtuwaakanuut utah wachiihch maak anite Jerusalemihch.

John 6:14

Anichii maak iinuuch anit kaa ihtaatwaau, anichii kaa waapamaatwaau Jesus aniyuu miskach ihtuwiniyuu e ihtuutamiyich chii iteuch, “Cheshtinaash eukw uu uchischiwehiichesuu an kaa ashuwaapamuhkw chechii pechi itishahwaakanuut utah aschiihch.”

John 7:31

Mihchetu maak aweyuu chii taapweyimikuu e itweyich, “Mistahii chii ishi maamishkaach ihtuu uu naapeu. Pechi itishahwaate maak Chishemanituu aniyuuh Christ, uste aa kata ishi maamishkaach ihtuutamiyuuh taan e ishi ihtuutamiyich uyuu naapeu.”

Hebrews 10:37

Wesh itashteu Chishemanituu utayimuwinihch, Maahchishtai weipishchiish, ekw an chipaa takushinuu che takushihk, namui maak pwaastuu chika uhchi takushinuu.