Matthew 10:2 - Chishemanituu Utayimuwin: Kaa Uskaach Testament

² Maau maak kaa ishinihkaasuyich aniyuu niishushaap Apastalh, Simon, eukuu Peter kaa ishinihkaataakanuut, ekw maak Peter ushiim Andrew, James ekw maak aniyuu wiichishaanh John, eukw uyuu Zebedee ukusisa,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒫᐤ ᒫᒃ ᑳ ᐃᔑᓂᐦᑳᓱᔨᒡ ᐊᓂᔫ ᓃᔓᔖᑉ ᐊᐸᔅᑕᓪᐦ, ᓵᐃᒪᓐ, ᐁᐅᑰ ᐲᑕᕐ ᑳ ᐃᔑᓂᐦᑳᑖᑲᓅᑦ, ᐁᒄ ᒫᒃ ᐲᑕᕐ ᐅᔒᒻ ᐊᓐᑕᕈ, ᒉᒥᔅ ᐁᒄ ᒫᒃ ᐊᓂᔫ ᐐᒋᔖᓐᐦ ᒞᓐ, ᐁᐅᒄ ᐅᔫ ᓭᐱᑏ ᐅᑯᓯᓴ,

Matthew 10:2 Iomraidhean Croise

Matthew 17:1

Kutwaashch chiishikaau maak ishpish ekw Jesus kaa ituhtahaat Peter, James ekw maak John anite e ishpatinaayich wachiyuu mikw wiyawaau chechii ihtaatwaau.

Matthew 20:20

Zebedee maak wiichiskweu chii pechi wiicheweu ukusisa, kaa pechi nituwaapamaatwaau Jesus ekw an iskweu kaa ati uchihchiihkunipayishtuwaat Jesus e wii nituweyihtamuwaat chekwaayuu.

Matthew 26:37

Naashch maak chii misimeyihtam Jesus kaye naashch chii kusikuteheu.

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Matthew 4:21

Miin maak chii ati chistuhteu Jesus, ekw miin kaa waapamaat niishu naapeu e wiichiiniihtuyich, James ekw maak John, Zebedee ukusiyuuh. Anite utuutiihch chii ihtaayuuh kaye aniyuu uhtaawiyuu, e weshtuutuwaatwaau utahiipiiwaau. Jesus kaa wiishaamaat,

Mark 1:29

Tiiwehch maak chii wiiwiyuu aniyuu Jewa ayimiheukamikuyuu ekw anite Simon ekw maak Andrew e ihtaayich kaa ituhtet. James ekw maak John chii wiicheukuu.

Mark 13:3

Mekwaach maak e apit anite Olives wachiihch tipiskuuch anit aniyuu chisheayimiheukamikuyuu kaa ihtakuniyich, chii naatikuu Peter, James, John ekw maak Andrew chechii kakwechimikut mekwaach mikw wiyawaau e ihtaatwaau.

Mark 6:30

Jesus utapwaastalimh miin wiyaapamikut chii wiihtamaakuu misiwe taan kaa aihtiyiyich kaye taan kaa ishi chiskutamaacheyich.

Luke 11:49

Eukw maak wehchi itwet kaa kachehtaaweyihtahk Chishemanituu, ‘Nika itishahamuwaauch anichii iinuuch uchischiwehiichesuuh, kaye apastalh. Mikw maak chika nipaheuch pasch, kaye kutak chika nanehkaachiheuch.’ Eukw maak kaa ispayiyich uyuu kaa itwet Chishemanituu.

Luke 22:14

Iskutak maak wetihchipayiyich che miichisutwaau Jesus ekw maak uchischinuhamuwaakanh ekw kaa waweyapitwaau.

Luke 22:8

Jesus chii chihchitishahweu Peter kaye John e itaat, “Maachiikw nituu ayeskuushtaakw miyaaskaacheu makushaan.”

Luke 5:10

Kaye aniyuu wiichinuutamesuu James ekw maak John, Zebedee ukusisa chii kushkweyihtamuch kaye wiyawaau. Jesus maak chii iteu aniyuu Simon, “Ekaawii sechisi. Wesh muyaam iinuuch e pitahuyaayekw eukun che ihtiyekw ekw.”

Luke 9:10

Iskutak tekushihkwaau anichii chischinuhamuwaakanich kaa chihchitishahwaakanuutwaau ekw kaa wiihtamuwaatwaau Jesus taan kaa ihtitwaau kaa ispihtanihutwaau. Ekw kaa nakataatwaau aniyuu kaa mihchetiyich iinuuh, tipaan kaa ituhtetwaau e wiichewaatwaau Jesus anite Bethsaidahch e ituhteyich.

John 12:22

Philip maak chii nituu wiihtamuweu Andrew ekw taapishkun kaa nituu wiihtamuwaatwaau Jesus e wii waapamikuyich aniyuuh Greek iinuuh.

John 13:23

An maak peyakw chischinuhamuwaakan, aniyuu Jesus naashch kaa saachihaat, uhpime anit e ihtaat chii apiyuu.

John 20:2

Kaa chihchipahtaat kaa nituwaapamaat Simon Peter ekw maak aniyuu kutak chischinuhamuwaakan Jesus kaa saachihaayich ekw kaa itaat uyuuh, “Chii utinamuweuch Utipeyihchikeu wiiyuuyuu namui maak nichischeyihtamuwaan taanite kaa chiskashtaawaatwaau.”

John 21:2

Maamuu chii ihtaauch uchii misiwe, Simon Peter, Thomas, an Kaa niishitwaau kaa ishinihkaataakanuut, Nathanael, an Cana kaa uhchiit anite Galilee aschiihch kaa ihtakuniyich, kaye aniyuu niishu Zebedee ukusisa ekw maak niishu kutakach chischinuhamuwaakanich.

John 21:20

Peter chii kweschikaapuu kaa waapamaat aniyuu kutak chischinuhamuwaakan, aniyuu Jesus kaa saachihaayich. Eukun aniyuu kaa aaspichisimuyich Jesus e ihtaat mekwaach kaa miichisutwaau kaye kaa ishi kakwechimaat, “Utipeyihchikeu, awen che wiyeshipachishtinisk.”

John 21:24

Eukun uu chischinuhamuwaakan kaa tipaatutahk uyuuh chekwaayuuh, kaye kaa masinahahk uyuuh chekwaayuuh. Chichischeyimaanuu maak e taapwemakaniyich misiwe taan kaa ishi wiihtahk.

John 6:67

Ekw Jesus kaa kakwechimaat aniyuu niishushaap uchischinuhamuwaakanh e itaat, “Kaye aa chiyawaau chiwii nikasinaawaau.”

John 6:70

Jesus kaa nishkweushihaat e itaat, “Namui aa niya kuuhchi wiyaapamitinaawaau e niishushaapuyekw, peyakw maak anit e tashiyekw machimanituu.”

John 6:71

Judas, Simon Iscariot ukusiyuu eukw aniyuu kaa aayimuumaat wesh eukw an peyakw anit e niishushaapuutwaau che wiyeshipachishtinaakupane aniyuu Jesus.

John 6:8

Ekw peyakw aniyuu kutak uchischinuhamuwaakan Andrew, aniyuu Simon Peter wiichiinuu chii iteyuuh,

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.

ᐊᐸᔅᑕᓚᒡ 1:26

Ekw kaa wiyeyimaatwaau aniyuu e niishiyich naapeu taan aniyuuh eukw che utinaatwaau, e uchipitamuwaatwaau utishinihkaasuwiniyuu. An maak awen kaa taaunikanuyich utishinihkaasuwin eukw Matthias. Eukw maak an kaa utinaakanuut Apastal chechii itapit. Ekw maak miin kaa niishuushaapuutwaau anichii Apastalach.

ᐊᐸᔅᑕᓚᒡ 12:2

John wiichishaaniyuuh James eukun aniyuu niishtam kaa itashuwaataat che nipahaakanuyich, shimaakanishuu muuhkumaaniyuu e aapataniyich.

ᐊᐸᔅᑕᓚᒡ 3:1

Peyakwaau Peter ekw maak John chii ituhteuch anite chisheayimiheukamikuhch nishtu e ispayiyich e chiishkwaapihtaachiishikaayich, anit e utihchipayiyich kaa chii ayimihaanuyich.

1 Corinthians 15:7

James miin chii nuukushiishtaweu. Misiwe kaye aniyuu apastal kaa itaapatisiyich chii nuukushiishtaweu.

Ephesians 4:11

Chii wiyaapameu maak aweyuu chechii waawiichihaayich aniyuu kaa taapwehtamiitwaauh eukw maak uyuuh Apastalih kaye uchischiwehiichesuuh ekw maak aniyuu kaa papaawaawiihtamiyich miywaachimuwiniyuu kaye maak ayimiheuchimaauh kaye kaa Chiskutamaacheyich.

Hebrews 3:1

Niichishaanitikw kaa payehchisiyekw, kaye chiyawaau Chishemanituu kaa tepwaatitaakw. Maamituneyimaahkw maa Jesus, eukw uuyuu Chishemanituu utitishihwaakanh. Kaye eukw uu wechisheayimiheuchimaamiihkw. Chiwiichihiikunuu tekash chechii taapwehtamukw kaye chechii wiihtamuhkw taan e ishi taapwehtamukw.

1 Peter 1:1

Niya Peter. Jesus Christ nichii wiyaapamukw kaye maak wiya nichii itishahuukw Apastal chechii ishi atushkuuk. Chiyawaau Chishemanituu utiiniimh chi masinahamaatinaawaau, chiyawaau paahpiiwe kaa ihtaayekw anite aniyuu aschiih Pontus, Galatia, Cappadocia, Asia ekw maak Bithynia kaa ishinihkaatekwaauh.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

2 John 1:1

Niya peyakw kaa niikaanishkuwaat umaamuuayimihaauh chimasinahamaatin chiya kaa wiyaapamikuyin uchimaashkweu kaye maak Chitawaashiimach nimasinahamuwaauch. Eukw chiyawaau taapwe kaa saachihiitakuch. Namui maak mikw niya chisaachihiitinaawaau. Misiwe kaye anichii kaa chischeyihtahkwaau taapwewiniyuu chisaachihiikuwaauch.

3 John 1:1

Niya John peyakw kaa niikaanishkuwaat umaamuuayimihaau chimasinahamaatin chiya niwiichewaakan Gaius, naashch kaa saachihiitaan.

Revelation 1:1

Eukw uyuu kaa ishi waapahtiiwet Jesus, Chishemanituu chii miikuu chechii chischeyihtamihaat aniyuu kaa atushkuwaayich Chishemanituu taan che ispayiyich wiipach. Niya, John, Chishemanituu kaa atushkuwaat, nichii itishahamaakw Christ enchil chechii pechi wiihtamuyich taan aniyuuh shaash wiipach che ispayiyich.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.

Revelation 18:20

Chiyawaau kihchikiishikuhch kaa ihtaayekw, miywaatamukw e chii wanaachihtaakanuuhch an ihtaawin. Chiyawaau kaa taapwehtamekw, kaye chiyawaau apastalach, ekw maak chiyawaau kaa uchischiwehiichesuyekw, miywaatamukw. Wesh Chishemanituu chii wiyaaskuneu aniyuuh anit kaa ihtaayich taan kaa ihtuutaakuwekw.

Revelation 22:8

Niya, John, niya nichii pehten kaye nichii waapahten misiwe uyuuh chekwaayuu. Iskutak maak kaa chiishipayihch e pehtamaan kaye e waapahtamaan uyuuh chekwaayuu ekw kaa nuuchiishtuuk e uchihchiihkunipayihuyaan uhchishkuu e ihtaat an enchil kaa waapahtiit uyuu chekwaayuu.