Matthew 10:5 - Chishemanituu Utayimuwin: Kaa Uskaach Testament

⁵ Ekw uchii niishushaap kaa chihchitishahukutwaau Jesus e itikutwaau, “Ekaawii ituhtekw anite iinuuch ekaa Jewa iinuuch kaa itiskaanesitwaau e ihtaatwaau kaye ekaawii ituhtekw anite ihtaawinh Samaria aschiihch kaa ihtakuhkwaauh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐁᒄ ᐅᒌ ᓃᔓᔖᑉ ᑳ ᒋᐦᒋᑎᔕᐦᐅᑯᑣᐤ ᒌᓴᔅ ᐁ ᐃᑎᑯᑣᐤ, ᐁᑳᐐ ᐃᑐᐦᑌᒄ ᐊᓂᑌ ᐄᓅᒡ ᐁᑳ ᒎᐗ ᐄᓅᒡ ᑳ ᐃᑎᔅᑳᓀᓯᑣᐤ ᐁ ᐃᐦᑖᑣᐤ ᑲᔦ ᐁᑳᐐ ᐃᑐᐦᑌᒄ ᐊᓂᑌ ᐃᐦᑖᐎᓐᐦ ᓴᒣᕆᔮ ᐊᔅᒌᐦᒡ ᑳ ᐃᐦᑕᑯᐦᒀᐤᐦ᙮

Matthew 10:5 Iomraidhean Croise

Matthew 22:3

Chii itishahweu maak aapachihaakan chechii nituwaapamaayich aniyuu aweyuu kaa wiishaamaakanuyich. Ekw namui uhchiwii takushiniyuuh aniyuu kaa wiishaamaakanuwiitwaauh.

Matthew 4:15

Nituhtamukw chiyawaau anite Zebulun kaye Naphtali aschiihch kaa ihtaayekw, kaye chiyawaau yaaiskanuu kaa wiichiyekw nete ishi chihchikamiihch ekw maak chiyawaau kwestehchekaam Jordan siipiihch kaa wiichiyekw. Nituhtamukw kaye chiyawaau Galileehch kaa wiichiyekw, anite waachitwaau ekaa Jewa kaa itiskaanesitwaau iinuuch.

Mark 6:7

Chii wiishaameu aniyuu niishushaap uchischinuhamuwaakanh ekw kaa chihchitishahwaat e naaniishuhteyich. Chii miyeu tipeyihchichewiniyuu kaye suuhkaatisiiwiniyuu chechii tipeyimaayich machiahchaahkwa.

Luke 10:1

Iskutak kaa chiishipayihch an taan kaa ispayihch Utipeyihchikeu chii wiyaapameu niishwaashumitanuu niishu kutak aweyuu che uchischinuhamuwaakanit ekw kaa niikaanitishihwaat e naaniishuhteyitwaau. Chii iteu misiwe ihtaawinihch chechii ituhteyich misiwe taanite che aituhtekupane, kaye misiwe taanite e ati ihtaayitwaauh aweyuuh.

Luke 10:33

Miin kutak naapeu, Samaria aschiihch e uhchiit chii utihteu aniyuu naapeu, ekw naashch kaa chistimaacheyimaat.

Luke 17:16

Iskutak maak tekushihk chii uchihchiihkunapayihuu uhchishkuu Jesus e ihtaayich e nanaaskumaat. Uu maak naapeu Samaria aschiihch chii uhchiyuu.

Luke 9:1

Jesus chii maausikw wiishaameu kaa niishushaapuyich uchischinuhamuwaakanh. Kaa miyaat suuhkaatisiiwiniyuu kaye tipeyihchichewiniyuu chechii wiiwiitishihwaayich machiahchaahkwa kaye chechii miinuwaachihaayich nanaahkuu e itaaspineyitwaauh aweyuu.

Luke 9:2

Ekw kaa chihchitishahwaat chechii nituu kakacheskweyich Chishemanituu uchisheuchimaawiniyuu e waawiihtamiyich eyuu chechii miinuwaachihaayich aweyuuh kaa aahkusiyich.

John 17:18

Niya ekw e itishahukwaau utah aschiihch mwehch chii kaa ishi pechi itishahuyin utah aschiihch.

John 20:21

Miin kaa ayimihaat aniyuu uchischinuhamuwaakanh e itaat, “Chiyaameyihtamukw. Mwehch Nuuhtaawii kaa pechi itishahuut chiyaameyihtamuwinihch ishi kaye niya chititishahutinaawaau chiyaameyihtamuwinihch ishi.”

John 4:20

Aanische chiwaahkumaakanuuch chii takushinuuch e pechi nituu nuuchiishtuwaatwaau Chishemanituu utah wachiihch. Chiyawaau maak Jewa iinuuch muush ekun e itweyekw, mikw anite Jerusalemihch ekute chechii nuuchiishtuwaakanuut Chishemanituu.”

John 4:5

Iskutak maak anite Samaria aschiihch e ihtaat, chii utihtam ihtaawiniyuu Sychar e ishinihkaateyich. Peshuch maak utah uyuu ihtaawiniyuu ekut kaa ihtakuniyich aniyuu nihtaauchihchikan aschiiyuu aniyaa Jacob kaa miyaat ukusisa Joseph.

John 4:9

Naashch maak chii kushkupayuu an iskweu aniyuu kaa itikut Jesus ekw kaa itaat, “Jewa naapeu chiya. Niya maak Samaria iskweu niya. Chekwaan wehchi nituweyihtaman chechii minihiitaan.” Namui mitun uhchi papiskaateuch Jewa iinuuch aniyuu iinuuh anite Samaria aschiihch kaa uhchiyich, eukw uyuu wehchii itwet uyuu an iskweu.

John 7:35

Ekw anichii Jewa kaa niikaanishkuwaatwaau kaa kakwechimitutwaau, “Taanite che ituhtet che uhchi ekaa miskuuhk. Maaskuuch kakweteyihtamiiche anite kutak Jewa e ihtaayitwaauh chechii ituhtet chechii chiskutamuwaat aniyuu Greek kaa itiskaanesiitwaauh.

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

ᐊᐸᔅᑕᓚᒡ 1:8

Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

ᐊᐸᔅᑕᓚᒡ 10:45

Anichii maak Jewa iinuuch kaa taapwehtahkwaau, anichii kaa pechi wiichewaatwaau Peter, chii kushkupayuuch Chishemanituu e miyaayich Kaa payehchisiyich Ahchaahkwa aniyuu iinuuh ekaa Jewa kaa itiskaanesiitwaauh.

ᐊᐸᔅᑕᓚᒡ 8:1

Saul maak chii miyeyihtam e chii nipahaakanuyich Stephen. Aniyuu maak e peyakuniyich e chiishikaayich anichii umaamuuayimihaauch anite Jerusalemihch ekut kaa uhchi chihchi nanehkaachihaakanuutwaau. Eukw uyuu wehchii nakatahkwaau Jerusalemiyuu ekw anite Judeahch ekw anite Samariahch kaa nituu wiichitwaau. Mikw anichii apastalach ekut yaapach kaa ihtaatwaau wiyawaau anit Jerusalemihch.

1 Thessalonians 2:16

Waawaach nichii wii chipihchihiikunaanich e waawiihtamuumichiht aniyuuh ekaa Jewa kaa itiskaanesiyich aniyuu miywaachimuwiniyuu che pimaachihiikuyich. Ekut wehchi tepipayihtaatwaau taan muush kaa ishi pechi wanituutahkwaau. Ekw maak wetihchipayiyich chechii chishuwaahaatwaau kaye chechii waweshihiikutwaau Chishemanituuh.