Mark 9:19 - Chishemanituu Utayimuwin: Kaa Uskaach Testament

¹⁹ Jesus maak chii iteu aniyuuh anit kaa ihtaayitwaauh, “Chiyawaau iinuuch anuhchiish kaa pimaatisiyekw ekaa kaa ayaayekw taapwehtamuwin, taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᒌᓴᔅ ᒫᒃ ᒌ ᐃᑌᐤ ᐊᓂᔫᐦ ᐊᓂᑦ ᑳ ᐃᐦᑖᔨᑣᐤᐦ, ᒋᔭᐙᐤ ᐄᓅᒡ ᐊᓄᐦᒌᔥ ᑳ ᐱᒫᑎᓯᔦᒄ ᐁᑳ ᑳ ᐊᔮᔦᒄ ᑖᐺᐦᑕᒧᐎᓐ, ᑖᓐ ᒉ ᐃᔥᐱᔥ ᐃᐦᑖᔮᓐ ᐅᑕᐦ ᐁ ᐃᐦᑖᔦᒄ ᔮᒄ ᒉᒌ ᓂᓯᑐᐦᑕᒣᒄ᙮ ᑖᓐ ᒉ ᐃᔥᐱᔥ ᐊᔓᐙᐸᒥᑕᑯᒡ ᐁᒄ ᒉᒌ ᐊᔮᔦᒄ ᑖᐺᐦᑕᒧᐎᓐ᙮ ᐯᔓᐙᐦᒄ ᐊᓐ ᓈᐯᔥ᙮

Mark 9:19 Iomraidhean Croise

Matthew 17:17

Jesus maak chii iteu aniyuu iinuu anit kaa ihtaayich, “Chiyawaau iinuuch anuhchiish kaa pimaatisiyekw ekaa kaa ayaayekw taapwehtamuwin kaye ekaa kaa kweskaatisiyekw, taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

Mark 16:14

Paatimaa maak, Jesus chii nuukushiishtaweu aniyuu peyakushaap mekwaach e maamuumiichisuyich miichisuunaahtikuhch. Chii aanuweyimeu maak aniyuu e aanuwehtamiyich kaye e miskauteheyich, ekaa uhchi wii taapwehtawaayich aniyuu chischinuhamuwaakanh aniyuuh kaa waapamikuyich paatimaa kaa wanishkaanaakanuut.

Mark 9:18

Iskutak miyaasihiikuch uyuu machiahchaahkwa, mitun wesh kata niihchiwepahukuu, kaye kata piishteutaahtam, eyuu maak wesh kata shashewaapiteyuu, kaye mitun kata chiituwaaskupayuu. Anichii maak chichischinuhamuwaakanich nichii kakwechimaauch chechii wiiwiitishihwaatwaau aniyuuh machiahchaahkwa namui maak uhchii ihtuuch.”

Mark 9:20

Ekw kaa peshuwaatwaau aniyuu naapesha anit Jesus e ihtaayich. Iskutak an machiahchaahkw wiyaapamaat Jesus tiiwehch chii ihtuutaweu aniyuu naapesha chechii uchipitikuyich, mitun anite aschiihch e chii ishi pahchishiniyich. Ekw kaa kwehkwetipayihut anit an naapesh e piishteutaahtahk.

Luke 24:25

Ekw anichii chischinuhamuwaakanich kaa itikutwaau Jesus, “Chiyawaau naapeutikw, taapwe ekaa kaa iteyihtamekw, taanite wehchi ekaa uhchii taapwehtawekuch taan kaa ishi niikaan wiihtahkwaau aniyehkaa uchischiwehiichesuuch.

Luke 9:41

Jesus maak chii iteu aniyuu iinuu anit kaa ihtaayich, “Chiyawaau anuhchiish kaa pimaatisiyekw ekaa kaa ayaayekw taapwehtamuwin kaye ekaa kaa kweskaatisiyekw, namui kaye kuiskw chit ishi pimaatisiinaawaau. Taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

John 12:27

“Naashch misimeyihtam nitahchaahkw, taan maak chechii itak Nuuhtaawii. Nika itaau aa, nuuhtaawii, ekaawii pechi pachishtin chechii nanehkaateyimuyaan. Namui, namui nika uhchi itaau uyuu wesh ekun wehchi takushiniyaan utah aschiihch chechii nanehkaateyimuyaan.

John 20:27

Kaa itaat aniyuu Thomas, “Taahtinh nitihchii kaye ute uhpimeyuu pechi taahtinh, ekun ekw ishpish aanuwehta, taapwehta ekw.”