Matthew 10:22 - Chishemanituu Utayimuwin: Kaa Uskaach Testament

²² Misiwe awenichii chika uhkaatikuwaauch e nuushuushkuwiyekw. An maak awen ekaa che nuuhtipuuniyikwe e pechi nuushuushkuut eukw an che pimaachihaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒥᓯᐌ ᐊᐌᓂᒌ ᒋᑲ ᐅᐦᑳᑎᑯᐙᐅᒡ ᐁ ᓅᔔᔥᑯᐎᔦᒄ᙮ ᐊᓐ ᒫᒃ ᐊᐌᓐ ᐁᑳ ᒉ ᓅᐦᑎᐴᓂᔨᑴ ᐁ ᐯᒋ ᓅᔔᔥᑰᑦ ᐁᐅᒄ ᐊᓐ ᒉ ᐱᒫᒋᐦᐋᑲᓅᑦ᙮

Matthew 10:22 Iomraidhean Croise

Matthew 10:39

An awen kaa wii kanuweyihtahk upimaatisiiwin mikw wiya e wii naniheyihtamihiisut kata wanihtaau ekw maak an awen kaa wanihtaat upimaatisiiwin niya uhchi kata miskam.”

Matthew 24:13

Mikw maak an awen che yaaichikaapuukwe che ishpish pimaatisiikwe eukuu che pimaachihaakanuut.

Matthew 24:9

“Ekw maak che maakunikuyekw kaye chika nanehkaachihiikunaawaau. Waawaach chika nipahiikunaawaau. Misiwe e itiskaanesitwaau awenichii chika uhkaatikuwaauch e nuushuushkuyekw.

Matthew 5:11

“Chishaweyihtaakusinaawaau e maayeyimikuyekw, maak e nanehkaachihiikuyekw kaye e nanatayaachimikuyekw niya uhchi e pechi nuushuushkuuyekw.

Mark 13:13

Misiwe awen chika uhkaatikuwaau e nuushuushkuwiyekw. Mikw maak an awen che yaaichikaapuukwe che ishpish pimaatisiikwe eukuu che pimaachihaakanuut.”

Luke 21:17

Misiwe awen chika uhkaatikuwaau e nuushuushkuwiyekw.

Luke 21:19

Chika ayaanaawaau chihchiwe pimaatisiiwin ekaa nuuhtipuuniyekwe e nuushuushkuwiyekw.”

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

Luke 8:15

An maak shuumin kaa miyu nihtaauchit e miyuskamikaayich aschiihch mwehch eukw e ishinaakusitwaau anichii awenichii kaa nituhtahkwaau Chishemanituu utayimuwiniyuu. Nanihiihtamuch, kaye kanuweyihtamuch. Kanawaach taapwehtamuch e siipiiwesiitwaau ekw maak chek e miyu miinishuutwaau upimaatisiiwiniwaahch.”

John 17:14

Nichii wiihtamuwaauch taan kaa ishi miyin chechii wiihtamuukwaau. Chii uhkaatikuch maak aweyuu utah aschiihch kaa ihtaayich wesh taapaa utah aschiihch ishi tipeyihtaakusuuch mwehch niya e ishi ekaa tipeyihtaakusiyaan utah aschiihch.

John 7:7

Taapaa ihtakuniyuu chekwaayuu chechii uhchi uhkaatitaakuch awenich utah aschiihch kaa ihtaatwaau ekaa kaa taapweyimaatwaau Chishemanituu, mikw maak nuuhkaatikuch niya wesh niwiihten taan e ishpish machaatisiinaanuuhch.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

Romans 2:7

Aniyuuh aweyuuh muush kaa miyutuutamiyich e pukuseyimuyich chechii miyu kanawaapamikuyich Chishemanituu kaye chechii miywaachimikuyich kaye chechii miikuyich kaachiche chechii pimaatisiyich, kata miyeu kaachiche chechii pimaatisiyich.

2 Corinthians 4:11

Nipimaatisiinaan kiipaa anuhchiish mikw maak muush kushpanaateyihtaakun chechii wanihtaayaahch nipimaatisiiwinaanh e taapweyimachiht Jesus. Ekw maak chechii nisituunaakuniyich Jesus upimaatisiiwin utah uyuuh niyuunaahch che nipiimakaniyikwaauh.

Galatians 6:9

Ekaawii chika uhchi saskachiinaanuu e miyutuutamuhkw. Wesh kata utihchipayuu taanite che miikuyihkw chitipahamaakusiiwinuu ekaa puuniikwe e miyutuutamuhkw.

Hebrews 3:14

Chipaa suuhchikaapuunaanuu chitaapwehtamuwinaahch che ishpish pimaatisiiwaauhkwe, mwehch taan kaa ishpish suuhchikaapuuyihkw uskach kaa taapweyimahkw. Uu maak ihtiihkwe Christ misiwe taan e ishi ayaat chika miikunuu kaye chiyaanuu chechii ayaauhk taan e ishi ayaat.

Hebrews 6:11

Chipukuseyimitinaan misiwe kanawaach chechii miyutuutamekw piihiim ati iskwaayaakwaawenh chipimaatisiiwinuwaauh. Ekw maak che cheshtinaahuyekw taapwe che miitaakw Chishemanituu misiwe taa waa ishi miitaakw.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

1 John 3:13

Eukw maak uu uhchi, niichishaanitikw, ekaawii chika uhchi miskaateyihtenaawaau e uhkaatitaakuch anichii awenichii ekaa kaa taapweyimaatwaau Jesus.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”

Revelation 2:17

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich taan che ishi kakwechihiikutwaau machi chekwaayuu nika ashamaauch aniyuu kihchikiishikw aaihkunaauh kaa kaayaakanuyich. Nika miyaauch asinii e waapaapischisiyich anit mesinaateyich e uskaayich ishinihkaasuwiniyuu. Namui maak awen chischeyihtam uyuu ishinihkaasuwiniyuu mikw an awen che miyaakanuukwe eukun che chischeyihtahk.”

Revelation 2:26

Anichii che shaakuuchihtaawaakwenich taan che ishi kakwechihiikutwaau machi chekwaayuu kaye ekaa wiiskaat che puuniiwaakwenich e ihtuutahkwaau niya e ishi nituweyimakwaau chechii ihtitwaau che ishpish ekaa takushinuuch, nika miyaauch chechii uchimaaututawaatwaau nanaahkuu e itiskaanesiyich aweyuuh.

Revelation 2:3

Muush chichii siipiiwesiinaawaau e nachishkamekw chekwaan. Chichii aayimuhunaawaau kaye e nuushuushkuuyekw. Namui maak kuuhchi nuuhtipuuniinaawaau e taapwehtamekw.

Revelation 2:7

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii awenichii che shaakuuchistaatwaau machaatisiiwiniyuu nika miyaauch chechii miichitwaau miinsa anit uhchi pimaatisiyuu mistikuhch. Eukuu mistikw kaa ihtaat anite Chishemanituu unihtaauchihchikan aschiihch.”

Revelation 3:21

An awen che shaakuuchihtaakwe taan che ishi kakwechihiikut machi chekwaayuu nika miyaau chechii wiitapimit nichisheuchimaau tehtapuwinihch. Mwehch niya e chii shaakuuchihtaayaan misiwe machi chekwaan Nuuhtaawii nichii miikw chechii wiitapamak uchisheuchimaau tehtapuwinihch.”