Matthew 11:22 - Chishemanituu Utayimuwin: Kaa Uskaach Testament

²² Chiwiihtamaatinaawaau iskutak utihchipayihche wiyaaskunicheu chiishikaau, Chishemanituu chika waweshiheu aniyuu Tyre kaye Sidon kaa chii ihtaayich. Chiyawaau maak etituu chika waweshihiikunaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒋᐐᐦᑕᒫᑎᓈᐙᐤ ᐃᔅᑯᑕᒃ ᐅᑎᐦᒋᐸᔨᐦᒉ ᐎᔮᔅᑯᓂᒉᐤ ᒌᔑᑳᐤ, ᒋᔐᒪᓂᑑ ᒋᑲ ᐗᐌᔑᐦᐁᐤ ᐊᓂᔫ ᑖᐃᕋ ᑲᔦ ᓵᐃᑕᓐ ᑳ ᒌ ᐃᐦᑖᔨᒡ᙮ ᒋᔭᐙᐤ ᒫᒃ ᐁᑎᑑ ᒋᑲ ᐗᐌᔑᐦᐄᑯᓈᐙᐤ᙮

Matthew 11:22 Iomraidhean Croise

Matthew 10:15

Chiwiihtamaatinaawaau, iskutak wiyaaskunicheu chiishikaache Chishemanituu uste chika chistimaacheyimeu aniyuu kaa machaatisiyich anit kaa ihtaayich Sodom ekw maak Gomorrah ishpishaat aniyuuh aweyuuh ekaa kaa naheyimitaakw.”

Matthew 11:21

“Chiyawaau kaa ihtaayekw anit ihtaawinihch Chorazin kaa ishinihkaatech nuwach chika machipayinaawaau, kaye chiyawaau Bethsaida kaa ihtaayekw eukun mwehch che ishi machipayekw kaye chiyawaau. Wesh aniyuu maamishkaach chekwaayuu kaa ishi ihtuutamaakuyekw chii ihtuutaakanuwaakupanenh anite weshkach Tyre kaye Sidon kaa ishinihkaatekwaauh ihtaawinh shaash weshkach chipaa kweskaatisiyuuch wiyawaau anichii iinuuch. Ekw maak e wii nuukuhtaatwaau e ishpish mihchiiwesitwaau umachihtwaawinawaauh chipaa piskweyekapuuch e kaawekaniyikwaau machunisha, anite maak ishkwaaschisehch chipaa apuuch.

Matthew 11:24

Chiwiihtamaatinaawaau maak iskutak utihchipayihche e wiyaaskunicheu chiishikaach, chiyawaau uste aakwaayaach chika ishi wiyaaskunikunaawaau ishpishaat anichii iinuuch Sodom kaa ihtaatwaau aat aniyuu e chii ishpish machaatisiitwaau.”

Matthew 12:36

“Chiwiihtamaatinaawaau, cheshtinaash misiwe taan kaa ishi ayimit awen ekaa aapataniyich chika wiihtamuwaakanuu wiyaaskunicheu chiishikaayiche.

Luke 10:14

Iskutak utihchipayihche wiyaaskunicheu chiishikaau, Chishemanituu chika waweshiheu aniyuu Tyrehch kaye Sidonihch kaa chii ihtaayich. Etituu maak chiyawaau chika waweshihiikunaawaau.

Hebrews 2:3

Chiyaanuu maak chiishpin ekaa aapateyihtamuhkwe an pimaachihiiwewin waa ishi miiwet Chishemanituu chiyaanuu kaye chika waweshihiikunaanuu. Taapaa chika chii usimunaanuu iskutak wii waweshihiikuyihkwe. Wiya niishtam Utipeyihchikeu Jesus chichii wiihtamaakunuu taanite chechii uhchi pimaachihuyihkw, namui mikw enchilich chuuhchi wiihtamaakunuuch. Naanaache maak kutakach awenichii chichii waapahtiikunuuch e taapwemakaniyich aniyuu miywaachimuwiniyuu, wesh wiyawaau wechiihch chii pehtaweuch taan kaa itweyich Jesus.

2 Peter 2:9

Cheshtinaash kaschihtaau Chishemanituu chechii wiihkuchihaat ukuiskutaatisiiu taan e ishi nachishkamiyich kaye maak nanaakataweyihtamihiikuu wesh Chishemanituu taan e ishi machaatisiinaanuyich e chischeyihtahk peyakwaau e chiishikaayich misiwe aweyuu che wiyaaskunaat.

2 Peter 3:7

Uyuuh maak chiishikw kaye an nete etituu ishi ispimihch, ekw maak uu aschii anuhchiish kaa waapahtamukw, yaapach Chishemanituu utayimuwin uhchi kanuweyihtaakanuu che ishpish utihchipayihch anit che wanaachihtaakanuuhkwaau. Kanuweyihtaakanuu an e chiishikaach anichii ekaa kaa aapateyimaatwaau Chishemanituu upimaatisiiwiniwaahch che wiyaaskunaakanuutwaau kaye che wanaachihaakanuutwaau ishkutehch.

1 John 4:17

Ekw maak saachihiiweyihkwe taan e ishi nituweyimitahkw Chishemanituu chechii ishi saachihiiweuhkw chika chiyaameyihtenaanuu chitehiinaahch wiyaaskunitahkwe Christ. Taapwe ekun che ishinaakuhch wesh mwehch e iteyihtaakusit Christ ekun e iteyihtaakusiihkw utah aschiihch.

Revelation 20:11

Ekw kaa waapahtamaan e mishaach chisheuchimaau tehtapuwin. Chii waapaau an tehtapuwin. Nichii waapamaau maak an awen kaa apit anit. Misiwe chiishikw ekw maak aschiiyuu chii ati paasikunaakuniyuuh uhchishkuu e ihtaat. Namui maak miin uhchi ihtakuniyuuh.

Revelation 20:12

Nichii waapamaauch maak misiwe anichii awenichii kaa nipuwaakupanenich. Misiwe kaa chisteyihtaakusitwaau kaye anichii ekaa kaa chisteyihtaakusitwaau nichii waapamaauch. Chii uhchishkuukaapushtamuch aniyuu chisheuchimaau tehtapuwiniyuu. Chii ihtakun maak masinahiikanh e aapahiikanuuhkwaauh. Miin maak kutach masinahiikan chii aapahiikanuu. Uu maak masinahiikan ekut mesinaasutwaau anichii awenichii che ayaatwaau kaachiche pimaatisiiwiniyuu. Anichii maak kaa nipitwaau chii wiyaaskunaakanuuch mikw taan kaa ihtiwaakupanenich. Misiwe taan kaa ihtitwaau chii masinaateyuu anit aniyuuh masinahiikanh.