Matthew 11:29 - Chishemanituu Utayimuwin: Kaa Uskaach Testament

²⁹ Pushchishkamutiisukw nimiiskwaapan, pechi chischinuwaapamukw maak, wesh nitayuuspaatisiin niya kaye nitipihteyimun nitehiihch. Kaye maak chika chii ayiwepuuch chitahchaahkuwaauch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᐳᔥᒋᔥᑲᒧᑏᓱᒄ ᓂᒦᔅᒀᐸᓐ, ᐯᒋ ᒋᔅᒋᓄᐙᐸᒧᒄ ᒫᒃ, ᐌᔥ ᓂᑕᔫᔅᐹᑎᓰᓐ ᓂᔭ ᑲᔦ ᓂᑎᐱᐦᑌᔨᒧᓐ ᓂᑌᐦᐄᐦᒡ᙮ ᑲᔦ ᒫᒃ ᒋᑲ ᒌ ᐊᔨᐌᐴᒡ ᒋᑕᐦᒑᐦᑯᐙᐅᒡ᙮

Matthew 11:29 Iomraidhean Croise

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Matthew 21:5

Wiihtamuwaahkuch anichii iinuuch anite Zionihch kaa uhchiitwaau, kanawaapamaahkw maa chichisheuchimaamuwaau. Chipechi nituwaapamikuwaau e tipihteyimisut uhkaan muyaam kaa apishiishit kaapalakaskweu kaa ishinaakusiyich e tehtapit. Eukw uyuu kaa itwekupane aniyaa peyakw uchischiwehiichesuu.

Matthew 28:20

Kaye che chiskutamuwekuch chechii nanihiihtahkwaau misiwe taan kaa itashumitakuch. Muush maak chika wiicheutinaawaau piihiim ati iskwaapayihche aschii.”

Matthew 7:24

“Misiwe awen kaa nituhtahk nitayimuwiniyuu kaa ati ihtuutahk maak aniyuu kaa itweuch, mwehch naapeu kaa kachehtaaweyihtahk anite e paahpaachipiskaayich kaa wiikaapuuhtaat waaskaahiikaniyuu iteyihtaakusuu.”

Luke 8:35

Chii takushinuuch maak iinuuch e chii pechi nituu waapahtahkwaau taan kaa ispayiyich. Iskutak wetihtaatwaau Jesus chii waapameuch aniyuu naapeu kaa piihchishkaakuyich machiahchaahkwa e apiyich peshuch anit Jesus usitiihch. Chii waaspisukupane eyuu maak chii chiyaameyihtaakusuu. Chii kushtaatuuch maak wiyaapamaatwaau uyuu naapeu.

John 13:15

Chichii waapahtiitinaawaau taan chechii ishi chischinuwaapamiyekw an taan kaa ihtuutaatakuch.

John 13:17

Nisituhtamekwe maak uyuu chekwaayuu kaye maak ihtuutamekwe chika shaweyimikunaawaau.”

ᐊᐸᔅᑕᓚᒡ 7:37

Eukw uu Moses kaa itaakupane aniyuu iinuu anite Israel kaa uhchiyich, Chishemanituu chika itishahamaakuwaau aweyuu che uchischiwehiichesuyich muyaam niya kaa ishi pechi itishahuut, utah maak e uhchiyekw chika uhchiyuuh.

1 Corinthians 9:21

Ekw maak iskutak e ihtaayaan anite anichii ekaa Jewa kaa itiskaanesitwaau e ihtaatwaau, muyaam ekaa Jewa itiskaanesiyaan nititahiisun e wii ihtuutuukwaau kaye wiyawaau chechii taapweyimaatwaau Christ. Chischeyihtam Chishemanituu e nanihiihtamaan wiishuwewin, aniyuu wiishuwewiniyuu Christ kaa pechi miit eukun an nenahiihtamaan.

2 Corinthians 10:1

Ihtakun che ishi pukuseyimitakuch. Uu maak che aayimuutamaatakuch an e ishpish chishewaatisiit kaye e ishpish chiyaamisiit Jesus Christ niwii iteyihtaakusin an e ishi ayimihiitakuch. Ihtaauch awenichii e itwetwaau naashch ekaa saapihtaakusuuch anit e ihtaawekw e ihtaauch. Mikw anite aahchiiuh e ihtaauch e uhchi suuhcheyihtaakuhiisuch itweuch.

2 Corinthians 10:5

Kwaast nitihtinaan chechii niihchiwepahamaahch taan e ishi wiyeshimuweu kachehtawehtaakuhiisutwaau anichii ekaa muyaam kaa ishi aayimuumaatwaau Chishemanituu kaye kaa nakaahuwetwaau chechii chischeyimaakanuyich Chishemanituuh. Niwii ihtuutawaanaanich chechii pachishteyimitisuustamuwaatwaau Christ umituneyihchikanawaauh chechii uhchi nanihiihtuwaatwaau.

Philippians 2:5

Taan kaa ishi maamituneyihtahk Christ ekun kaye chiyaanuu chipaa ishi maamituneyihtenaanuu.

1 Thessalonians 4:2

Wesh chichischeyihtenaawaau taan kaa itashumitaahch che ishi pimaatisiyekw, Utipeyihchikeu Jesus Christ e chii wiihtamaakuyaahch taan che ititaahch.

2 Thessalonians 1:8

Ishkuteyuu e chisihkuyepayiyich chika aapachihtaau waweshihaate aniyuu ekaa kaa chischeyimaayich Chishemanituu kaye aniyuuh ekaa kaa nanihiihtamiyich miywaachimuwiniyuu anit yaayimuumaakanuyich Utipeyihchikeu Jesus.

Hebrews 5:9

Aniyuu maak tekash e chii nanihiihtahk Jesus chechii nanehkaachihaakanuut ekut kaa uhchi miyaakanuut kaachiche chechii pimaachihaat misiwe aniyuuh kaa nanihiihtaakut.

1 John 2:6

An awen kaa itwet e wiichewaat Chishemanituuh mwehch Jesus Christ taan kaa ishi pimuhteyich chipaa ishi pimuhteu.