Matthew 1:22 - Chishemanituu Utayimuwin: Kaa Uskaach Testament

²² Eukun nihaau kaa ispayiyich taan kaa pechi itweyikupanenh Utipeyihchikeu uchischiwehiichesiimh kaa itweyich,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᐅᑯᓐ ᓂᐦᐋᐤ ᑳ ᐃᔅᐸᔨᔨᒡ ᑖᓐ ᑳ ᐯᒋ ᐃᑗᔨᑯᐸᓀᓐᐦ ᐅᑎᐯᔨᐦᒋᑫᐤ ᐅᒋᔅᒋᐌᐦᐄᒉᓰᒻ ᑳ ᐃᑗᔨᒡ,

Matthew 1:22 Iomraidhean Croise

Matthew 12:17

Aniyuu maak kaa ihtit ekw kaa ispayiyich aniyuu taan kaa itwet Chishemanituu, taan kaa ishi miyaat uchischiwehiichesuuh Isaiah chechii ishi aayimuutamiyich.

Matthew 13:21

Muyaam maak an nihtaauchihchikan ekaa yaaich nihtaauchiniyikwaauh utapiih eukw e ishinaakusitwaau anichii, namui chineush taapwehtamuch. Iskutak maak e machipayinaanuyich maak e nanehkaateyimunaanuyich e ihtakuniyich aniyuu miywaachimuwiniyuu uhchi, tiiwehch puuniyuuch e taapwehtahkwaau.

Matthew 13:35

Eukw maak uyuu kaa ihtit chechii taapwemakaniyich taan kaa itwekupane an uchischiwehiicheu, Tipaachimuwin chiskutamaachewin nika aapachihtaawaan e wiihtamuukwaau awenichii taan aniyuuh eshkw ekaa uhchi chischeyihtaakuniyich kaa ishpish ushihtaakanuuhch uu aschii.

Matthew 2:15

Ekut maak kaa ihtaatwaau paatish kaa nipiyich Herod. U maak kaa ispayihch ekw kaa taapwemakaniyich Utipeyihchikeu uchischiwehiichesiimh kaa itweyich e chii itwet, “Anite Egypt uhchi nichii uhchi tepwaataau nikus.”

Matthew 2:23

Ekw anite Nazareth kaa ishinihkaateyich ihtaawiniyuu ekute kaa wiichitwaau. Ekw maak kaa taapwemakaniyich weskach taan kaa itwetwaau aniyehkaanaanich uchischiwehiichesuuch kaa itwetwaau, “Nazareth kaa uhchiit chika ishinihkaataakanuu.”

Matthew 5:17

“Ekaawii iteyihtamukw e chii pechi takushiniyaan chechii iichenamaan wiishuwewin kaye maak aniyuu kaa ishi chiskutamaachetwaau uchischiwehiichesuuch. Namui nuuhchi takushin chechii iichenamaan aniyuuh, maak nichii takushin taapwe chechii ispayiyich taan kaa ishi chiskutamaachetwaau.

Matthew 8:17

Aniyuu maak kaa ihtuutahk chii ispayiniyuu taan kaa ishi niikaan wiihtamukupane che ispayiyich aniyaa uchischiwehiichesuu Isaiah kaa itwet, Chichii miinuwaachihiikunuu kaye chii iichenam misiwe nanaahkuu chititaaspinewinuuh.

Luke 21:22

Eukw maak uu che utihchipayihch iinuuch che waweshihaakanuutwaau aniyuu kaa ishi machituutahkwaau wesh eukuu kaa ishi niikaan wiihtaakuhch che ishi tipipayihch.

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 10:35

Chichischeyihtenaanuu kaachiche e taapwemakahch taan e itashtech Chishemanituu utayimuwinihch. Manituuch chii ishinihkaateu Chishemanituu aniyuuh kaa miyaakanuyich utayimuwin.

John 15:25

Uyuu maak kaa ihtuutuutwaau shaakuuch ekun kaa itashteyich uwiishuwewiniwaahch che ihtuutuutwaau. Chii niikaan wiihtaakuniyuu anite kaa itashteyich, Seskwaahch nichii uhkaateyimikuch.”

John 17:12

Mekwaach kaa wiicheukwaau nichii kanuweyimaauch aniyuu ishinihkaasuwiniyuu kaa pechi miyuut uhchi. Nichii kanuweyimaauch, namui maak waachi peyakw uhchi wanishinuuch mikw an kaa iteyihtaakuniyikupane che wanishihk chii wanishinuu. Misiwe uu kaa ispayihch chii ispayuu chechii tipipayihch taan e itashtech chitayimuwinihch.

John 18:9

Eukw uyuu kaa itwet chechii tipipayiyich aniyuu shaash anite kaa itwekupane, “Nuuhtaawii, namui nuuhchi wanihaauch waachi peyakw anichii kaa pechi miyin.”

ᐊᐸᔅᑕᓚᒡ 3:18

Chishemanituu chii miyeu aniyuuh uchischiwehiichesuuh chechii niikaan wiihtamiyich che wawiisacheyihtamiyich Christ aniyuuh kaa wiyaapamaat. Chishemanituu maak chii tipipayihtaau uyuu.

Romans 1:2

Shaash weskach anite chii pechi wiihtam Chishemanituu cheshtinaash eshkw che ihtakuniyich uyuu miywaachimuwiniyuu. Aniyehkaanaanh uchischiwehiichesuuh chii aapachiheu chechii wiihtamiyich uyuu. Kaye chii aayimuuteu uu miywaachimuwin anite Chishemanituu upayehchi ayimuwinihch.

Revelation 17:17

Wesh Chishemanituuh chii ihtuutaakuuch utehiiwaahch chechii uhchi iteyihtahkwaau chechii ihtuutamuwaatwaau taan e ishi nituweyihtamiyich chechii ihtuutaakanuyich. Ekw maak peyakunihch kaa iteyihtamihiikutwaau che miyaatwaau aniyuuh machi awesiisa taan e ishi ayaatwaau chechii uchimaautwaau. Chika pachishteyimitisuustaweuch maak paatish misiwe chii tipapayiche taan kaa ishi niikaan wiihtamiyich Chishemanituuh che ispayiyich.