Mark 9:3 - Chishemanituu Utayimuwin: Kaa Uskaach Testament

³ Uchekwaanim maak mitun chii waasisiteyuuh, naashch e payehkashch waapaayikwaau. Namui ihtaau utah aschiihch awen chechii ishpish waapaayikwaau chekwaayuu e chishtaapautaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐅᒉᒀᓂᒻ ᒫᒃ ᒥᑐᓐ ᒌ ᐙᓯᓯᑌᔫᐦ, ᓈᔥᒡ ᐁ ᐸᔦᐦᑲᔥᒡ ᐙᐹᔨᒀᐤ᙮ ᓇᒧᐃ ᐃᐦᑖᐤ ᐅᑕᐦ ᐊᔅᒌᐦᒡ ᐊᐌᓐ ᒉᒌ ᐃᔥᐱᔥ ᐙᐹᔨᒀᐤ ᒉᒀᔫ ᐁ ᒋᔥᑖᐸᐅᑖᑦ᙮

Mark 9:3 Iomraidhean Croise

Matthew 28:3

Muyaam maak e waashtepayihch kaa ishpish chiihkaayaashtuwech ekun kaa ishinaakusit an enchil iskutak wehchi nuukusit, nesht uchekwaanim taapishkuuch kuun kaa ishpish waapisit ekun kaa ishinaakuniyikwaauh.

Mark 9:4

Anichii maak chischinuhamuwaakanich chii uhchi waapameuch Elijah ekw maak Moses e ayimihaayich Jesus.

Luke 9:29

Mekwaach maak aniyuu e aayimihaat utaashtamuhkw chii kweschinaakuniyuu kaye uchekwaanim naashch taapwe chii piyekasch waapaayuuh mitun e chii waasikushteyikwaau.

ᐊᐸᔅᑕᓚᒡ 10:30

Ekw Cornelius kaa itaat, “Neu chiishikaau utaahch utah ekun wiyesh chii ishpish chiishikaache e chii ayimihaayaan anite niichihch nishtu e ispayihch e chiishkwaapihtaachiishikaach. Chek sischikuuch naapeu e waashtuweyikwaau uchekwaanim chii uhchi niipuu anit e ihtaayaan.

Revelation 19:18

Aastamukw che miichuwekw chisheuchimaauch ekw maak nitupayuu uchimaauch wiyaasuwaauh. Pechi miichuwaahkw wiiyuwaauh shimaakanishach kaapalakaskweuch ekw maak anichii kaa tehtapitwaau aniyuuh kaapalakaskweuh. Misiwe awenichii kaa nipitwaau wiiyuuwaauh pechi miichuwekw, kaa kuuhpaneutwaau maak ekaa kaa kuuhpaneutwaau, kaa chisteyihtaakusitwaau maak ekaa kaa chisteyihtaakusitwaau.”

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.

Revelation 7:9

Iskutak kaa chiishipayihch uu maahchishtai kaa ishi waapahtiikuyaan ekw kaa waapamakwaau e mista mihchetitwaau awenichii, ekaa mechim chii achimaakanuutwaau kaa ishpish chii mihchetitwaau. Misiwe e itiskaanesinaanuyich e uhchiitwaau, misiwe e ishi maamuuteushiinaanuyich, kaye misiwe e ishi ayiminaanuyich misiwe chii uhchishkuukaapuushtamuweuch Chishemanituuh uchisheuchimaau tehtapuwiniyuu ekw maak aniyuuh maanishchaansha. Misiwe e tashitwaau chii waapaaspisuuch kaye chii tahkunamuch niipisiyaahtikw utihchiiwaahch e muuchicheyihtahkwaau.