Mark 9:21 - Chishemanituu Utayimuwin: Kaa Uskaach Testament

²¹ Jesus kaa kakwechimaat aniyuuh uhtaawiimaau, “Shaash aa weskach uyuu kaa ishinaakusit.” “Piihiim kaa awaashiyuut shaash ekun kaa ispayit,” chii iteu an uhtaawiimaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᒌᓴᔅ ᑳ ᑲᑴᒋᒫᑦ ᐊᓂᔫᐦ ᐅᐦᑖᐐᒫᐤ, ᔖᔥ ᐋ ᐌᔅᑲᒡ ᐅᔫ ᑳ ᐃᔑᓈᑯᓯᑦ᙮ ᐲᐦᐄᒻ ᑳ ᐊᐙᔑᔫᑦ ᔖᔥ ᐁᑯᓐ ᑳ ᐃᔅᐸᔨᑦ, ᒌ ᐃᑌᐤ ᐊᓐ ᐅᐦᑖᐐᒫᐤ᙮

Mark 9:21 Iomraidhean Croise

Mark 5:25

Chii ihtaau anit peyakw iskweu shaash niishushaap pipunh e chii itaaspinekupane e wanihtaat maan mihkuyuu.

Mark 9:20

Ekw kaa peshuwaatwaau aniyuu naapesha anit Jesus e ihtaayich. Iskutak an machiahchaahkw wiyaapamaat Jesus tiiwehch chii ihtuutaweu aniyuu naapesha chechii uchipitikuyich, mitun anite aschiihch e chii ishi pahchishiniyich. Ekw kaa kwehkwetipayihut anit an naapesh e piishteutaahtahk.

Mark 9:22

Kaye chii iteu, “Shaash mihchetwaau chii wii nipahiikuu aniyuu machiahchaahkwa ishkutehch maak nipiihch e ishiwepinikut. Chistimaacheyiminaan maa, wiichihiinaan, chechii wii wiichihiiwaahche.”

Luke 13:16

Ekw maak uu Jewa iskweu yaanaaneushaap pipun chii ishpish maahkupitikuu machimanituu, namui aa ishinaakuniyuu chechii aapihkunaakanuut aat e Jewa ayimiheuchiishikaayich.”

Luke 8:43

Chii ihtaau maak kaye anit iskweu niishushaapunh e chii wanihtaat umihkw. Misiwe chekwaayuu taan kaa ishi ayaat chii miyekupane nituhkuiin e chiishiihkawaat chechii wiichihiikut, namui maak waach peyakw uhchii wiichihiikuu.

John 9:1

Mekwaach Jesus e pimuhtet uchischinuhamuwaakan e wiichewaat chii waapameu naapeu ekaa uhchi waapahtamiyich iskunaak kaa pimaatisiyich.

ᐊᐸᔅᑕᓚᒡ 14:8

Anite maak Lystra chii ihtaau peyakw naapeu e chii maaskaniyikwaauh usit ekaa uhchi nihtaautet ekun maak shaash kaa ishinaakusikupane kaa pimaatisiit.

ᐊᐸᔅᑕᓚᒡ 3:2

Naashch chii misichihtuu an chishtuhkan anit e uhchi piihtukaanuuhch an chisheayimiheukamikw kaa miywaashich ishkwaahtem chii ishinihkaataakanuu, ekut kaa apit naapeu ekaa uhchi nihtaauhtet. Meshikum chiishikaau e chii ituhtahaakanuut anite, chechii nitutamuwaat aweyuu shuuliyaayuu anite ayimiheukamikuhch e ituhteyich.

ᐊᐸᔅᑕᓚᒡ 4:22

An maak naapeu kaa miskaach miinuwaachihaakanuut, uste nemitanuu chii tahtupuneshuu.

ᐊᐸᔅᑕᓚᒡ 9:33

ekut kaa waapamaat naapeu Aeneas e ishinihkaasuyich, ekaa nisitusiyich, yaanaaneu pipun ekaa uhchi aamiyich unipewiniihch.