Matthew 11:17 - Chishemanituu Utayimuwin: Kaa Uskaach Testament

¹⁷ E tepwaatitutwaau, e itwetwaau, ‘Nichii wii ishi metuwenaan e niipuunaanuuhch, e chistuhcheyaahch e ihtiyaahch, namui maak kuuhchi niiminaawaau, kaye nichii nikamunaan e chistimaastaakuhkwaau nikamuwinh namui maak kuuhchi maatuunaawaau.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᐁ ᑌᑆᑎᑐᑣᐤ, ᐁ ᐃᑗᑣᐤ, ᓂᒌ ᐐ ᐃᔑ ᒣᑐᐌᓈᓐ ᐁ ᓃᐴᓈᓅᐦᒡ, ᐁ ᒋᔅᑐᐦᒉᔮᐦᒡ ᐁ ᐃᐦᑎᔮᐦᒡ, ᓇᒧᐃ ᒫᒃ ᑰᐦᒋ ᓃᒥᓈᐙᐤ, ᑲᔦ ᓂᒌ ᓂᑲᒧᓈᓐ ᐁ ᒋᔅᑎᒫᔅᑖᑯᐦᒀᐤ ᓂᑲᒧᐎᓐᐦ ᓇᒧᐃ ᒫᒃ ᑰᐦᒋ ᒫᑑᓈᐙᐤ᙮

Matthew 11:17 Iomraidhean Croise

Matthew 11:16

“Nika aayimuumaauch iinuuch anuhchiish mekwaach kaa pimaatisiitwaau taan e iteyihtaakusitwaau. Muyaam awaashach ekaa chii nanihiiwehiitutwaau taan e ishi metuwetwaau ekun e ihtitwaau.

Matthew 11:18

Iskutak maak John kaa takushihk namui meshikum uhchi utinam miichimiyuu, namui kaye uhchi minihkweu shuuminaapuuyuu, ekw maak kaa itaakanuut machiahchaahkwa e piihchishkaakut.

Matthew 9:15

Jesus maak chii iteu, “Muyaam e niipuunaanuuhch, namui macheyihtamuch anichii kaa wiishaamaakanuutwaau mekwaach anit e ihtaayich aniyuu uschinaapewaan. Ekun maak e ishinaakuhch utah mekwaach e ihtaayaan anichii chischinuhamuwaakanich e ihtaatwaau mikw maak iskutak utihchipayihche che pechi utinikuyaan anit e ihtaatwaau uhchi ekw maak yaakw che ihtitwaau meshikum ekaa miichisutwaau anichii chischinuhamuwaakanich.”

Matthew 9:23

Iskutak Jesus kaa piihchewaat aniyuu naapeu kaa uchimaawiyich wiichiyuu, chii waapameu aniyuu kaa chii puutaacheyitwaauh e chiskahaakanuyich aweyuu e chii puunipimaatisiyich kaye aniyuuh aweyuu kaa nanehkaatweutamiyich.

Luke 15:25

“An maak ustesimaau anite nihtaauchihchikan aschiihch mekwaach chii ihtaau. Iskutak kaa peshuwaapahtahk wiichiwaau chii pehtam e matechistuhchikaanuyich kaye e mate niiminaanuyich.

Luke 23:27

Mihchetu maak aweyuu chii nuushuushkaakuu Jesus kaye iskweuh chii maatutaakuu kaye chii muushkuwaatikuu.

Luke 7:32

Maau e iteyihtaakusitwaau. Mwehch awaashach anite e metuwetwaau wiiwiitamihch ekaa maak chii nanihiiwehiitutwaau taan waa ishi metuwetwaau. E tepwaatitutwaau, e itwetwaau, ‘E niipuunaanuuhch nichii wii ishi metuwenaan e chistuhcheyaahch e ihtiyaahch, namui maak kuuhchi niiminaawaau, kaye nichii nikamunaan e chistimaastaakuhkwaau nikamuwinh namui maak kuuhchi maatuunaawaau.’

Luke 8:52

Misiwe awenichii anit kaa ihtaatwaau chii maatuuch e mihtaahtaatwaau aniyuu ishkwesha. Ekw Jesus kaa itikutwaau, “Ekaamaa maatukw. Taapaa wesin nipuu, mikw nipaau.”