Matthew 10:3 - Chishemanituu Utayimuwin: Kaa Uskaach Testament

³ Philip, ekw maak Bartholomew, Thomas, ekw maak Matthew, an kaa chii maamuushtinahk Chisheuchimaau shuuliyaayuu, ekw maak James, Alphaeus ukusisa, ekw maak Thaddaeus,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᕕᓕᑉ, ᐁᒄ ᒫᒃ ᐸᕐᑣᓚᒥᔫ, ᑣᒪᔅ, ᐁᒄ ᒫᒃ ᒫᑎᔫ, ᐊᓐ ᑳ ᒌ ᒫᒨᔥᑎᓇᐦᒃ ᒋᔐᐅᒋᒫᐤ ᔔᓕᔮᔫ, ᐁᒄ ᒫᒃ ᒉᒥᔅ, ᐊᓪᕕᔭᔅ ᐅᑯᓯᓴ, ᐁᒄ ᒫᒃ ᑕᑌᔭᔅ,

Matthew 10:3 Iomraidhean Croise

Matthew 18:17

Ekaa maak pishichistahke kaye aniyuu kutak aweyuu ekaa pishichihaate, ekw che wiihtamuumat umaamuuayimihaauh taan kaa ishi machituutaask, ekaa maak pishichihaate kaye aniyuuh umaamuuayimihaauh ekaawii chika uhchi aapateyimaakanuu mwehch awen ekaa kaa chischeyimaat Chishemanituu ekun che ishi kanawaapamaakanuut maak awen ekaa kaa wii kweskaatisiit ekun che ishi kanawaapamaakanuut.”

Matthew 27:56

Ekut kaa ihtaatwaau Mary Magdalene ekw maak Mary, James ekw maak Joseph ukaawiiwaau, ekw maak Zebedee ukusisa ukaawiiwaauh.

Matthew 9:9

Ekw Jesus kaa chistuhtet anit uhchi, mekwaach maak e ati pimuhtet, chii waapameu naapeu e apiyich masinahiicheukamikuhch Matthew e ishinihkaasuyich, Chisheuchimaau shuuliyaayuu kaa maamuushtinamiyich e chii itaapatisiyich. Ekw Jesus kaa itaat, “Pechi papaawiicheu.” Ekw Matthew kaa pisikuut, kaa ati wiichewaat Jesus.

Mark 15:40

Chii ihtaauch kaye iskweuch nete waahiyuushiish e uhchi kanawaapitwaau. Eukw uchii Mary Magdalene, kaye Mary, James kaa awaashiyuut ekw maak Joses ukaawaauh, ekw maak Salome.

Mark 2:14

Aniyuu maak e ati pimuhtet chii utihteu naapeu chisheuchimaau shuuliyaayuu kaa maamuushtinamiyich e itaapatisiyich. Levi chii ishinihkaasuyuuh. Alphaeus chii ishinihkaasuyuuh uhtaawiyuuh. Mekwaach anite umasinahiicheukamikuhch chii apuu uu Levi. Ekw kaa itaat Jesus, “Pechi papaawiicheuh.” Chii pishikuu maak Levi kaa ati wiichewaat Jesus.

Mark 3:18

Ekw miin uyuuh kaa wiyaapamaat, Andrew, Philip, Bartholomew, Matthew, Thomas, ekw maak James. Uu maak James, Alphaeus chii ishinihkaasuyuuh uhtaawii. Thaddaeus chii ishinihkaasuu miin kaa wiyaapamaakanuut, ekw miin kutak Simon kaa ayimihewaatisiit kaa ishinihkaataakanuut,

Luke 18:10

“Peyakwaau niishu naapeuch chii piihcheuch chisheayimiheukamikuhch chechii nituu ayimihaatwaau. Pharisee an peyakw. Ekw an kutak kaa maamuushtinahk chisheuchimaau shuuliyaayuu chii itaapatisuu. Uchii uyuu kaa itaapatisitwaau eukunich maauch kaa machaatisiitwaau chii iteyimikuuch aweyuu.

Luke 18:11

Ekw an Pharisee chii peyakukaapuu e ishi ayimihaat, ‘Chishemanituu, chinanaaskumitin ekaa ishinaakusiyaan kutakach e ishinaakusitwaau awenichii kaye ekaa mistamaauchihtamaasuyaan shuuliyaau kaye ekaa nitamukw ihtuutuukwaau awenichii kaye ekaa pisikwaatisiyaan. Chinanaaskumitin ekaa ishinaakusiyaan taan e ishinaakusit anaah kaa maamuushtinahk chisheuchimaau shuuliyaayuu kaa itaapatisit.

Luke 18:13

Ekw maak an naapeu kaa maamuushtinahk chisheuchimaau shuuliyaayuu kaa itaapatisit, iskutak e ayimihaat waahyuusiis anit chii uhchikaapuu taanit kaa niipuyich aniyuu Pharisee namui kaye mechim uhchi tastasaapuu kihchikiishikuhch wesh chii kushikuteheu. Chii itweu, ‘Chishemanituu pechi chistimaacheyim e machituutamaan. Ekw Jesus miin kaa ati itwet iskutak kaa chiishi tipaachimut.’

Luke 19:2

Chii ihtaau maak naapeu anit ihtaawinihch, Zacchaeus e ishinihkaasut. Chii niikaanishkaweu kaa maamuushtinamiyich chisheuchimaau shuuliyaayuu kaa itaapatisitwaau. Naashch maak chii miisitisiyuu uu naapeu.

Luke 5:27

Iskutak maak kaa chiishipayihch uu chii wiiwiyuu Jesus aniyuu waaskaahiikaniyuu ekw kaa chistuhtet. Chii waapameu maak naapeu e apiyich umasinahiicheukamikuwiihch, Levi e ishinihkaasuyich, kaa maamuushtinahk chisheuchimaau shuuliyaayuu e itaapatisiyich. Ekw Jesus kaa itaat, “Pechi papaawiicheu.”

John 1:48

Nathanael maak chii iteu, “Taanite kaa uhchi chischeyimiyin.” Ekw Jesus kaa ishi nishkuushihaat, “Chichii waapamitin e apiyin shiipaa misishuuminaahtikuhch eshkw ekaa uhchi nituwaapamisk Philip.”

John 11:16

Thomas, peyakw an kaa niishitwaau wiichishaanh kaa ishinihkaataakanuut, chii iteu aniyuu wiich chischinuhamuwaakanh, “Misiwe ekush e tashiihkw wiichewaataau Jesus kaye chiyaanuu chechii nipahiikuyihkw nipahaakanuute.”

John 14:22

Judas, namui wii an Iscariot kaa ishinihkaasut, chii iteu, “Utipeyihchikeu, chekwaan wehchi wii ihtuutuuyaahch niyaan chechii miyu chischeyimitaahch, ekaa maak wii ihtuutuutwaau kutakach awenich chechii miyu chischeyimiskwaau.”

John 14:5

Thomas maak chii iteu, “Utipeyihchikeu, namui nichischeyihtenaan taanite che ituhteyin, taanite chechii uhchi chischeyihtamaahch taanite chechii uhchi ituhteyaahch anite.”

John 14:9

Jesus chii nishkweushiheu e itaat, “Philip, shaash weskach kaa ihtaayaan utah e ihtaayekw yaapach maak namui chichischeyimin. An awen kaa waapamit shaash waapameu Uhtaawiimaau. Chekwaan maak wehchi kakwechimiin chechii waapahtiitaan Uhtaawiimaau.

John 21:2

Maamuu chii ihtaauch uchii misiwe, Simon Peter, Thomas, an Kaa niishitwaau kaa ishinihkaataakanuut, Nathanael, an Cana kaa uhchiit anite Galilee aschiihch kaa ihtakuniyich, kaye aniyuu niishu Zebedee ukusisa ekw maak niishu kutakach chischinuhamuwaakanich.

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.

ᐊᐸᔅᑕᓚᒡ 12:17

Chii waashtenamuweu aniyuuh iinuuh chechii puuniyich e ayimiyich. Ekw kaa wiihtamuwaat taanite kaa uhchi wiihkuchihiikut Utipeyihchikeu anite chipahutuukamikuhch uhchi. Ekw kaa itaat, “Wiihtamuwaahkuch James ekw maak anichii kutakach chiichishaanuuch taan kaa ispayaan,” chii iteu. Ekw kaa wiiwiit, aahchiiuh kaa nituu ituhtet.

ᐊᐸᔅᑕᓚᒡ 15:13

Iskutak maak kaa chiishi tipaachimuyich, ekw James kaa pisikuut e itwet, “Nituhtamukw maa, niichishaanitikw,

ᐊᐸᔅᑕᓚᒡ 21:18

Miin maak wiyaapahch nichii nituwaapamaanaan James misiwe anit e tashiyaahch. Paul kaye nichii wiicheukunaan. Misiwe anichii kaa niikaanishkuwaatwaau aniyuu kaa taapwehtamiyich anit Jerusalemihch kaa ihtaayich chii ihtaauch anit James e ihtaayich.

Galatians 1:19

Namui mikw nuuhchi waapamaayuuh aniyuuh kutak utapastalamh Jesus. Mikw James chitipeyihchikeminuu wiichishaan eukun an kaa waapamak.

Galatians 2:9

James, Peter ekw maak John, anichii kaa niikaanihaakanuutwaau kaye maauch kaa chisteyimaakanuutwaau chii chischeyihtamuch Chishemanituu e chii miiyich uyuu chechii itaapatisuuch. Ekw maak Barnabas e niishiyaahch kaa utinischeniyamihtwaau uchii e nishtitwaau. E nuukuhtaayaahch peyakunihch e ishikaapuuyaahch. Maau maak kaa ishi niskumuyaahch. Barnabas e niishiyaahch anichii ekaa Jewa kaa itiskaanesitwaau che waawiihtamuwachihtwaau miywaachimuwiniyuu ekw maak wiyawaau aniyuuh Jewa kaa itiskaanesiyich che waawiihtamuwaatwaau.

James 1:1

James niya, Chishemanituu ekw maak Utipeyihchikeu Jesus Christ utaapachihaakanuwaauh. Misiwe niwaachiyemaayuuh Chishemanituu utiiniim pahpiiwe kaa ihtaayich misiwe e ispichiskamikaayich uyuu aschiiyuu.

Jude 1:1

Jude niya, James wiichiinuu. Jesus Christ nitatushkuwaau. Nimasinahamuwaauch anichii kaa tepwaatikutwaau kaye naashch kaa saachihiikutwaau Chishemanituu Uhtaawiimaauh. Miyu kanuweyimikuuch Jesus Christ uchii.