Matthew 10:32 - Chishemanituu Utayimuwin: Kaa Uskaach Testament

³² “Awen wiihtamuwaate kutak aweyuu e taapweyimit, kaye niya nika wiihtamuwaayuuh Nuuhtaawii kihchikiishikuhch kaa ihtaayich e chischeyimak.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐊᐌᓐ ᐐᐦᑕᒧᐙᑌ ᑯᑕᒃ ᐊᐌᔫ ᐁ ᑖᐺᔨᒥᑦ, ᑲᔦ ᓂᔭ ᓂᑲ ᐐᐦᑕᒧᐙᔫᐦ ᓅᐦᑖᐐ ᑭᐦᒋᑮᔑᑯᐦᒡ ᑳ ᐃᐦᑖᔨᒡ ᐁ ᒋᔅᒉᔨᒪᒃ᙮

Matthew 10:32 Iomraidhean Croise

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

John 9:22

Chii kushteuch aniyuu Jewa iinuu uyuu wehchii itwetwaau uchii uniichihiikumaauch. Wesh chii chischeyimeuch aniyuu Jewa iinuuh kaa niikaanishkuwaayitwaauh che wiiwiitishihwaayich anit ayimiheukamikuhch aweyuu che itweyikwen Christ e aawiyich aniyuu Jesus.

2 Timothy 1:8

Ekaawii maak chika uhchi pimaamishiishtamuwaan Chitipeyihchikeminuu umiywaachimuwin chechii aayimuutamut. Kaye maak aat uu mekwaach e chipahukuyaan Christ uhchi ekaawii chika uhchi shaakweyimun e uwiichewaakanitutaataan. Ayeskawiishta teyakuch taan che ishi nanehkaateyimuyin e waawiihtaman miywaachimuwin wesh chika miikw Chishemanituu maskuusiiwiniyuu.

1 John 4:15

An awen mushe kaa wiihtahk e taapwehtahk Jesus eukun aniyuuh Chishemanituuh Ukusiyuuh, Chishemanituuh wiicheukuu an awen. Kaye wiya maak wiicheweu Chishemanituu.

Revelation 2:13

Nichischeyihten anit waachiyekw, machimanituu e uchimaaut anit. Aat maak anit e wiichiyekw yaapach namui chipuuniinaawaau e taapweyimiyekw. Namui kuuhchi chiiwekaapuushtunaawaau aat anit mekwaach kaa nipahaakanuut aniyaa kaa nuushuushkuut Anitipas, an kuiskw kaa chii ishi tipaachimit. Anit waachiyekw ekut kaa nipahaakanuut, anite machimanituu waachit.

Revelation 3:5

Chika waapaaspisuuch anichii che shaakuuchihtaawaakwenich taan che ishi kakwechihiikutwaau machi chekwaayuu. Namui nika uhchi kaasiisinahamuwaan utishinihkaasuwinawaauh anite masinahiikanihch taanit mesinaasuyich aweyuuh che ayaayich kaachiche pimaatisiiwiniyuu. Nika wiihtamuwaan anite Nuuhtaawii kaye enchil e ihtaayich niya e ihtaauch e ishi tipeyihtaakusitwaau.”