Mark 9:4 - Chishemanituu Utayimuwin: Kaa Uskaach Testament

⁴ Anichii maak chischinuhamuwaakanich chii uhchi waapameuch Elijah ekw maak Moses e ayimihaayich Jesus.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐊᓂᒌ ᒫᒃ ᒋᔅᒋᓄᐦᐊᒧᐙᑲᓂᒡ ᒌ ᐅᐦᒋ ᐙᐸᒣᐅᒡ ᐁᓚᐃᒐ ᐁᒄ ᒫᒃ ᒧᓯᔅ ᐁ ᐊᔨᒥᐦᐋᔨᒡ ᒌᓴᔅ᙮

Mark 9:4 Iomraidhean Croise

Matthew 11:13

Wesh misiwe aniyehkaanaanich uchischiwehiichesuuch chii wiihtamuch Chishemanituu uchisheuchimaawiniyuu che utihchipayiyich, ekun maak kaye kaa ishi pechi wiihtaakuhch anite ayimihewin wiishuweusinahiikanihch paatish kaa takushihk John.

Mark 9:3

Uchekwaanim maak mitun chii waasisiteyuuh, naashch e payehkashch waapaayikwaau. Namui ihtaau utah aschiihch awen chechii ishpish waapaayikwaau chekwaayuu e chishtaapautaat.

Mark 9:5

Ekw Peter kaa itaat Jesus, “Chischinuhamaachesuu, nuwach miyeyihtaakun utah chechii ihtaawaauhchipane. Pachishtinaanh chechii ushihtaayaahch nishtu tipinuushimunh, paahpeyakw che ayaayekw, chiya, Moses ekw maak Elijah.”

Luke 24:27

Ekw Jesus kaa chihchi waawiihtamuwaat aniyuuh naapeuh misiwe taan kaa itasinahiikanuyich e aayimuumaakanuut anite Chishemanituu utayimuwinihch. Moses taan kaa itashtaayich e aayimuumikut chii uhchi chihchipayihtaau chek kaa utihtahahk taan kaa ishi masinahamiich e aayimuumikut aniyehkaanaan uchischiwehiichesuuh.

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

Luke 9:19

Kaa itikut, “Kutakach awenichii John siikahaahtaacheu chititeyimikuch ekw kutakach aniyaanaa peyakw uchischiwehiichesuu Elijah kaa ishinihkaasut chititeyimikuch, ekw miin kutakach e ihtaatwaau weskach uchischiwehiichesuu miin kaau e pimaatisiit e iteyimiskwaau.”

John 5:39

Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.