Mark 9:7 - Chishemanituu Utayimuwin: Kaa Uskaach Testament

⁷ Chek kaskawanishkwa kaa uhchi ukaashteskaakutwaau. Ekute kaa uhchi pehtawaatwaau aweyuu e itweyich, “Eukw uu niya tipiyeu Nikus kaa saachihak. Nituhtawaahkw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᒉᒃ ᑲᔅᑲᐗᓂᔥᑾ ᑳ ᐅᐦᒋ ᐅᑳᔥᑌᔅᑳᑯᑣᐤ᙮ ᐁᑯᑌ ᑳ ᐅᐦᒋ ᐯᐦᑕᐙᑣᐤ ᐊᐌᔫ ᐁ ᐃᑗᔨᒡ, ᐁᐅᒄ ᐆ ᓂᔭ ᑎᐱᔦᐤ ᓂᑯᔅ ᑳ ᓵᒋᐦᐊᐦᒃ᙮ ᓂᑐᐦᑕᐙᐦᒄ᙮

Mark 9:7 Iomraidhean Croise

Matthew 27:43

Taapweyimeu Chishemanituuh taapwe maak yaahch che wii wiichihiikuukwe Chishemanituu anuhchiish. Wesh chii iteu, ‘Niya Chishemanituu Ukusisa.’ ”

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Matthew 3:17

Ekw kaa pehtawaatwaau aweyuu anite uhchi kihchikiishikuhch e itweyich, “Eukuu Nikus kaa saachihiik kaye naashch taapwe kaa naniheyihtamihiit.”

Mark 1:11

Kihchikiishikuhch maak chii uhchi pehtaakusuu awen e itwet, “Eukw chiya Nikus naashch kaa saachihiitaan. Naashch taapwe chinaheyihtamihiyin.”

Mark 9:6

Eukw uyuu kaa itwet Peter ekaa uhchi chischeyihtahk taan chechii itwet wesh naashch taapwe chii sechisuu. James ekw maak John naashch taapwe chii sechisuuch kaye wiyawaau.

Mark 9:8

Chii aihtaapuuch tiiwehch anit waaskaa e ihtaatwaau e naanituweyimaatwaau kutak aweyuu e ihtaayikwen anit e ihtaatwaau, namui maak uhchi ihtaayuuh kutak aweyuu mikw Jesus chii ihtaayuuh.

Luke 3:22

Kaa payehchisiyich Ahchaahkw kaa uhchi aashiitutaakut Jesus mwehch umiimiiu e ishinaakusiyich. Ekw kaa uhchi pehtaakusit awen anite uhchi kihchikiishikuhch e itwet, “Eukw uu chii Nikus kaa saachihiitaan kaye naashch kaa naniheyihtamihiyin.”

John 1:34

Nichii waapahten uu kaa ispayihch kaye chiwiihtamaatinaawaau eukw aniyuu Chishemanituu Ukusisa,” chii iteu John.

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 12:28

Teyakuch nika itaau, Nuuhtaa, mikw anit chechii uhchi chisteyihtaakusiyin, eukun waa ishi ihtuutamaan.” Ekw kaa uhchi pehtaakuniyich Chishemanituu upehtaakusuwin anite kihchikiishikuhch uhchi e itwet, “Shaash nichii chisteyihtaakuhtaan nitishinihkaasuwin miin maak yaapach ekun che ihtuutamaan.”

John 19:7

Ekw anichii Jewa iinuuch kaa nishkweushihaatwaau Pilate e itaatwaau, “Nitayaanaan wiishuwewin, itashteu anit niwiishuwewinaahch chechii itashuwaanuyich chechii nipahaakanuut aniyuu e chii itwet wiya e aawit Chishemanituuh Ukusisa.”

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

John 5:18

Uyuu Jesus kaa itweyich, anichii Jewa iinuuh kaa niikaanishkuwaatwaau chii iteuch, “Niishtam namui uhchi chisteyihtam e Jewa ayimiheuchiishikaayich ekw miin kaa itwet Chishemanituu e Uhtaawiit. Kaye muyaam taan e ishpish chisteyihtaakusiyich Chishemanituu ekun kaa e iteyimisut. Eukw maak uyuu wehchi etituu nituweyimaatwaau chechii nipahaakanuyich.”

John 5:37

Uhtaawiimaau an kaa pechi itishahuut kaye wiya nipechi tipaachimikw. Namui maak nihtaa kuuhchi pehtamuwaanaawaau upehtaakusuwin kaye namui nihtaa kuuhchi waapamaawaau.

John 6:69

Nitaapwehtenaan maak kaye nichischeyihtenaan chiya e aawiyin kaa payehchisiit, an kaa pechi itishahukut Chishemanituu.”

John 9:35

Jesus maak chii pehtam e chii wiiwiitishihwaakanuyich aniyuu naapeu ekw kaa nituu naanituwaapamaat. Chii miskuweu maak ekw kaa itaat, “Chitaapweyimaau aa Iinuu Ukusisa.”

ᐊᐸᔅᑕᓚᒡ 1:9

Iskutak Jesus uyuu kaa itaat aniyuu apastalh mekwaach e kanawaapamikut ishpimihch chii ishi uhpipayuu. Kaskawanishkwa kaa aakuuhukut ekw namui uhchii waapamikuu.

ᐊᐸᔅᑕᓚᒡ 7:37

Eukw uu Moses kaa itaakupane aniyuu iinuu anite Israel kaa uhchiyich, Chishemanituu chika itishahamaakuwaau aweyuu che uchischiwehiichesuyich muyaam niya kaa ishi pechi itishahuut, utah maak e uhchiyekw chika uhchiyuuh.

ᐊᐸᔅᑕᓚᒡ 8:36

Mekwaach maak e ati pimipayihaakanuutwaau tihtipitaapaanaaskuhch chii utihtamuch anit e ihtakuniyich nipiiyuu, ekw an naapeu kaa itwet, “Mwaan nipii, chekwaan che chipihchihiikuyaan e nituweyihtamaan chechii siikahaahtaakuyaan.”

Romans 1:4

Eyuu maak Chishemanituu chii ukusiitutaakuu. Chishemanituuh maak e chii wanishkaanikut chitipeyihchikeminuu Jesus Christ nipuwinihch uhchi ekut kaa uhchi waapahtiiwet Kaa payehchisiit Ahchaahkw taapwe Chishemanituu Ukusisa e aawiyich Jesus aniyuu uhchi e chii suuhcheyihtaakusiyich.

Hebrews 2:1

Eukw maak an wehchi iteyihtaakuhch etituu chechii mamechiminamuhkw an taapwewin kaa ishi pehtamuhkw ekaa chechii chiiwekaapuyihkw.

2 Peter 1:17

Nichii ihtaawaanaan anit kaa chiihkaayeyihtaakuhiikut kaye kaa chisteyihtaakuhiikut Chishemanituu Uhtaawiimaau, anit kaa pehtamaahch pehtaakusuwin anite maauch e chisteyihtaakuch uhchi e itwet Uhtaawiimaau, “Eukw uu Nikus naashch kaa saachihiik kaye naashch kaa nahiiwehiit.”

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.

Revelation 1:7

Iitaapikw maa. Pechi takushinuu kaskawanishkuhch e pechi aasiit. Misiwe aweyuuh chika waapamikuu, mechim aniyuuh kaa tahkamikut. Misiwe e itiskaanesiyich aweyuuh chika mista maatuuyuuh waapamikute. Cheshtinaash chika ispayuu uu. Amen.