Matthew 10:7 - Chishemanituu Utayimuwin: Kaa Uskaach Testament

⁷ Nituu kacheskwekw e wiihtamekw shaash e peshunaakuhch kihchikiishikw chisheuchimaawin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᓂᑑ ᑲᒉᔅᑴᒄ ᐁ ᐐᐦᑕᒣᒄ ᔖᔥ ᐁ ᐯᔓᓈᑯᐦᒡ ᑭᐦᒋᑮᔑᒄ ᒋᔐᐅᒋᒫᐎᓐ᙮

Matthew 10:7 Iomraidhean Croise

Matthew 10:8

Miinuwaachihaahkuch kaa aahkusitwaau, kaye wanishkaanaahkuch anichii kaa nipitwaau, miinuwaachihaahkuch chechii payehchisiitwaau anichii kaa maayaataniyich umichiiwiniyuu kaa ayaatwaau kaye wiiwiitishihwaahkuch machahchaahkuch. Sehchei chichii miikunaawaau uu suuhkaatisiiwin, namui maak chipaa uhchi chiishiihkaakunaawaau uu e ihtuutamekw.

Matthew 11:1

Iskutak maak kaa chiishi wiishumaat Jesus aniyuu uchischinuhamuwaakanh, ekw kaa chistuhtet, kaa nituu chiskutamaachet kaye kaa kacheskwet anite aniyuuh kutak ihtaawinh anit peshuch kaa ihtakuniyikwaauh.

Matthew 21:31

Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

Matthew 21:43

Ekw Jesus kaa ati itaat, “Uu maak chii wii ishi wiihtamaatinaawaau, Chishemanituu uchisheuchimaawin kata iichenikanuu anit chiyawaau e ihtaayekw, ekw che aashuumiyaakanuutwaau anichii taapwe che nuukuhtaawaatwaau upimaatiisiwiniwaahch Chishemanituuh uchisheuchimaawiniyuu.

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Mark 6:12

Ekw maak kaa chistuhtetwaau anichii chischinuhamuwaakanich kaa nituu kacheschimaatwaau aweyuu chechii kweskaatisiyich.

Luke 16:16

“Eshkw ekaa uhchi takushihk John siikahaahtaacheu mikw aniyuu Moses kaa masinahahk Chishemanituu uwiishuwewiniyuu kaye aniyuu taan kaa ishi wiihtamaatahkwaau aniyehkaa uchischiwehiichesuuch eukun aniyuuh mikw kaa aapatahkwaau e chiskutamaachaanuuhch. Ekw maak kaa ishpish ihtaat John ekw miywaachimuwin kaa waawiihtaakanuuhch Chishemanituu uchisheuchimaawin e aayimuutaakanuyich. Suuhk maak mihchetu awen aayihkam wii piihcheu Chishemanituu uchisheuchimaawiniihch.

Luke 9:2

Ekw kaa chihchitishahwaat chechii nituu kakacheskweyich Chishemanituu uchisheuchimaawiniyuu e waawiihtamiyich eyuu chechii miinuwaachihaayich aweyuuh kaa aahkusiyich.

Luke 9:6

Ekw anichii chischinuhamuwaakanich kaa chistuhtetwaau anite nanaahkuu ihtaawinihch kaa ituhtetwaau e waawiihtahkwaau miywaachimuwiniyuu kaye e miinuwaachihaatwaau kaa aahkusiyich.

Luke 9:60

Ekw Jesus kaa itikut, “Anichii mwehch kaa nipitwaau kaa iteyihtaakusitwaau iinuuch ekush kata nahiihkuweuch aniyuu utiiniimuwaau kaa nipiyich. Chiya maak, maachiih che papaamaachimuut Chishemanituu chisheuchimaawin.”

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

ᐊᐸᔅᑕᓚᒡ 10:25

Iskutak maak Peter e ati piihchewaat Cornelius uwaaskaahiikanimiyuu chii pechi nituwaapamikuu, e niipiskuupayihuyich uhchishkuu e ihtaat e nuuchiishtaakut.

ᐊᐸᔅᑕᓚᒡ 28:31

Chii aayimuutamuweu maak Chishemanituu uchisheuchimaawiniyuu, kaye chii chiskutamaacheu Utipeyihchikeu Jesus Christ e aayimuumaat. Chii suuhchiteheu maak mitun kaye namui uhchi chistahamuwaakanuu uyuu e ihtit.

ᐊᐸᔅᑕᓚᒡ 4:2

Namui uhchi naheyihtamiyuu e chiskutamuwaatwaau aniyuu iinuu e itaatwaau kaau e chii wanishkaayich Jesus nipuwinihch uhchi kaye e itaatwaau che wanishkaayich aweyuu aat e chii nipiyich.