Mark 9:25 - Chishemanituu Utayimuwin: Kaa Uskaach Testament

²⁵ Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒌᓴᔅ ᒫᒃ ᒌ ᐙᐸᒣᐤ ᐊᓂᔫ ᐄᓅᐦ ᑳ ᐯᒋ ᒫᐅᓯᑯᑳᐳᐐᑣᐤᐦ ᐁ ᐊᑎ ᓰᐦᒋᔅᑳᑐᔨᑣᐤ ᐁᒄ ᑳ ᒋᔅᑕᐦᐊᒧᐙᑦ ᐊᓂᔫ ᒪᒋᐊᐦᒑᐦᑾ ᐁ ᐃᑖᑦ, ᒋᔭ ᐊᐦᒑᐦᒄ ᐁᑳ ᑳ ᐯᐦᑕᒪᓐ ᓀᔥᑕ ᐁᑳ ᑳ ᓂᐦᑖᐌᔨᓐ, ᒫᒌᐦ ᐐᐐᐦ ᐊᓂᑦ ᐆ ᓈᐯᔥ ᐁ ᐃᐦᑖᑦ ᐅᐦᒋ᙮ ᐁᑳᐐ ᒦᓐ ᒋᑲ ᐅᐦᒋ ᐲᐦᒋᔥᑯᐙᐤ᙮

Mark 9:25 Iomraidhean Croise

Matthew 12:22

Pasch awenichii chii peshuweuch naapeu anite Jesus e ihtaayich ekaa waapahtamiyich kaye ekaa uhchii ayimiyich, e chii piihchishkaakuyich machiahchaahkwa. Ekw Jesus kaa miinuwaachihaat aniyuu naapeu, kaa uhchi nihtaaweyich kaye kaa uhchi waapahtamiyich.

Matthew 17:18

Jesus maak chii chistahamuweu aniyuu machiahchaahkwa e itaat chechii nakataayich aniyuu naapesha. Tiiwehch maak chii wiiwiyuu an machiahchaahkw ekw kaa ati miinuwaatisiit an naapesh.

Mark 9:15

Anichii maak iinuuch iskutak wiyaapamaatwaau Jesus, naashch taapwe chii kushkupayuuch, kaa chitinawaatwaau chechii waachiyemaatwaau.

Mark 9:24

Tiiwehch kaa uhchi aashihkwet an uhtaawiimaau, “Nitaapwehten mikw maak namui naashch nitayaan taapwehtamuwin. Wiichihiih etituu chechii ayaayaan taapwehtamuwin.”

Mark 9:26

Ekw an machiahchaahkw kaa uhchi aashihkwet, kaa ihtuutawaat aniyuu naapesha chechii uchipitikuyich ekw kaa nakataat. An maak naapesh mwehch e nipit ekun kaa ishinaakusit anit e pimishihk. Ekw misiwe awen kaa itwet, “Namui pimaatisiyuu.”

Luke 11:14

Chii ihtaau naapeu mitun e chii ihtuutaakut machiahchaahkw ekaa chechii kaschihut e ayimit. Iskutak maak Jesus kaa wiiwiitishihwaat aniyuu machiahchaahkwa, ekw kaa uhchi nihtaawet an naapeu. Ekw anichii iinuuch naashch taapwe chii maamishkaateyihtamihiikuuch uyeyuu.

Luke 4:35

Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

Luke 8:29

Eukw uyuu kaa ishi tepwet uu naapeu wesh Jesus chii itwekupane aniyuu machiahchaahkwa chechii wiiwiyich anite uhchi aniyuu naapeu e ihtaayich. Uu maak naapeu mihchetwaau chii tipeyimikuukupane aniyuu machiahchaahkwa. Muush maak chii naanaakachihaakanuu an naapeu. Aat maak kaye e maahkupiteyikwaau usith eyuu utihchii yaapach chii pischipitam maan aniyuu e chii mamechimaapiskahiikanuyikwaau upuuschiweyaapiyuu. Chii ihtuutaakuu maak aniyuu machiahchaahkwa chechii ituhtet anite pakwaatiskamikaahch.

Luke 9:42

Mekwaach maak e pechi naataat aniyuu Jesus an naapesh, machiahchaahkwa mitun chii kawepinikuu ekw kaa ihtuutaakut chechii uchipitikut. Jesus maak chii chistahamuweu aniyuu machiahchaahkwa kaa itaat chechii nakataayich aniyuu naapesha. Ekut maak kaa ati miinuwaatisiit an naapesh. Ekw Jesus kaa chiiwemiyaat aniyuu naapeu aniyeyuu ukusiyuu.

ᐊᐸᔅᑕᓚᒡ 16:18

Ekun kaa ihtit eshikum chiishikaau, chek Paul kaa saskachimikut, ekw kaa kweschikaapuushtawaat, kaa itaat aniyuu machiahchaahkwa, “Jesus Christ utishinihkaasuwinich uhchi maachiih wiiwiih anite e ihtaat, chii itweu.” Ekw an ahchaahkw tiiwehch kaa wiiwiit anit aniyuu ishkwesha e ihtaayich uhchi.

Jude 1:9

Namui mechim an kaa niikaaneyihtaakusit enchil Michael kaa ishinihkaasut, uhchi iteyihtam wiya chechii suuhcheyimutawaat machimanituu chechii maayeyimaat. Mikw chii iteu, “Utipeyihchikeu chika chistahamaakw.” Eukw uyuu kaa itaat iskutak kaa ayaasutemitutwaauh machimanituuh Moses wiiyuuyuu uhchi.