Mark 9:32 - Chishemanituu Utayimuwin: Kaa Uskaach Testament

³² Anichii chischinuhamuwaakanich namui uhchi nisituhtamuch taan e ishi wiihtamaachemakaniyich uyuu kaa itweyich, chii sechisuuch kaye chechii kakwechimaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐊᓂᒌ ᒋᔅᒋᓄᐦᐊᒧᐙᑲᓂᒡ ᓇᒧᐃ ᐅᐦᒋ ᓂᓯᑐᐦᑕᒧᒡ ᑖᓐ ᐁ ᐃᔑ ᐐᐦᑕᒫᒉᒪᑲᓂᔨᒡ ᐅᔫ ᑳ ᐃᑗᔨᒡ, ᒌ ᓭᒋᓲᒡ ᑲᔦ ᒉᒌ ᑲᑴᒋᒫᑣᐤ᙮

Mark 9:32 Iomraidhean Croise

Mark 16:14

Paatimaa maak, Jesus chii nuukushiishtaweu aniyuu peyakushaap mekwaach e maamuumiichisuyich miichisuunaahtikuhch. Chii aanuweyimeu maak aniyuu e aanuwehtamiyich kaye e miskauteheyich, ekaa uhchi wii taapwehtawaayich aniyuu chischinuhamuwaakanh aniyuuh kaa waapamikuyich paatimaa kaa wanishkaanaakanuut.

Mark 7:18

Jesus maak chii itweu, “Namui aa chinisituhtenaawaau kaye chiyawaau. Namui aa chichischeyihtenaawaau taapaa namayeyuu miichimiyuu kaa ihtuutaakut awen wehchi machituutahk,

Mark 8:33

Jesus maak chii kweschikaapuu kaa utaashtamikaapuushtawaat uchischinuhamuwaakanh ekw kaa aanuweyimaat Peter e itaat, “Machimanituu, maachiih iiches nete. An taan e iteyihtamihiikuyin chekwaayuuh taapaa Chishemanituu e ihtaat uhchipayuu naapeu e ihtaat uhchipayuu.”

Mark 9:10

Chii pishichiheuch maak taan kaa ishi chistahamaakutwaau mikw maak anit wiyawaau chii ayimitutamuch uyuu taan kaa ispayihch e itwetwaau, “Chekwaan uu kaa iinaanuuhch e wanishkaat awen nipuwinihch uhchi.”

Luke 18:34

Chischinuhamuwaakanich maak namui waach peyakw uhchii nisituhtamuch aniyuu taan kaa ishi ayimitutamiyich.

Luke 2:50

Namui maak uhchi nisituhtamiyuu aniyuuh uniichihiikw chekwaayuu wehchi itwet aniyuu.

Luke 24:45

Ekw uyuu kaa ishi wiihtamuwaat chechii piyekasch nisituhtamiyich taan e ishi wiihtamaachemakaniyich Chishemanituu utayimuwinihch.

Luke 9:45

Ekw anichii chischinuhamuwaakanich namui uhchi nisituhtamuch. Namui uhchi chischeyihtamuch taan kaa wii ishi wiihtamaakutwaau Jesus, wesh eshkw namui uhchi miyaakanuuch chechii nisituhtahkwaau. Chii sechisuuch maak chechii kakwechihcheyimutwaau chekwaayuu uyuu kaa itweyich.

John 12:16

Anit maak aniyuu mekwaach namui uhchi nisituhtamiyuu uchischinuhamuwaakan aniyuu taan kaa e ispayiyich shaash anite niikaan e chii wiihtaakanuwiikupane che tipipayiyich uyuu. Paatimaa maak iskutak kaa wanishkaanaakanuyich nipuwinihch uhchi kaye kihchikiishikuhch kaa ishi utinaakanuyich ekw kaa chischisitwaau taan kaa ishi niikaan aayimuumaakanuyich anite Chishemanituu utayimuwinihch che ispayikupanen.

John 16:19

Jesus chii chischeyimeu e wii kakwechimikut uyuu. Ekw kaa itaat, “An kaa itweyaan, shaash wiipach namui chika uhchi wiicheutinaawaau. Miin maak weipishchiish ekw miin che waapamiyekw. Ewaa uu waa nituu chischeyihtamekw chekwaan an kaa aayimuutamaan.

John 4:27

Ekut kaa uhchi takushiniyich Jesus uchischinuhamuwaakanh, naashch maak chii kushkupayuuch e waapamaatwaau Jesus e ayimihaayich aniyuu iskweu. Yaapach maak namui waachipeyakw uhchi kakwechimeuch chekwaayuu wehchi ayimihaayich aniyuu iskweu kaye namui uhchi kakwechimeuch chekwaayuu kaa aayimuutamiyich.