Matthew 10:33 - Chishemanituu Utayimuwin: Kaa Uskaach Testament

³³ Ekw maak awen e itaat aweyuu ekaa taapweyimit nika itaau kaye niya Nuuhtaawii kihchikiishikuhch kaa ihtaat, namui nichischeyimaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐁᒄ ᒫᒃ ᐊᐌᓐ ᐁ ᐃᑖᑦ ᐊᐌᔫ ᐁᑳ ᑖᐺᔨᒥᑦ ᓂᑲ ᐃᑖᐤ ᑲᔦ ᓂᔭ ᓅᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᑦ, ᓇᒧᐃ ᓂᒋᔅᒉᔨᒫᐤ᙮

Matthew 10:33 Iomraidhean Croise

Mark 14:30

Ekw Jesus kaa itaat, “Chihchiwe chititin, eshkw ekaa mechim niishwaau chistute naape pakahaahkwaan che utaakushich shaash nishtwaau chika itwen ekaa chischeyimiyin.”

Mark 14:72

Sischikuuch maak miin chii uhchi chistuu naapepakahaahkwaan ekw Peter kaa uhchi chischisit kaa itikut Jesus, “Eshkw ekaa mechim niishwaau chistute naape pakahaahkwaan nishtwaau chika itwen ekaa chischeyimiyin.” Ekut anit kaa uhchi mista maatut Peter e chischisit uyuu.

Mark 8:38

An awen che pimaamishiishtuut neshta che pimaamishiishtamukwe aniyuuh nichiskutamaachewinh anuhchiish uyuu mekwaach e ishpish ekaa kuiskw aihtitwaau awenichii kaye e ishpish machaatisiitwaau, kaye wiya Iinuu Ukusisa kata pimaamishiishtaakuu iskutak takushiniyichen Chishemanituu uchishteyihtaakusiiwiniihch payehchi enchilh e pechi wiicheukut.”

Luke 12:9

Ekw maak ihtaate awen e itaat aweyuu ekaa taapweyimit, nika itaayuuh kaye Chishemanituu utenchilam, ‘Namayeu an nitiiniim.’

Luke 22:57

Peter maak chii iteu e nanatayit, “Namui chitaapwen. Namui nichischeyimaau an naapeu.”

Luke 9:26

Awen maak pimaameyimute niya uhchi kaye nitayimuwiniyuu uhchi eukuu che pimaameyimuhaat Iinuu Ukusisa iskutak miin takushiniyichen uchisteyihtaakusuwiniihch. Ekut che chischeyihtahkwaau awenichii e ishpish chisteyihtaakusiyich Iinuu Ukusisa wesh kata waapahtiiweuch Uhtaawiimaau ekw maak kaa payehchisiitwaau enchilich e ishpish chisteyihtaakusiyich.

2 Timothy 2:12

Kanawaach che siipiiwesiistamuwaauhkwe nanehkaateyimuwin, chika wiich tipeyihchikemaanuu. Kaye maak itweyihkwe ekaa chischeyimahkw, kaye wiya chika iteu ekaa chischeyimitahkw.

2 Peter 2:1

Chii pechi ihtaauch maan anite utaahch naspaach uchischiwehiichesuuch. Ekun maak yaapach che ispayihch anite niishtaamihch. Chika ihtaauch nitamukw kaa ishi chiskutamaachetwaau mekwesiinuu anit Chishemanituu utiiniim e ihtaayich. Nitamukw chika ishi chiskutamaacheuch, kaye naashch taapwe chika wanihtahiiwemakaniyuu taan che ishi chiskutamaachetwaau. Waawaach aniyuu kaa nipistamaakutwaau tekash chika aataweyimeuch. Ekut maak anit che uhchi ihtuutaasutwaau sischikuuch chechii wanaatisiitwaau.

1 John 2:23

Wesh awen kaa aatuweyimaat Ukusiisimaau aatuweyimeu kaye Uhtaawimaau. Ekw maak an awen kaa itwet e taapweyimaat Ukusisimaau taapweyimeu kaye Uhtaawiimaauh.