Mark 9:26 - Chishemanituu Utayimuwin: Kaa Uskaach Testament

²⁶ Ekw an machiahchaahkw kaa uhchi aashihkwet, kaa ihtuutawaat aniyuu naapesha chechii uchipitikuyich ekw kaa nakataat. An maak naapesh mwehch e nipit ekun kaa ishinaakusit anit e pimishihk. Ekw misiwe awen kaa itwet, “Namui pimaatisiyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐁᒄ ᐊᓐ ᒪᒋᐊᐦᒑᐦᒄ ᑳ ᐅᐦᒋ ᐋᔑᐦᑴᑦ, ᑳ ᐃᐦᑑᑕᐙᑦ ᐊᓂᔫ ᓈᐯᔕ ᒉᒌ ᐅᒋᐱᑎᑯᔨᒡ ᐁᒄ ᑳ ᓇᑲᑖᑦ᙮ ᐊᓐ ᒫᒃ ᓈᐯᔥ ᒬᐦᒡ ᐁ ᓂᐱᑦ ᐁᑯᓐ ᑳ ᐃᔑᓈᑯᓯᑦ ᐊᓂᑦ ᐁ ᐱᒥᔑᐦᒃ᙮ ᐁᒄ ᒥᓯᐌ ᐊᐌᓐ ᑳ ᐃᑗᑦ, ᓇᒧᐃ ᐱᒫᑎᓯᔫ᙮

Mark 9:26 Iomraidhean Croise

Matthew 15:22

Iskweu maak chii wiichuu anit Canaan e chii uhchiit, eukw uyuu kaa pechi nituwaapamikut Jesus, e tepweyich e itikut, “Utipeyihchikeu, aniyaa chisheuchimaau David ukusisa, pechi chistimaacheyim maa. Nitaanish naashch taapwe waawiisacheyihtamihiikuu machiahchaahkwa e piihchishkaakut.”

Mark 1:26

An maak machiahchaahkw chii ihtuutuweu aniyuu naapeu chechii mista uchipitikuyich kaye chii mista aashihkweyuu ekw kaa nakataat.

Mark 9:18

Iskutak miyaasihiikuch uyuu machiahchaahkwa, mitun wesh kata niihchiwepahukuu, kaye kata piishteutaahtam, eyuu maak wesh kata shashewaapiteyuu, kaye mitun kata chiituwaaskupayuu. Anichii maak chichischinuhamuwaakanich nichii kakwechimaauch chechii wiiwiitishihwaatwaau aniyuuh machiahchaahkwa namui maak uhchii ihtuuch.”

Mark 9:20

Ekw kaa peshuwaatwaau aniyuu naapesha anit Jesus e ihtaayich. Iskutak an machiahchaahkw wiyaapamaat Jesus tiiwehch chii ihtuutaweu aniyuu naapesha chechii uchipitikuyich, mitun anite aschiihch e chii ishi pahchishiniyich. Ekw kaa kwehkwetipayihut anit an naapesh e piishteutaahtahk.

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Mark 9:27

Jesus chii utinamuweu utihchiyuu aniyuu naapesha ekw kaa wiichihaat e wanishkaayich. Kaa pishikuut an naapesh.

Revelation 12:12

Miywaatamukw maak misiwe chiyawaau kihchikiishikuhch kaa ihtaayekw. Ekw chiyawaau aschii ekw maak chihchikamii chika aahkwaach machipayinaawaau wesh ekute anite e ihtaayekw kaa ituhtet machimanituu. Nuwach maak chishuwaasuu wesh chischeyihtam shaash e tahkwaayich utipahiikan.”