Matthew 10:18 - Chishemanituu Utayimuwin: Kaa Uskaach Testament

¹⁸ Chika ituhtahiikunaawaau tipeyihchichesuuch kaye chisheuchimaauch e ihtaatwaau chechii uhchishkuukaapuushtawekuch an uhchi e nuushuushkuwiyekw. Chika nitaweyihtaakusinaawaau kuiskw chechii ishi aayimuumiyekw anit uhchishkuu e ihtaatwaau kaye uhchishkuu anichii ekaa Jewa kaa itiskaanesitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᒋᑲ ᐃᑐᐦᑕᐦᐄᑯᓈᐙᐤ ᑎᐯᔨᐦᒋᒉᓲᒡ ᑲᔦ ᒋᔐᐅᒋᒫᐅᒡ ᐁ ᐃᐦᑖᑣᐤ ᒉᒌ ᐅᐦᒋᔥᑰᑳᐴᔥᑕᐌᑯᒡ ᐊᓐ ᐅᐦᒋ ᐁ ᓅᔔᔥᑯᐎᔦᒄ᙮ ᒋᑲ ᓂᑕᐌᔨᐦᑖᑯᓯᓈᐙᐤ ᑯᐃᔅᒄ ᒉᒌ ᐃᔑ ᐋᔨᒨᒥᔦᒄ ᐊᓂᑦ ᐅᐦᒋᔥᑰ ᐁ ᐃᐦᑖᑣᐤ ᑲᔦ ᐅᐦᒋᔥᑰ ᐊᓂᒌ ᐁᑳ ᒎᐗ ᑳ ᐃᑎᔅᑳᓀᓯᑣᐤ᙮

Matthew 10:18 Iomraidhean Croise

Matthew 10:17

Ayaakwaamiikw maak, wesh chika ihtaauch awenichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite utayimiheukamikuwaahch ekute che papasistehukuyekw.

Matthew 10:19

Iskutak maak piihtakahiikuyekwe anite, ekaawii aayimeyihtamukw taan nihaau che itweyekw, wesh iskutak utihchipayihche an che ihtuutaakuyekw chika miikunaawaau taan che ishi ayimiyekw.

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Mark 13:9

“Yaakwaamiikw wesh chika ihtaauch anichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite ayimiheukamikuhch ekute che papasistehukuyekw. Chika ituhtahiikunaawaau peshuch kaye chisheuchimaauch e ihtaatwaau chechii wiyaaskunitaakuch an uhchi e nuushuushkuyekw. Chika nitaweyihtaakusinaawaau kuiskw chechii ishi aayimuumiyekw.

2 Timothy 1:8

Ekaawii maak chika uhchi pimaamishiishtamuwaan Chitipeyihchikeminuu umiywaachimuwin chechii aayimuutamut. Kaye maak aat uu mekwaach e chipahukuyaan Christ uhchi ekaawii chika uhchi shaakweyimun e uwiichewaakanitutaataan. Ayeskawiishta teyakuch taan che ishi nanehkaateyimuyin e waawiihtaman miywaachimuwin wesh chika miikw Chishemanituu maskuusiiwiniyuu.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.

Revelation 11:7

Iskutak maak chiishi waawiihtahkwaawenich Chishemanituu utayimuwiniyuu ekw aniyuuh machi awesiisa anite kaa mista pukuneyaayich kaa uhchi kuikwaahtawiyich che maasihiikutwaau. Chika ashpashihiikuuch maak. Ekw che nipahiikutwaau.

Revelation 6:9

Ekw an Maanishchaanish kaa apahahk miin kutachiyuu chiishaawaach pasakuhiikaniyuu. Eukw ekw niyaayin kaa aapahahk. Iskutak maak kaa aapahahk aniyuu chiishaawaach pasakuhiikaniyuu ekw kaa waapamach utahchaahkuwaauh anichii kaa nipahaakanuutwaau Chishemanituuh utayimuwiniyuu e chii taapwehtamuwaatwaau kaye e chii waawiihtahkwaau taan e ishi taapwehtahkwaau. Anite pachishtinicheu miichisuunaahtikuhch taanit kaa chii maamihchimaakanuyich Chishemanituuh, anit maak niihtaahch ekut kaa waapamach utahchaahkuwaauh uchii.