Mark 9:22 - Chishemanituu Utayimuwin: Kaa Uskaach Testament

²² Kaye chii iteu, “Shaash mihchetwaau chii wii nipahiikuu aniyuu machiahchaahkwa ishkutehch maak nipiihch e ishiwepinikut. Chistimaacheyiminaan maa, wiichihiinaan, chechii wii wiichihiiwaahche.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᑲᔦ ᒌ ᐃᑌᐤ, ᔖᔥ ᒥᐦᒉᑣᐤ ᒌ ᐐ ᓂᐸᐦᐄᑰ ᐊᓂᔫ ᒪᒋᐊᐦᒑᐦᑾ ᐃᔥᑯᑌᐦᒡ ᒫᒃ ᓂᐲᐦᒡ ᐁ ᐃᔑᐌᐱᓂᑯᑦ᙮ ᒋᔅᑎᒫᒉᔨᒥᓈᓐ ᒫ, ᐐᒋᐦᐄᓈᓐ, ᒉᒌ ᐐ ᐐᒋᐦᐄᐙᐦᒉ᙮

Mark 9:22 Iomraidhean Croise

Matthew 14:31

Tiiwehch maak Jesus chii suwanischeyuu, kaa maakunaat ekw kaa itaat, “Chekwaan wehchi puuniyin e taapwehtaman chechii ihtuutaataan chechii pimuhteyin nipiihch.”

Matthew 17:15

“Utipeyihchikeu, chistimaacheyim nikus. Uchipitikuu maan, naashch nanehkaateyimuu wesh mihchetwaau maan machishtawepayiyuu ishkutehch kaye mihchetwaau pakashtawepayiyuu nipiihch mekwaach aniyuu e uchipitakut.

Matthew 20:34

Jesus maak chii chistimaacheyimeu, kaa taahtinamuwaat uschiishikuyuu, tiiwehch maak chii waapahtamiyuu, ekw kaa ati nuushuushkaakut.

Matthew 8:2

Ekw naapeu kaa maayaataniyich umichiiwaaspinewiniyuu e ayaayich kaa pechi naatikut kaa uchihchiihkunipayihuyich anite uhchishkuu e ihtaat, ekw kaa itikut, “Utipeyihchikeu, wii pechi wiichihiyine chika chii ihtuuten chechii payehtisiyaan.”

Matthew 9:28

Jesus maak chii piihcheu waaskaahiikanihch ekw anichii naapeuch ekaa kaa waapahtahkwaau kaa nituwaapamaatwaau ekw Jesus kaa itaat, “Chitaapwehtenaawaau aa chechii miinuwaachihiitakuch.” Ekw kaa itikut, “Ehe, Utipeyihchikeu.”

Mark 5:19

Namui maak uhchi pachishtinikuu Jesus chechii wiichewaat. Chii itikuu, “Maachiih chiiwe, nituwaapamach chiwiichewaakanich neshta chiwaahkumaakanich, che wiihtamuutwaau taan kaa ishi miyutuutamaask Chishemanituu, kaye taan kaa ishi chistimaacheyimisk.”

Mark 9:21

Jesus kaa kakwechimaat aniyuuh uhtaawiimaau, “Shaash aa weskach uyuu kaa ishinaakusit.” “Piihiim kaa awaashiyuut shaash ekun kaa ispayit,” chii iteu an uhtaawiimaau.

Mark 9:23

Chii iteu maak Jesus, “Chekwaan wehchi itweyin chechii wii wiichihiiwaahche. Wesh awen kaa taapwehtahk misiwe taan waa ihtit chika chii ihtuutam.”

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”