Mark 9:17 - Chishemanituu Utayimuwin: Kaa Uskaach Testament

¹⁷ Chii uhchi ayimuu peyakw naapeu anit mekwesiin e mihchetinaanuyich e itwet, “Chischinuhamaachesuu, chichii petwaatin nikus. Namui chii ayimuu wesh machiahchaahkwa piichishkaakuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒌ ᐅᐦᒋ ᐊᔨᒨ ᐯᔭᒄ ᓈᐯᐤ ᐊᓂᑦ ᒣᑴᓰᓐ ᐁ ᒥᐦᒉᑎᓈᓄᔨᒡ ᐁ ᐃᑗᑦ, ᒋᔅᒋᓄᐦᐊᒫᒉᓲ, ᒋᒌ ᐯᑣᑎᓐ ᓂᑯᔅ᙮ ᓇᒧᐃ ᒌ ᐊᔨᒨ ᐌᔥ ᒪᒋᐊᐦᒑᐦᑾ ᐲᒋᔥᑳᑰ᙮

Mark 9:17 Iomraidhean Croise

Matthew 12:22

Pasch awenichii chii peshuweuch naapeu anite Jesus e ihtaayich ekaa waapahtamiyich kaye ekaa uhchii ayimiyich, e chii piihchishkaakuyich machiahchaahkwa. Ekw Jesus kaa miinuwaachihaat aniyuu naapeu, kaa uhchi nihtaaweyich kaye kaa uhchi waapahtamiyich.

Matthew 17:15

“Utipeyihchikeu, chistimaacheyim nikus. Uchipitikuu maan, naashch nanehkaateyimuu wesh mihchetwaau maan machishtawepayiyuu ishkutehch kaye mihchetwaau pakashtawepayiyuu nipiihch mekwaach aniyuu e uchipitakut.

Matthew 9:32

Iskutak maak e ati chistuhtetwaau anichii naapeuch, pasch awenich chii peshuweuch naapeuh anit Jesus e ihtaayich ekaa nihtaaweyich e piihchishkaakuyich machiahchaahkwa.

Mark 10:13

Chii peshuweuch maak awenich awaasha Jesus e ihtaayich, e nitaweyimaatwaau chechii saaminaayich. Anichii maak chischinuhamuwaakanich chii chistahamuweuch aniyuuh aweyuu uyuu e ihtiyich.

Mark 5:23

Chii nitutamuweu Jesus e itaat, “Shaash chekaat nipuu nitaanish. Chiwiishaamitin chechii pechi saaminat chechii miinuwaatisiit ekw maak namui kata uhchi nipuu.”

Mark 7:26

Uu maak iskweu Greek chii itiskaanesuu, anite Phoenicia kaa ishinihkaateyich ihtaawiniyuu anite itehche Syria aschiihch kaa ihtakuniyich ekute chii pimaatisiiche. Naashch chii aayihkamisiyuu e nitutamuwaat Jesus chechii wiiwiitishihwaayich aniyuu machiahchaahkwa kaa piihchishkaakuyich utaanisa.

Mark 9:16

Ekw Jesus kaa itaat aniyuuh uchischinuhamuwaakanh, “Chekwaan an naashch kaa mista ayimitutamekw.”

Mark 9:18

Iskutak miyaasihiikuch uyuu machiahchaahkwa, mitun wesh kata niihchiwepahukuu, kaye kata piishteutaahtam, eyuu maak wesh kata shashewaapiteyuu, kaye mitun kata chiituwaaskupayuu. Anichii maak chichischinuhamuwaakanich nichii kakwechimaauch chechii wiiwiitishihwaatwaau aniyuuh machiahchaahkwa namui maak uhchii ihtuuch.”

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Luke 11:14

Chii ihtaau naapeu mitun e chii ihtuutaakut machiahchaahkw ekaa chechii kaschihut e ayimit. Iskutak maak Jesus kaa wiiwiitishihwaat aniyuu machiahchaahkwa, ekw kaa uhchi nihtaawet an naapeu. Ekw anichii iinuuch naashch taapwe chii maamishkaateyihtamihiikuuch uyeyuu.

Luke 9:38

Anit maak mekwesiinuu e mihchetinaanuuhch chii tepweu peyakw naapeu e itaat aniyuu Jesus, “Chischinuhamaachesuu, chipukuseyimitin chechii wiichihiit nikus, wesh eukw mikw uu e peyakushit nitawaashiim.

John 4:47

Iskutak piyehtahk an uchimaau e chii takushiniyich Jesus anite Galilee aschiihch, anite Judea aschiihch e uhtuhteyich, chii nituwaapameu ekw kaa aayihkamihaat chechii ituhteyich anite Capernaumihch, chechii nituu miinuwaachihaayich aniyuu ukusisa, wesh shaash chekaat namui uhchi pimaatisiyuu.