Matthew 1:2 - Chishemanituu Utayimuwin: Kaa Uskaach Testament

² Abraham maak Isaac chii ukusisuu, ekw maak Isaac Jacob chii ukusisuu, Jacob maak Judah chii ukusisuu ekw maak aniyuu wiichishaaniyuuh,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᑉᕋᐦᐊᒻ ᒫᒃ ᐊᐃᓴᒃ ᒌ ᐅᑯᓯᓲ, ᐁᒄ ᒫᒃ ᐊᐃᓴᒃ ᒉᑲᑉ ᒌ ᐅᑯᓯᓲ, ᒉᑲᑉ ᒫᒃ ᒍᑕ ᒌ ᐅᑯᓯᓲ ᐁᒄ ᒫᒃ ᐊᓂᔫ ᐐᒋᔖᓂᔫᐦ,

Matthew 1:2 Iomraidhean Croise

Matthew 1:1

Jesus Christ nika aayimuumaau. Niishtam utaanischesiim e ihtaayich nika uhchi chihchipayihtaan e aayimuumak. Aniyaanaa chisheuchimaau David ekw maak aniyaana Abraham e ihtaayich chii uhchi aanische pimaatisiyuu.

Matthew 1:3

Judah maak chii ukusisuu Perez ekw maak Zerah, Tamar maak chii ukaawiyuuch. Perez maak chii ukusisuu Hezron, Hezron maak chii ukusisuu Ram.

ᐊᐸᔅᑕᓚᒡ 7:8

Ekw Stephen miin kaa ati itwet, “Ekw maak Chishemanituu kaa usihtuwaat aniyaa Abraham niskumuwiniyuu, uu maak niskumuwin chechii uhchi nuukuhtaakanuuhch, chii chischinuwaachishwaakanuuch naapeshach. Ekw maak aniyaa Abraham kaa chischinuwaachishwaat ukusisa Isaac iskutak yaanaaneu chiishikaau kaa ishpish pimaatisiyich. Isaac maak eukw uyuu Jacob kaa uhtaawiyit. Jacob maak chii niishushaapuyuu ukusisa. Eukunich uchii niishushaap kaa chisteyihtaakusitwaau chitaanische uhtaawiinuuch.”

Hebrews 11:11

Kaye Sarah nitaayimuumaau. Abraham chii wiichiskweu aniyuu Sarah. Kaye wiya maak Sarah chii taapweyimeu Chishemanituu. Namui wiishkaat uhchii ayaaweu awaasha kaye shaash chii miyaaskam aniyuu e ispihtisiinaanuyich chechii ayaawaakanuyich awaasha. Mikw maak yaapach chii ayaaweu awaasha aniyuu uhchi e chii taapwehtawaat Chishemanituu chechii ihtuutamaakut taan kaa itweyich cheshtinaash che ihtuutamaakut.

Hebrews 7:14

Misiwe awen chischeyihtam uyuu. Jesus Judah e ihtaayich chii uhchi aanische pimaatisiyuu. Kaye maak chichischeyihtenaanuu Moses ekaa uhchi wiihaat Judah e ihtaayich e uhchiyich aweyuu chechii ayimiheuchimaawiyich.

Revelation 7:5

Niishushaapwaau chishemitaahtumitanuu chii chiishaawaachihaakanuuch anichii anite Judah e ihtaayich kaa uhtitapechisihkwaau. Niishushaapwaau chishemitaahtumitanuu chii chiishaawaachihaakanuuch anichii anite Reuben e ihtaayich kaa uhtitapechisihkwaau. Niishushaapwaau chishemitaahtumitanuu chii chiishaawaachihaakanuuch anichii anite Gad e ihtaayich kaa uhtitapechisihkwaau.