Matthew 1:21 - Chishemanituu Utayimuwin: Kaa Uskaach Testament

²¹ Kata naapeshiiwiyuuh aniyuuh utawaashiimh, Jesus chika ishinihkaataawaau, wesh eukw uu che pimaachihaat aweyuu umachaatisiiwiniihch uhchi.” Eukw uyuu kaa itikut Joseph aniyuu enchila.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᑲᑕ ᓈᐯᔒᐎᔫᐦ ᐊᓂᔫᐦ ᐅᑕᐙᔒᒻᐦ, ᒌᓴᔅ ᒋᑲ ᐃᔑᓂᐦᑳᑖᐙᐤ, ᐌᔥ ᐁᐅᒄ ᐆ ᒉ ᐱᒫᒋᐦᐋᑦ ᐊᐌᔫ ᐅᒪᒑᑎᓰᐎᓃᐦᒡ ᐅᐦᒋ᙮ ᐁᐅᒄ ᐅᔫ ᑳ ᐃᑎᑯᑦ ᒞᓴᕝ ᐊᓂᔫ ᐁᓐᒋᓪ᙮

Matthew 1:21 Iomraidhean Croise

Matthew 1:25

Mikw maak namui wiiskaat uhchi pischeyimeu paatishkaan kaa pimaatisiyich aniyuu utawaashiimiyuuh. Joseph maak Jesus chii ishinihkaateu aniyuu awaasha.

Luke 1:13

Ekw kaa itikut aniyuu enchil, “Ekaawii sechisi, Zechariah, wesh chichii pehtaakw Chishemanituu taan kaa ishi nitutamuut. Chiichiskweu Elizabeth chika ayaaweu awaasha, chika naapeshiiwiyuu. John maak chika ishinihkaataau an awaash.

Luke 1:31

Chika kanuweyimaausun, naapesh chika ayaawaau. Jesus chika ishinihkaataau.

Luke 2:11

Anite ihtaawinihch kaa uhchiit aniyaa chisheuchimaau David, chiyawaau chipimaatisiistamaakunaawaau awaash, eukun Utipeyihchikeu Christ.

Luke 2:21

Iskutak an awaash yaanaaneu chiishikaau kaa ishpish pimaatisiit Chishemanituu e ihtaayich chii ishi chischinuwaachishwaakanuu kaye Jesus chii ishinihkaataakanuu. Eukun kaa ishinihkaatikut enchil eshkw ekaa uhchi ayaaukut ukaawii anite uspayaayihch.

John 1:29

Miin maak aniyuu wiyaapaniyich John chii waapameu Jesus e pechi naatikut, ekw kaa itwet, “Kanawaapamaahkw maa uu naapeu, eukw uyuu Chishemanituu umaanishchaanishimh kaa pechi itishahwaat chechii wepeyihtamuwaakanuyich aweyuuh umachihtwaawiniyuuh.

John 4:42

Kaa itaatwaau aniyuu iskweu, “Ekw maak tiyaapwehtuwachiht, niyaan wechiihch e chii pehtawachiht, namui mikw chiya e chii itweyin. Ekw maak chiyeshtinaateyihtamaahch wiya eukw chechii pimaachihaat misiwe aweyuuh.”

ᐊᐸᔅᑕᓚᒡ 13:23

Chishemanituu maak kaye chii itweu che pechi itishahwaat aweyuu David e ihtaayich e uhchiyich chechii pimaachihaat Israel iinuuh eukw maak uyuu Jesus, aniyuu kaa itwet cheshtinaash che pechi itishahwaat.

ᐊᐸᔅᑕᓚᒡ 3:26

Chii wiyaapameu maak Chishemanituu uyuuh utaapachihaakan chiyawaau maauch niishtam chechii itishahamaataakw. Chika shaweyimikuwaau e ihtuutaakuyekw misiwe e tashiyekw chechii nakatamekw chimachaatisiiwinawaauh.”

ᐊᐸᔅᑕᓚᒡ 4:12

Mikw Jesus e ihtaat uhchipayuu pimaachihiiwewin. Namui uhchi miyeu Chishemanituu kutak aweyuu utah aschiihch chechii pimaachihiiweyich, mikw Jesus.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

Hebrews 7:25

Tekash chika chii pimaachiheu misiwe aweyuuh kaa taapweyimikut e naataayich Chishemanituuh. Wesh kaachiche pimaatisiyuu ekw maak muush chechii ayimiheshtamuwaat utiiniim.

1 John 1:7

Chiishpin waashtewinihch ishi pimaatisiihkwe mwehch wiya waashtewinihch e ishi ihtaat, taapwe chika miyu wiicheutunaanuu, kaye Jesus, Chishemanituu Ukusisa, umihkw chipayehchihiikuwaanaanuu misiwe machihtwaawinihch uhchi.

1 John 3:5

Chichischeyihtenaawaau Christ e chii pechi takushihk chechii iichenamuwaat aweyuu umachihtwaawiniyuuh kaye ekaa wiiskaat uhchi machituutahk wiya.

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.