Mark 8:6 - Chishemanituu Utayimuwin: Kaa Uskaach Testament

⁶ Ekw Jesus kaa itashuwaataat aniyuuh iinuuh chechii waweyipihiisuyich anit mushtaskamach. Kaa utinaat aniyuu niishwaashch aaihkunaauh, kaa nanaaskumaat Chishemanituuh, ekw kaa pahkwenaat aniyuu aaihkunaau, kaa maamiyaat uchischinuhamuwaakanh chechii maatinaweyich. Ekun maak kaa ihtitwaau anichii chischinuhamuwaakanich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᒌᓴᔅ ᑳ ᐃᑕᔓᐙᑖᑦ ᐊᓂᔫᐦ ᐄᓅᐦ ᒉᒌ ᐗᐌᔨᐱᐦᐄᓱᔨᒡ ᐊᓂᑦ ᒧᔥᑕᔅᑲᒪᒡ᙮ ᑳ ᐅᑎᓈᑦ ᐊᓂᔫ ᓃᔣᔥᒡ ᐋᐃᐦᑯᓈᐤᐦ, ᑳ ᓇᓈᔅᑯᒫᑦ ᒋᔐᒪᓂᑑᐦ, ᐁᒄ ᑳ ᐸᐦᑴᓈᑦ ᐊᓂᔫ ᐋᐃᐦᑯᓈᐤ, ᑳ ᒫᒥᔮᑦ ᐅᒋᔅᒋᓄᐦᐊᒧᐙᑲᓐᐦ ᒉᒌ ᒫᑎᓇᐌᔨᒡ᙮ ᐁᑯᓐ ᒫᒃ ᑳ ᐃᐦᑎᑣᐤ ᐊᓂᒌ ᒋᔅᒋᓄᐦᐊᒧᐙᑲᓂᒡ᙮

Mark 8:6 Iomraidhean Croise

Matthew 26:26

Aniyuu maak e miichisutwaau, Jesus chii utineu aaihkunaau ekw kaa nanaaskumaat Chishemanituu. Iskutak maak kaa nanaaskumut ekw kaa papahkwenaat aniyuu aaihkunaau ekw kaa miyaat uchischinuhamuwaakan e itaat, “Utinaahkw uu, muwaahkw, eukuu niyuu.”

Mark 8:20

Ekw Jesus kaa itwet, “Iskutak maak kaa papahkwenakwaau anichii niishwaashch aaihkunaauch chechii miichisutwaau anichii newaau chishemitaahtumitanuu iinuuch taan kaa ishpishaach maak iskushtawaan anit.” “Niishwaashch utipiiwath,” chii itweuch.

Mark 8:5

Jesus maak chii iteu, “Taan tahtu aaihkunaauch e ayaawekuch.” “Niishwaashch itashuuch,” chii iteuch.

Mark 8:7

Chii ayaaweuch eyuu namesa e ayaapishiishiyich, namui uhchi mihchetiyuuh. Jesus chii nanaaskumuu e ayaawaatwaau uyuuh namesa ekw kaa itashuwaataat uchischinuhamuwaakanh chechii maatinaweyich kaye uyuuh.

Luke 12:37

Kata shaweyihtaakusuuch maak anichii aapachihaakanich miskaakutwaawenich aniyuu uchimaamuwaauh e chii ayeskuwiishtawaatwaau. Chiwiihtamaatinaawaau maak, an uchimaau kata ayeskuwiyuu wiya kweschiipan chechii ihtuutamuwaat taan kaa ishi ihtuutamaakut ekw maak che wiishaamaat chechii miichisuyich, mechim wiya chika wiishtuweu.

Luke 24:30

Iskutak maak waachimiichisuumaat chii utineu aaihkunaau, chii nanaaskumuu kaye chii pahkweneu ekw kaa maatinamuwaat.

John 2:5

Ekw Jesus ukaawiih kaa itaat aniyuu aapachihaakanh, “Mikw taan che itashumitaakwe eukw aniyuu ihtuutamuwaahkw.”

John 6:23

Kutak maak utih chii pechi naatakaamepayuuh anite Tiberias e uhchipayihkwaauh.

Romans 14:6

An awen kaa ihtakuniyikwaauh e chiishikaayikwaauh uste e iteyihtamihiikut ishpish kutak, wii chisteyimeu Utipeyihchikeu uyuu e ihtit. Ekw an awen mikw e ishinaakuniyich chekwaayuu kaa miichit wii chisteyimeu Utipeyihchikeu uyuu e ihtit wesh nanaaskumeu Chishemanituuh aniyuu miichimiyuu. Kaye maak an awen ekaa mikw e ishinaakuniyich chekwaayuu kaa miichit wii chisteyimeu kaye wii Utipeyihchikeu uyuu e ihtit. Kaye wiya maak nanaaskumeu Chishemanituu.

Colossians 3:17

Misiwe chekwaan e ihtuutamekw kaye taan e itweyekw, Utipeyihchikeu Jesus utishinihkaasuwinihch chipaa ishi ihtuutenaawaau e nanaaskumekw Chishemanituu Kuuhtaawinuu wiya Jesus uhchi.