Matthew 1:16 - Chishemanituu Utayimuwin: Kaa Uskaach Testament

¹⁶ Jacob maak Joseph chii ishinihkaasuyuuh ukusisa, eukw maak uyuuh Mary kaa unaapemit. Eukw uyuuh Mary kaa ukaawiyit Jesus an Christ kaa ishinihkaataakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒉᑲᑉ ᒫᒃ ᒞᓴᕝ ᒌ ᐃᔑᓂᐦᑳᓱᔫᐦ ᐅᑯᓯᓴ, ᐁᐅᒄ ᒫᒃ ᐅᔫᐦ ᒣᕇ ᑳ ᐅᓈᐯᒥᑦ᙮ ᐁᐅᒄ ᐅᔫᐦ ᒣᕇ ᑳ ᐅᑳᐎᔨᑦ ᒌᓴᔅ ᐊᓐ ᙭ ᑳ ᐃᔑᓂᐦᑳᑖᑲᓅᑦ᙮

Matthew 1:16 Iomraidhean Croise

Matthew 1:15

Eliud maak chii ukusisuu Eleazar, Eleazar maak chii ukusisuu Matthan, Matthan maak chii ukusisuu Jacob,

Matthew 16:16

Ekw Simon Peter kaa ishi nishkweushihaat, “Eukw chiya Christ, an Chishemanituu kaa pimaatisiit Ukusisa.”

Matthew 16:20

Ekw kaa itashumaat uchischinuhamuwaakan ekaa chechii wiihtamuwaayich kutak aweyuu e aawit wiya Christ.

Matthew 2:13

Iskutak maak kaa chistuhtetwaau anichii naapeuch kaa pechi chiiutetwaau, ekw Utipeyihchikeu utenchilam kaa nuukushiishtaakut Joseph upuwaamuwinihch e itikut, “Herod chika naanituweyimeu aniyuu awaasha e wii nipahaat. Wanishkaah, nete Egypt che ishi ushimuhiit an awaash ekw maak aniyuuh ukaawiih, ekute che ihtaayekw paatish ititakuche chechii chistuhteyekw.”

Matthew 27:17

Iskutak maak nestuwiyich aniyuuh iinuuh, Pilate chii kakwechimeu, “Awen netuweyimiyekw chechii pachishtinamaatakuch, Barabbas aa maak Jesus an Christ kaa ishinihkaataakanuut.”

Matthew 27:22

Ekw Pilate kaa itaat, “Taan maak che ihtuutuuk uu Jesus, an Christ kaa ishinihkaataakanuut.” Ekw misiwe anichii iinuuch kaa itwetwaau, “Chiistaaskuhwaahkw aashiteyaahtikuhch.”

Mark 6:3

Namui aa eukw uyuu kaa mistikunaapewiyich Mary ukusisa. Namui aa eukw uyuu wiichiinuuwaau James, Joses, Judas ekw maak Simon. Namui aa utah wiichiyuu kaye uwiichishaaniskwemh.” Eukw uyuu kaa ishi kakwechimitutwaau wesh taapaa uhchi nahiiskaakuuch taan kaa ihtiyich Jesus.

Luke 1:27

An enchil chii itishahwaakanuu chechii nituwaapamaat ushchiniichiskweu Mary e ishinihkaasuyich. Mary maak chipaa niipuu aniyuu Joseph kaa ishinihkaasuyich naapeu chechii wiichimaat. Uu maak Joseph, chii aanische umushuumuu aniyaa chisheuchimaau David kaa ishinihkaasuyich.

Luke 2:48

Aniyuuh maak uniichihiikw kaa waapamikut chii kushkupayuu anite e miskaakut. Aniyuu maak ukaawii chii itikuu, “Nikus, chekwaan wehchi naashch aayimeyihtamihiyaahch, pisikw chichii naanituweyimitinaan kuuhtaawii e niishiyaahch.”

Luke 2:7

Nipeukamikw maak mitun chii saakaschinaanuuyuuh ekw anite uhkaanikamikuhch kaa ihtaatwaau. ekute anite kaa pimaatisiyich aniyuu uniishtamuushaan Mary, e chii naapeshiiwiyich. Kaa wiiskweyechinaat machunishihch ekw kaa pimishimaat anit uhkaanich kaa chii uhchi miichisutwaau.

Luke 3:23

Jesus maak wiyesh chii nishtumitunuupunesuu iskutak kaa chihchipayihtaat taan kaa wii itaapachihiikut Chishemanituu. Chii iteyimikuu maak aweyuu eukun aniyuu tipiyeu uhtaawii aniyuu Joseph. Uu maak Joseph, Heli chii ishinihkaasuyuuh uhtaawii.

Luke 4:22

Misiwe awenichii chii miyuhtamuch taan kaa ishi ayimiyich Jesus. Chii kushkuikuuch e ishpish kaschihuutaakusiyich, ekw kaa itwetwaau, taanite wehtinahk uyuu kaa itihtaakusit, “Namui aa eukun uyuu Joseph ukusisa.”

John 4:25

Ekw an iskweu kaa itaat aniyuuh Jesus, “Nichischeyihten aniyuuh Chishemanituu che pechi itishahwaat che takushiniyich. Christ ishinihkaasuyuuh. Takushihke maak misiwe chekwaayuu chika wiihtamaakunuu.”