Mark 8:25 - Chishemanituu Utayimuwin: Kaa Uskaach Testament

²⁵ Jesus miin kaa taahtinamuwaat uschiishikuyuuh. Eukw ekw kaa aapahiipayiniyikwaauh mitun e miinawaachihtaakanuyikwaau, misiwe chekwaayuu chii payehkasinam.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒌᓴᔅ ᒦᓐ ᑳ ᑖᐦᑎᓇᒧᐙᑦ ᐅᔅᒌᔑᑯᔫᐦ᙮ ᐁᐅᒄ ᐁᒄ ᑳ ᐋᐸᐦᐄᐸᔨᓂᔨᒀᐤᐦ ᒥᑐᓐ ᐁ ᒦᓇᐙᒋᐦᑖᑲᓄᔨᒀᐤ, ᒥᓯᐌ ᒉᒀᔫ ᒌ ᐸᔦᐦᑲᓯᓇᒻ᙮

Mark 8:25 Iomraidhean Croise

Matthew 13:12

Wesh an awen kaa ayaat nisituhtamuwiniyuu etituu mistahii chika miyaakanuu chechii nisituhtahk ekw an awen ekaa kaa nisituhtahk chika utinikanuuyuu waawaach aniyuu apishiish kaa ishi nisituhtahk.

Mark 8:24

Chii tastasaapuu an naapeu e itwet, “Ehe, niwaapamaauch awenich, mikw maak mwehch mistikuch e papaamuhtetwaau ekun e ishinuukwaau.”

Mark 8:26

Ekw Jesus kaa chiiwetishihwaat uyuu e itaat, “Ekaawii ituhte anite ihtaawinihch.”

ᐊᐸᔅᑕᓚᒡ 1:10

Mekwaach maak anite ishpimihch e iitaapitwaau e wii kanawaapamaatwaau e ati uhpipayiyich chiihtihtawii chii uhchi wiichikaapuushtaakuuch niishu naapeu e waapaaspisuyich.

ᐊᐸᔅᑕᓚᒡ 14:9

Mekwaach maak anit e apit an naapeu chii nituhtaweu aniyuu Paul e ayimiyich. Iskutak maak Paul kaa chischeyihtahk e taapwehtamiyich aniyuu naapeu chechii miinuwaachihaakanuyich, kuiskw chii kanawaapameu

Philippians 1:6

Nicheshtinaahuun maak Chishemanituu chechii chiishihtaat taan kaa ishi chihchi miyuunaakuhtaat chipimaatisiiwinawaauh iskutak kaa pimaachihiitaakw kaye che wiichihiitaakw etituu chechii ati nihtaauchuwekw piihiim aniyuu e chiishikaayich takushiniyichen Jesus Christ.

1 Peter 2:9

Chiyawaau an kaa itiskaanesiyekw chichii wiyaapamikuwaau Chishemanituu kaye eukw chiyawaau maauch kaa niikaaneyihtaakusit chisheuchimaau utayimiheuchimaamh. Eukw chiyawaau kaa payehchisiitwaau kaa itiskaanesitwaau iinuuch, eukw chiyawaau Chishemanituu tipiiwe utiiniimih. Chiyawaau chichii wiyaapamikunaawaau chechii waawiihtamuwekw taan e ishi chisteyihtaakuniyikwaauh utayihtuwinh an kaa wiishaamitaakw wanitipiskusiiwinihch uhchi anite ishi umaamishkaach waashtewinihch.

2 Peter 3:18

Suuhk etituu wii ishi nihtaauchikw ushaweyihchichewinihch chitipeyihchikeminuu kaye chipimaachihiiweminuu Jesus Christ, kaye suuhk etituu wii chischeyimaahkw chipimaatisiiwiniwaahch. Wiya maak katawii chisteyihtaakuhaakanuu anuhchiish kaye kaachiche. Amen.